Keralam

ആചാരലംഘനം സമ്മതിച്ച് വത്സന്‍ തില്ലങ്കേരി; ഇരുമുടിക്കെട്ട് ഇല്ലാതെ 18-ാം പടിയില്‍ നിന്നത് അറിവില്ലായ്മ കൊണ്ടെന്ന് വിശദീകരണം   

ശബരിമലയില്‍ താൻ ആചാര ലംഘനം നടത്തിയെന്ന് സമ്മതിച്ച് ആർ എസ്എസ് നേതാവ് വത്സന്‍ തില്ലങ്കേരി. ഇരുമുടിക്കെട്ട് ഇല്ലാതെ 18ാം പടിയില്‍ നിന്നത് അറിവില്ലായ്മ കൊണ്ടെന്നാണ് വിശദീകരണം. മനോരമ ന്യൂസ് കൗണ്ടര്‍ പോയന്റ് എന്ന പരിപടിയിലാണ് ആചാരലംഘനം നടത്തിയതായി സമ്മതിച്ചത്. ആചാരം സംരക്ഷിക്കാൻ പേരില്‍ സന്നിധാനത്ത് സംഘപരിവാര്‍ ബിജെപി പ്രവര്‍ത്തകര്‍ സംഘടിച്ചതിന നേതൃത്വം കൊടുത്ത നേതാവണ് വത്സന്‍ തില്ലങ്കേരി.

ഇന്ന് രാവിലെ വത്സന്‍ തില്ലങ്കേരി ഇരുമുടിക്കെട്ടില്ലാതെ പതിനെട്ടാം പടി കയറി പുറം തിരിഞ്ഞ് നിന്ന് പ്രവര്‍ത്തകരെ അഭിസംബോധന ചെയ്ത് സംസാരിച്ചിരുന്നു. ഇതെ തുടര്‍ന്ന് വത്സനെതിരെ പ്രതിഷേധം ഉയര്‍ന്നിരുന്നു.

വത്സന്‍ തില്ലങ്കേരിയുടെ ആചാരലംഘനത്തിന്റെ പശ്ചാത്തലത്തില്‍ ഇരുമുടിക്കെട്ട് ഇല്ലാതെ ശബരിമല 18ാം പടി ചവിട്ടുന്നത് ആചാരലംഘനമാണെന്ന് പറഞ്ഞുകൊണ്ട് തന്ത്രി കണ്ഠര് രാജീവര് രംഗത്തുവന്നിരുന്നു. തന്ത്രിക്കും രാജകുടുംബത്തിനും മാത്രമേ ഇരുമുടി കെട്ടില്ലാതെ 18ാം പടി ചവിട്ടാവൂ എന്നാണ് ശബരിമലയിലെ ആചാരമെന്നും തന്ത്രി കണ്ഠര് രാജീവര് വ്യക്തമാക്കിയിരുന്നു.

പ്രതിഷേധത്തെ തുടര്‍ന്ന് താന്‍ ആചാര ലംഘനം നടത്തിയിട്ടില്ലെന്നാണ് വത്സന്‍ തില്ലങ്കേരി പ്രതികരിച്ചിരുന്നത്. ഇരുമുടിക്കെട്ടുമായിട്ടാണ് പടികയറിയത്. ബഹളം കേട്ട് തിരിച്ചെത്തുകയായിരുന്നു. എന്തെങ്കിലും ആചാരലംഘനം നടത്തിയിട്ടുണ്ടെന്ന് ആര്‍ക്കെങ്കിലും തോന്നിയിട്ടുണ്ടെങ്കില്‍ അയ്യപ്പനോട് പ്രായശ്ചിത്വം ചെയ്യാന്‍ തയ്യാറാണ്. വേണമെങ്കില്‍ വീഡിയോ ദൃശ്യം പരിശോധിക്കാമെന്നും അദ്ദേഹം പറഞ്ഞിരുന്നു.

18 പടിയില്‍ നിന്ന് പ്രക്ഷോഭകരെ അഭിസംബോധന ചെയ്തതിന്റെ ചിത്രങ്ങളും വീഡിയോ ദൃശ്യങ്ങളും പുറത്തു വരികയും അതില്‍ ആചാര ലംഘന നടന്നതായി തെളിയുകയും ചെയ്തിരുന്നു. മുഖ്യമന്ത്രി പിണറായി വിജയനടക്കം വിമര്‍ശനവുമായി രംഗത്തുവന്ന പശ്ചാത്തലത്തിലാണ് തില്ലങ്കരിയുടെ വിശദീകരണം.

FEATURED

 ഒറ്റ ക്ലിക്കില്‍ പൈനാപ്പിള്‍ ബോംബ്, പിന്നാലെ മേക്കിങ് വീഡിയോയും; സോഷ്യല്‍മീഡിയക്ക് ‘ക്ഷ’ പിടിച്ചു തിരുവനന്തപുരം സ്വദേശിയുടെ ചിത്രങ്ങള്‍ 
Special Story

ഒറ്റ ക്ലിക്കില്‍ പൈനാപ്പിള്‍ ബോംബ്, പിന്നാലെ മേക്കിങ് വീഡിയോയും; സോഷ്യല്‍മീഡിയക്ക് ‘ക്ഷ’ പിടിച്ചു തിരുവനന്തപുരം സ്വദേശിയുടെ ചിത്രങ്ങള്‍ 

26 Jan, 2019
പൗരാവകാശങ്ങള്‍ക്ക് വിലങ്ങിടുന്ന ഭരണാധികാരികള്‍; മോഡിയും റിപ്പബ്ലിക് ദിന മുഖ്യാതിഥി സിറില്‍ രാമഫോസയും തമ്മിലുളള സാമ്യങ്ങള്‍ 
Special Story

പൗരാവകാശങ്ങള്‍ക്ക് വിലങ്ങിടുന്ന ഭരണാധികാരികള്‍; മോഡിയും റിപ്പബ്ലിക് ദിന മുഖ്യാതിഥി സിറില്‍ രാമഫോസയും തമ്മിലുളള സാമ്യങ്ങള്‍ 

26 Jan, 2019
മറന്ന് കളയരുത് ഇവരെ; ഭരണഘടനാ നിർമ്മാണത്തിൽ പങ്കാളികളായ 15 സ്ത്രീകൾ
Special Story

മറന്ന് കളയരുത് ഇവരെ; ഭരണഘടനാ നിർമ്മാണത്തിൽ പങ്കാളികളായ 15 സ്ത്രീകൾ

26 Jan, 2019
സാമ്പത്തിക വളര്‍ച്ച മുതല്‍  ശബരിമല വരെ; പ്രധാനമന്ത്രി മോഡി കൊല്ലത്ത് പറഞ്ഞ വസ്തുതയ്ക്ക് നിരക്കാത്ത അഞ്ച്‌  കാര്യങ്ങള്‍ 
Politics

സാമ്പത്തിക വളര്‍ച്ച മുതല്‍ ശബരിമല വരെ; പ്രധാനമന്ത്രി മോഡി കൊല്ലത്ത് പറഞ്ഞ വസ്തുതയ്ക്ക് നിരക്കാത്ത അഞ്ച്‌ കാര്യങ്ങള്‍ 

15 Jan, 2019
2018ലെ പണംവാരിപ്പടങ്ങള്‍; ബോക്‌സ് ഓഫീസ് ടോപ് 10ല്‍ ഇവര്‍  
FILM NEWS

2018ലെ പണംവാരിപ്പടങ്ങള്‍; ബോക്‌സ് ഓഫീസ് ടോപ് 10ല്‍ ഇവര്‍  

31 Dec, 2018
ഫേസ്ബുക്കിനെയും സക്കര്‍ബര്‍ഗിനെയും വിടാതെ കഷ്ടകാലം! കുഴപ്പിച്ച വിവാദങ്ങളും സുരക്ഷാ വീഴ്ചകളും 
Special Story

ഫേസ്ബുക്കിനെയും സക്കര്‍ബര്‍ഗിനെയും വിടാതെ കഷ്ടകാലം! കുഴപ്പിച്ച വിവാദങ്ങളും സുരക്ഷാ വീഴ്ചകളും 

31 Dec, 2018