Keralam

ആര്‍ത്തവം അശുദ്ധിയല്ല; സ്ത്രീകളെ ഒരുപാട്‌ കാലം മാറ്റിനിര്‍ത്താമെന്ന് കരുതണ്ട; ശബരിമല വിധിക്കൊപ്പമെന്ന് പാര്‍വതി

ശബരിമല വിധിയില്‍ നിലപാട് വ്യക്തമാക്കി നടി പാര്‍വതി. യുവതികള്‍ക്ക് പ്രവേശനം നല്‍കിയ സുപ്രീംകോടതി വിധിക്കൊപ്പമാണ് താനെന്ന് പാര്‍വതി വ്യക്തമാക്കി. ആര്‍ത്തവത്തിന്റെ പേരില്‍ സ്ത്രീകള്‍ മാറ്റിനിര്‍ത്തപ്പെടേണ്ടവളാണോ എന്നും ആര്‍ത്തവം അശുദ്ധമാണോ എന്നും ഏറെക്കാലമായി മനസിനെ ബുദ്ധിമുട്ടിച്ച ചോദ്യമാണെന്നും പാര്‍വതി പറയുന്നു.

ആര്‍ത്തവം അശുദ്ധമാണെന്ന് ഞാന്‍ വിശ്വസിക്കുന്നില്ല. അതിന്റെ പേരില്‍ സ്ത്രീകളെ ഒരുപാടുകാലം മാറ്റിനിര്‍ത്താന്‍ കഴിയില്ല. ഏതെങ്കിലും അമ്പലത്തില്‍ എനിക്ക് പോകണമെന്ന് തോന്നിയാല്‍ ഉറപ്പായും ഞാന്‍ പോകും. ആര്‍ത്തവം അശുദ്ധമാണോ എന്ന ചോദ്യം ചെറുപ്പം മുതല്‍ എന്റെ ഉള്ളിലുണ്ടായിരുന്നു. എല്ലാ സ്ത്രീകളുടെ മുഖത്തും ഞാനാ ചോദ്യം കണ്ടിട്ടുണ്ട്. ശരീരത്തിന്റെ വിശുദ്ധി സ്ത്രീകളുടെ യോനിയിലാണെന്നാണ് പലരുടേയും ധാരണ. എത്രവര്‍ഷമെടുത്തിട്ടായാലും ഈ ധാരണ എടുത്തുമാറ്റേണ്ടതുണ്ട്.
പാര്‍വതി

ന്യൂസ് 18ന് നല്‍കിയ അഭിമുഖത്തിലാണ് പര്‍വതി നിലപാട് വ്യക്തമാക്കിയത്. ശബരിമല വിഷയത്തില്‍ അഭിപ്രായം പറഞ്ഞതിനെച്ചൊല്ലി ആക്രമിക്കപ്പെടുമെന്ന് അറിയാമെന്നും പാര്‍വതി പറയുന്നു

17ാം വയസില്‍ സിനിമാമേഖലയിലേക്ക് പ്രവശേിച്ചതുമുതല്‍ കേരളത്തിലെ ലിംഗ അസമത്വത്തെക്കുറിച്ച് മനസിലായിട്ടുണ്ടെന്നും പാര്‍വതി പറഞ്ഞു. മലയാള സിനിമ പുരുഷ കേന്ദ്രീകൃതമായ ഒരു വ്യവസ്ഥയാണ്. അവിടെ ആളുകള്‍ എന്നോട് സംസാരിക്കുമ്പോള്‍, അവര്‍ ഞാന്‍ എന്ന വ്യക്തിയോടല്ല, പാര്‍വതി എന്ന സ്ത്രീയോടാണ് സംസാരിക്കുന്നത്. ഒന്നോ രണ്ടോ പേരെ മാത്രമേ ഇതില്‍നിന്നും വ്യത്യസ്ഥരായി കണ്ടിട്ടുള്ളെന്നും പാര്‍വതി പറയുന്നു.

സിനിമ മേഖലയില്‍ സത്രീകളോട് തര്‍ക്കിക്കുന്നതിനേക്കാള്‍ എളുപ്പമാണ് പുരുഷന്മാരെ പറഞ്ഞ് മനസ്സിലാക്കാന്‍. വര്‍ഷങ്ങളായി ഈ മേഖലയില്‍ പ്രവര്‍ത്തിക്കുന്ന സ്ത്രീകള്‍, നമ്മള്‍ എന്തെങ്കിലും അഭിപ്രായം പറഞ്ഞാല്‍ എന്തിനാണ് അനാവശ്യമായി ഈ കോലാഹലങ്ങള്‍ക്ക് പോവുന്നത് എന്ന ചോദ്യമാണുയര്‍ത്താറുള്ളതെന്നും പാര്‍വതി പറയുന്നു.

ആരെയും വെല്ലുവിളിക്കാനല്ല, ഉത്തരം കിട്ടാനാണ് ചോദ്യങ്ങള്‍ ചോദിക്കുന്നത്. എന്നാല്‍ ചോദ്യങ്ങള്‍ ചോദിക്കുന്നവരെ കുറ്റക്കാരാക്കുന്ന പ്രവണതയാണ് മലയാള സിനിമയ്ക്കുള്ളത്. അവസരങ്ങള്‍ ഇല്ലാതാക്കിയാലും നിലപാടുകളില്‍നിന്ന് പിന്നോട്ടില്ലെന്നും പാര്‍വതി പറയുന്നു. ചോദിക്കുന്നത് അവകാശമാണെന്നും ആരുടേയും ഔദാര്യമല്ലെന്നും പാര്‍വതി അഭിമുഖത്തില്‍ പറഞ്ഞു.

FEATURED

 ഒറ്റ ക്ലിക്കില്‍ പൈനാപ്പിള്‍ ബോംബ്, പിന്നാലെ മേക്കിങ് വീഡിയോയും; സോഷ്യല്‍മീഡിയക്ക് ‘ക്ഷ’ പിടിച്ചു തിരുവനന്തപുരം സ്വദേശിയുടെ ചിത്രങ്ങള്‍ 
Special Story

ഒറ്റ ക്ലിക്കില്‍ പൈനാപ്പിള്‍ ബോംബ്, പിന്നാലെ മേക്കിങ് വീഡിയോയും; സോഷ്യല്‍മീഡിയക്ക് ‘ക്ഷ’ പിടിച്ചു തിരുവനന്തപുരം സ്വദേശിയുടെ ചിത്രങ്ങള്‍ 

26 Jan, 2019
പൗരാവകാശങ്ങള്‍ക്ക് വിലങ്ങിടുന്ന ഭരണാധികാരികള്‍; മോഡിയും റിപ്പബ്ലിക് ദിന മുഖ്യാതിഥി സിറില്‍ രാമഫോസയും തമ്മിലുളള സാമ്യങ്ങള്‍ 
Special Story

പൗരാവകാശങ്ങള്‍ക്ക് വിലങ്ങിടുന്ന ഭരണാധികാരികള്‍; മോഡിയും റിപ്പബ്ലിക് ദിന മുഖ്യാതിഥി സിറില്‍ രാമഫോസയും തമ്മിലുളള സാമ്യങ്ങള്‍ 

26 Jan, 2019
മറന്ന് കളയരുത് ഇവരെ; ഭരണഘടനാ നിർമ്മാണത്തിൽ പങ്കാളികളായ 15 സ്ത്രീകൾ
Special Story

മറന്ന് കളയരുത് ഇവരെ; ഭരണഘടനാ നിർമ്മാണത്തിൽ പങ്കാളികളായ 15 സ്ത്രീകൾ

26 Jan, 2019
സാമ്പത്തിക വളര്‍ച്ച മുതല്‍  ശബരിമല വരെ; പ്രധാനമന്ത്രി മോഡി കൊല്ലത്ത് പറഞ്ഞ വസ്തുതയ്ക്ക് നിരക്കാത്ത അഞ്ച്‌  കാര്യങ്ങള്‍ 
Politics

സാമ്പത്തിക വളര്‍ച്ച മുതല്‍ ശബരിമല വരെ; പ്രധാനമന്ത്രി മോഡി കൊല്ലത്ത് പറഞ്ഞ വസ്തുതയ്ക്ക് നിരക്കാത്ത അഞ്ച്‌ കാര്യങ്ങള്‍ 

15 Jan, 2019
2018ലെ പണംവാരിപ്പടങ്ങള്‍; ബോക്‌സ് ഓഫീസ് ടോപ് 10ല്‍ ഇവര്‍  
FILM NEWS

2018ലെ പണംവാരിപ്പടങ്ങള്‍; ബോക്‌സ് ഓഫീസ് ടോപ് 10ല്‍ ഇവര്‍  

31 Dec, 2018
ഫേസ്ബുക്കിനെയും സക്കര്‍ബര്‍ഗിനെയും വിടാതെ കഷ്ടകാലം! കുഴപ്പിച്ച വിവാദങ്ങളും സുരക്ഷാ വീഴ്ചകളും 
Special Story

ഫേസ്ബുക്കിനെയും സക്കര്‍ബര്‍ഗിനെയും വിടാതെ കഷ്ടകാലം! കുഴപ്പിച്ച വിവാദങ്ങളും സുരക്ഷാ വീഴ്ചകളും 

31 Dec, 2018