FACEBOOK

ഫേസ്ബുക്ക് ‘ഡേറ്റിങ്’ ആപ്പിന്റെ പരീക്ഷണം കാനഡയിലും തായ്‌ലാന്‍ഡിലും; സ്വകാര്യതയെ മാനിക്കുമെന്ന് സക്കര്‍ബര്‍ഗ് 

സുരക്ഷ സംബന്ധിച്ച് ആശങ്കകള്‍ ഉയരുന്നതിനിടെ പുതിയ സേവനവുമായി ഫേസ്ബുക്ക് എത്തുന്നത്. ഉപയോക്താക്കളുടെ സ്വകാര്യതയെ പൂര്‍ണമായി മാനിച്ച് കൊണ്ടാവും പുതിയ സേവനം ആരംഭിക്കുക.

യോജിച്ച പങ്കാളിയെ കണ്ടെത്താന്‍ ഉപഭോക്താക്കളെ സഹായിക്കാനായി ഫേസ്ബുക്ക് ആരംഭിക്കുന്ന 'ഡേറ്റിംങ്' ആപ്പിന്റെ പരിക്ഷണം കാനഡയിലും തായ്‌ലാന്‍ഡിലും പരീക്ഷണം ആരംഭിച്ചു. കൊളംബിയയില്‍ സെപ്തംബര്‍ മാസത്തില്‍ ഇതിന്റെ പരീക്ഷണം ആരംഭിച്ചിരുന്നു. മെയ് മാസത്തില്‍ നടന്ന എഫ്8 കോണ്‍ഫറന്‍സിലാണ് വെബ്സൈറ്റ് സംബന്ധിച്ച ആദ്യ അറിയിപ്പ് പ്രഖ്യാപിച്ചത്. 18 വയസ്സ് മുതലുള്ളവര്‍ക്ക് മാത്രമാണ് നിലവില്‍ വെബ്സൈറ്റ് ഉപയോഗിക്കാന്‍ കഴിയുകയുള്ളു. ഫേസ്ബുക്കിനുള്ളില്‍ തന്നെ ഈ ഫീച്ചര്‍ ലഭ്യമാകും.

വെബ്സൈറ്റില്‍ പ്രൊഫൈലുകള്‍ ഉണ്ടാക്കുകയാണ് ആദ്യപടി. അതിനുശേഷം പറ്റിയ പങ്കാളിയെ കണ്ടെത്താന്‍ സാധിക്കുമെന്നാണ് ഫേസ്ബുക്ക് അറിയിച്ചത്. നിലവില്‍ ടിന്‍ഡര്‍, ബംബിള്‍ എന്നിങ്ങനെ നിരവധി ഡേറ്റിങ് ആപ്പുകള്‍ ഉണ്ട്. എങ്കിലും ലോകത്തെ ഭൂരിഭാഗം ആളുകള്‍ക്കും ഫേസ്ബുക്ക് അക്കൗണ്ട് ഉള്ളതുകൊണ്ട് തന്നെ ഇതിലൂടെ യോജിച്ച പങ്കാളിയെ കണ്ടെത്തുന്നത് കുറച്ചുകൂടി എളുപ്പമായിരിക്കുമെന്ന് ഫേസ്ബുക്ക് അവകാശപ്പെടുന്നു. തീര്‍ത്തും സ്വതന്ത്ര്യമായ ഡേറ്റിംങ് ആപ്പായിരിക്കും ഇതെന്ന് ഫേസ്ബുക്ക് വ്യക്തമാക്കിയിട്ടുണ്ട്.

ഇതിനായി പ്രത്യേക പ്രൊഫൈല്‍ ഉപയോക്താകള്‍ക്ക് നിര്‍മിക്കാനാവും. എന്നാല്‍ ഈ പ്രൊഫൈല്‍ ഫേസ്ബുക്ക് ന്യൂസ്ഫീഡിലോ ഫേസ്ബുക്ക് സുഹൃത്തുകള്‍ക്കോ കാണാനാവില്ല. പ്രൊഫൈല്‍ നിര്‍മിച്ചതിന് ശേഷം ഉപയോക്താക്കള്‍ക്ക് അവരുടെ താല്‍പര്യങ്ങള്‍ക്കും ലോക്കേഷനു അനുസരിച്ചുള്ള ഗ്രൂപ്പ്കളും ഇവന്റുകളും കാണാനാകും. മെസഞ്ചറിന്റെ സഹായമില്ലാതെ രഹസ്യമായി ചാറ്റ് ചെയ്യുന്നതിനുള്ള സംവിധാനവും ഫേസ്ബുക്ക് ഡേറ്റിംങ് ആപ്പില്‍ ഉള്‍പ്പെടുത്തുമെന്നാണ് റിപ്പോര്‍ട്ട്.

ഉപയോക്താക്കളുടെ സ്വകാര്യതയെ പൂര്‍ണമായി മാനിച്ച് കൊണ്ടാവും പുതിയ സേവനം ആരംഭിക്കുകയെന്നും സക്കര്‍ബര്‍ഗ് വ്യക്തമാക്കിയിട്ടുണ്ട്. 200 മില്യണ്‍ അവിവാഹിതര്‍ ഫേസ്ബുക്കില്‍ ഉള്ള സാഹചര്യത്തില്‍ ഈ പുതിയ ആപ്പിലൂടെ അര്‍ഥപൂര്‍ണ്ണമായ ബന്ധങ്ങള്‍ ഉണ്ടാക്കാന്‍ സാധിക്കുമെന്ന പ്രതീക്ഷ ഉള്ളതായും അദ്ദേഹം കൂട്ടിച്ചേര്‍ത്തു.

സുരക്ഷ സംബന്ധിച്ച് ആശങ്കകള്‍ ഉയരുന്നതിനിടെ പുതിയ സേവനവുമായി ഫേസ്ബുക്ക് എത്തുന്നത്. അടുത്തിടെ യുവജനങ്ങള്‍ക്ക് ഫേസ്ബുക്കിനോട് താല്പര്യം കുറഞ്ഞതായുള്ള റിപ്പോര്‍ട്ടുകള്‍ പുറത്തുവന്നിരുന്നു. നഷ്ടപ്പെട്ട സ്വീകാര്യത വര്‍ധിപ്പിക്കാനായി പുതിയ തന്ത്രങ്ങള്‍ മെനയുകയാണ് ഇതിലൂടെ ഫേസ്ബുക്ക്. ചെറുപ്പക്കാര്‍ കൂട്ടത്തോടെ മറ്റു സമൂഹമാധ്യമങ്ങളിലേക്കു ചേക്കേറുന്നതായാണു വിവരം. ഫേസ്ബുക്കിന്റെ ഏറ്റവും പ്രധാനപ്പെട്ട ഉപയോക്താക്കളിലൊന്നാണ് 13 വയസ്സിനും 17നും ഇടയ്ക്കു പ്രായമുള്ളവര്‍. ഇവരാണിപ്പോള്‍ കൈവിട്ടു പോയിരിക്കുന്നത്. യൂട്യൂബിന്റെ ആരാധകര്‍ 85 ശതമാനമുണ്ട്. സ്നാപ്ചാറ്റിലാകട്ടെ 69 ശതമാനവും. ഫേസ്ബുക്കിന്റെ തന്നെ ഉടമസ്ഥതയിലുള്ള ഇന്‍സ്റ്റഗ്രാമും വില്ലനായുണ്ട്. ഇന്‍സ്റ്റഗ്രാമിലേക്കും കൗമാരക്കാര്‍ കൂട്ടത്തോടെ കടന്നുകൂടുകയാണ്.

മുന്‍കാലത്തേക്കാളും സമൂഹമാധ്യമങ്ങളില്‍ ചെറുപ്പക്കാര്‍ സമയം ചെലവിടുന്നത് വര്‍ധിച്ചെങ്കിലും അതു മുതലെടുക്കാന്‍ ഫേസ്ബുക്കിനാകുന്നില്ലെന്നാണു സര്‍വേ വ്യക്തമാക്കിയിരുന്നു. നേരത്തേ ഫേസ്ബുക് മാത്രമായിരുന്നു കൗമാരക്കാരുടെ പ്രധാന ആശ്രയം. എന്നാല്‍ ഇന്ന് കൂടുതല്‍ പ്ലാറ്റ്ഫോമുകളുണ്ട്. അതാകട്ടെ ഫേസ്ബുക്കിനുണ്ടാക്കുന്നതു വന്‍ ഭീഷണിയും. ഇതെല്ലാം മറികടക്കുകയാണ് ഡേറ്റിംങ് ആപ്പിലൂടെ ഫേസ്ബുക്ക് ലക്ഷ്യം വെയ്ക്കുന്നത്. അടുത്തിടെ പരീക്ഷണാടിസ്ഥാനത്തില്‍ ജീവനക്കാര്‍ക്കിടയില്‍ ഡേറ്റിംങ് ഫീച്ചര്‍ ഫേസ്ബുക്ക് അവതരിപ്പിച്ചിരുന്നു. ഫേസ്ബുക്കില്‍ വരാന്‍ പോകുന്ന ഫീച്ചറിന്റെ 'ഫസ്റ്റ് ലുക്കും' പുറത്തുവന്നിരുന്നു. ജീവനക്കാര്‍ വിവരങ്ങള്‍ നല്‍കിയാണ് പരീക്ഷണം പുരോഗമിക്കുന്നത്. സഹപ്രവര്‍ത്തകര്‍ക്കിടയില്‍ ഡേറ്റിംഗ് പ്രോത്സാഹിപ്പിക്കുകയല്ല പരീക്ഷണത്തിന്റെ ഉദ്ദേശ്യമെന്ന് ഫേസ്ബുക്ക് വ്യക്തമാക്കുകയും ചെയ്തു.

FEATURED

 ഒറ്റ ക്ലിക്കില്‍ പൈനാപ്പിള്‍ ബോംബ്, പിന്നാലെ മേക്കിങ് വീഡിയോയും; സോഷ്യല്‍മീഡിയക്ക് ‘ക്ഷ’ പിടിച്ചു തിരുവനന്തപുരം സ്വദേശിയുടെ ചിത്രങ്ങള്‍ 
Special Story

ഒറ്റ ക്ലിക്കില്‍ പൈനാപ്പിള്‍ ബോംബ്, പിന്നാലെ മേക്കിങ് വീഡിയോയും; സോഷ്യല്‍മീഡിയക്ക് ‘ക്ഷ’ പിടിച്ചു തിരുവനന്തപുരം സ്വദേശിയുടെ ചിത്രങ്ങള്‍ 

26 Jan, 2019
പൗരാവകാശങ്ങള്‍ക്ക് വിലങ്ങിടുന്ന ഭരണാധികാരികള്‍; മോഡിയും റിപ്പബ്ലിക് ദിന മുഖ്യാതിഥി സിറില്‍ രാമഫോസയും തമ്മിലുളള സാമ്യങ്ങള്‍ 
Special Story

പൗരാവകാശങ്ങള്‍ക്ക് വിലങ്ങിടുന്ന ഭരണാധികാരികള്‍; മോഡിയും റിപ്പബ്ലിക് ദിന മുഖ്യാതിഥി സിറില്‍ രാമഫോസയും തമ്മിലുളള സാമ്യങ്ങള്‍ 

26 Jan, 2019
മറന്ന് കളയരുത് ഇവരെ; ഭരണഘടനാ നിർമ്മാണത്തിൽ പങ്കാളികളായ 15 സ്ത്രീകൾ
Special Story

മറന്ന് കളയരുത് ഇവരെ; ഭരണഘടനാ നിർമ്മാണത്തിൽ പങ്കാളികളായ 15 സ്ത്രീകൾ

26 Jan, 2019
സാമ്പത്തിക വളര്‍ച്ച മുതല്‍  ശബരിമല വരെ; പ്രധാനമന്ത്രി മോഡി കൊല്ലത്ത് പറഞ്ഞ വസ്തുതയ്ക്ക് നിരക്കാത്ത അഞ്ച്‌  കാര്യങ്ങള്‍ 
Politics

സാമ്പത്തിക വളര്‍ച്ച മുതല്‍ ശബരിമല വരെ; പ്രധാനമന്ത്രി മോഡി കൊല്ലത്ത് പറഞ്ഞ വസ്തുതയ്ക്ക് നിരക്കാത്ത അഞ്ച്‌ കാര്യങ്ങള്‍ 

15 Jan, 2019
2018ലെ പണംവാരിപ്പടങ്ങള്‍; ബോക്‌സ് ഓഫീസ് ടോപ് 10ല്‍ ഇവര്‍  
FILM NEWS

2018ലെ പണംവാരിപ്പടങ്ങള്‍; ബോക്‌സ് ഓഫീസ് ടോപ് 10ല്‍ ഇവര്‍  

31 Dec, 2018
ഫേസ്ബുക്കിനെയും സക്കര്‍ബര്‍ഗിനെയും വിടാതെ കഷ്ടകാലം! കുഴപ്പിച്ച വിവാദങ്ങളും സുരക്ഷാ വീഴ്ചകളും 
Special Story

ഫേസ്ബുക്കിനെയും സക്കര്‍ബര്‍ഗിനെയും വിടാതെ കഷ്ടകാലം! കുഴപ്പിച്ച വിവാദങ്ങളും സുരക്ഷാ വീഴ്ചകളും 

31 Dec, 2018