Keralam

കൊച്ചിതീരത്ത് ഓരോവര്‍ഷവും സമുദ്രനിരപ്പ് ഉയരുന്നുവെന്ന് ജെഎന്‍യു ഗവേഷകരുടെ പഠനം; ഭൂഗര്‍ഭജലത്തിന്റെ ഗുണം കുറയുന്നു

കൊച്ചി തീരത്തെ സമുദ്രനിരപ്പ് ഓരോ വര്‍ഷവും 1.8 മില്ലീമീറ്റര്‍ ഉയരുന്നുവെന്ന് പഠനം. ജെഎന്‍യു ഗവേഷകര്‍ നടത്തിയ പഠനത്തിലാണ് കൊച്ചി തീരത്തെ ആശങ്കയിലാഴ്ത്തുന്ന റിപ്പോര്‍ട്ട് പുറത്തുവന്നത്. ഗവേഷക സംഘം പഠന റിപ്പോര്‍ട്ട് ജേണല്‍ ഓഫ് ക്ലൈമറ്റ് ചേയ്ഞ്ചില്‍ പ്രസിദ്ധീകരിച്ചു.

കൊച്ചി തീരത്ത് സമുദ്ര ജലം കൂടുതല്‍ കരയിലേക്ക് കയറുകയാണ്. ഇതിനാല്‍ ഭൂഗര്‍ഭ ജലത്തിന്റെ ഗുണം കുറയുന്നെന്നും റിപ്പോര്‍ട്ടില്‍ പറയുന്നു. കൊച്ചിയിലെ 80 ശതമാനത്തോളം തീരത്തും മണ്ണൊലിപ്പ് ഉണ്ടാകുന്നുണ്ട്. തിരമാല, കാറ്റ് എന്നിവയുടെ സ്വാഭാവിക മര്‍ദ്ദം കൂടാതെ, ഖനനവും നിര്‍മ്മാണ പ്രവര്‍ത്തനങ്ങളും മണ്ണൊലിപ്പിന് കാരണമാകുന്നുണ്ടെന്ന് റിപ്പോര്‍ട്ടില്‍ ചൂണ്ടിക്കാണിക്കുന്നു.

ഗവേഷക സംഘം തെക്കന്‍ വൈപ്പിന്‍ മുതല്‍ മൂവാറ്റുപുഴ വരെയുള്ള 27 ഇടങ്ങളിലെ കിണര്‍വെള്ളം പരിശോധിച്ചാണ് ഭൂഗര്‍ഭ ജലത്തില്‍ വന്ന മാറ്റങ്ങളെക്കുറിച്ച് നിരീക്ഷിച്ചത്. ചെല്ലാനത്തുനിന്നുള്ള വെള്ളത്തില്‍ ഉപ്പുരസത്തിന്റെ കൂടുതലും എടവനക്കാട്, പള്ളിപ്പുറം ഭാഗങ്ങളില്‍ വെള്ളത്തിന് ക്ഷാര സ്വഭാവവുമുണ്ടെന്നാണ് കണ്ടെത്തല്‍.

ഭൂഗര്‍ഭ ജലം ശുദ്ധിയാക്കാന്‍ കിണര്‍ റീച്ചാര്‍ജിങ് വര്‍ദ്ധിപ്പിക്കണമെന്ന് ഭൂഗര്‍ഭ ഡിവിഷന്‍ ഗവേഷകന്‍ സിപി പ്രിജു പറഞ്ഞു. കൂടുതല്‍ പ്രശ്നം നേരിടുന്നത് താഴ്ന്ന പ്രദേശങ്ങളിലാണ്. എങ്കിലും നിലവിലെ സാഹചര്യത്തില്‍ മിക്ക തീരങ്ങളിലേയും വെള്ളം കുടിക്കാന്‍ കഴിയുന്നതാണ്. അമിത ജലമൂറ്റല്‍ കുറയ്ക്കണമെന്ന് പഠനം നിര്‍ദ്ദേശിക്കുന്നു.

സമുദ്രനിരപ്പ് ഉയരുന്നത് മൂലം ഭൂഗര്‍ഭ ജലത്തിന്റെ ഗുണം കുറയുന്നുണ്ടോ എന്നതിനായിരുന്നു പഠനം ഊന്നല്‍ നല്‍കിയുന്നത്. 1971-2007 കാലഘട്ടത്തെ സമുദ്രനിരപ്പ് വിവരങ്ങളും 2002-2012 കാലത്തെ ഉപഗ്രഹ ദൃശ്യങ്ങളും ഉപയോഗിച്ചായിരുന്നു പഠനം.

FEATURED

പ്രളയത്തിന് മുമ്പും ശേഷവും; അതീജീവന പോരാട്ടത്തിലൂടെ കരകയറുന്ന കുറങ്കോട്ട ദ്വീപ്
FEATURED STORIES

പ്രളയത്തിന് മുമ്പും ശേഷവും; അതീജീവന പോരാട്ടത്തിലൂടെ കരകയറുന്ന കുറങ്കോട്ട ദ്വീപ്

16 Nov, 2018
ശബരിമല സ്ത്രീപ്രവേശനം; സുപ്രീം കോടതി വിധി, സംക്ഷിപ്ത രൂപം 
Special Story

ശബരിമല സ്ത്രീപ്രവേശനം; സുപ്രീം കോടതി വിധി, സംക്ഷിപ്ത രൂപം 

10 Nov, 2018
ഹരണ്‍ പാണ്ഡ്യെയെ കൊലപ്പെടുത്തിയതാര്? മോഡിക്കും അമിത് ഷായ്ക്കും തലവേദന സൃഷ്ടിച്ച് കേസ് വീണ്ടും സജീവമാകുമ്പോള്‍  
Special Story

ഹരണ്‍ പാണ്ഡ്യെയെ കൊലപ്പെടുത്തിയതാര്? മോഡിക്കും അമിത് ഷായ്ക്കും തലവേദന സൃഷ്ടിച്ച് കേസ് വീണ്ടും സജീവമാകുമ്പോള്‍  

8 Nov, 2018
‘സജീവ രാഷ്ട്രീയത്തില്‍ ഇടപെടില്ല’ പ്രതിമ അനാച്ഛാദനം ചെയ്യുമ്പോള്‍ സര്‍ദാര്‍ പട്ടേലിന് നല്‍കിയ ഉറപ്പുകള്‍ മറന്നുപോയ ആര്‍ എസ് എസ്സും മോഡിയും   
Special Story

‘സജീവ രാഷ്ട്രീയത്തില്‍ ഇടപെടില്ല’ പ്രതിമ അനാച്ഛാദനം ചെയ്യുമ്പോള്‍ സര്‍ദാര്‍ പട്ടേലിന് നല്‍കിയ ഉറപ്പുകള്‍ മറന്നുപോയ ആര്‍ എസ് എസ്സും മോഡിയും   

31 Oct, 2018
നാഗേശ്വര റാവു:  ആര്‍എസ്എസിന്റെ ഇഷ്ടക്കാരന്‍;  വര്‍ഗീയ പ്രസംഗത്തിന് നടപടി നേരിട്ടയാള്‍;  സിബിഐയുടെ താല്‍കാലിക ഡയറക്ടറെ കുറിച്ച് അറിയേണ്ടതെല്ലാം 
Special Story

നാഗേശ്വര റാവു: ആര്‍എസ്എസിന്റെ ഇഷ്ടക്കാരന്‍; വര്‍ഗീയ പ്രസംഗത്തിന് നടപടി നേരിട്ടയാള്‍; സിബിഐയുടെ താല്‍കാലിക ഡയറക്ടറെ കുറിച്ച് അറിയേണ്ടതെല്ലാം 

28 Oct, 2018
 നെഹ്‌റുവിന്റെ ആരാധകന്‍, രാജീവിന്റെ ആശ്രിതന്‍, മോഡിയുടെ വിനീതന്‍ മീ ടുവില്‍ ഒതുങ്ങിയ അക്ബറിന്റെ പല പല ജീവിതങ്ങള്‍
Special Story

നെഹ്‌റുവിന്റെ ആരാധകന്‍, രാജീവിന്റെ ആശ്രിതന്‍, മോഡിയുടെ വിനീതന്‍ മീ ടുവില്‍ ഒതുങ്ങിയ അക്ബറിന്റെ പല പല ജീവിതങ്ങള്‍

14 Oct, 2018