Keralam

ആദ്യം അറസ്റ്റിലായ 200 അക്രമികള്‍ ശബരിമലയില്‍ വീണ്ടും സംഘര്‍ഷത്തിന് എത്തി; മുഖങ്ങള്‍ തിരിച്ചറിഞ്ഞ് പൊലീസ് ക്യാമറകള്‍ 

ചിത്തിര ആട്ടത്തിന് ശബരിമല നടതുറന്നപ്പോള്‍ എത്തിയ പ്രതിഷേധക്കാരില്‍ ഇരുന്നൂറിലേറെപ്പേര്‍ നേരത്തെ സംഘര്‍ഷമുണ്ടായപ്പോള്‍ പങ്കാളികളായിരുന്നവരെന്ന് പൊലീസ്. പൊലീസിന്റെ ഫേസ് ഡിറ്റക്ഷന്‍ ക്യാമറകള്‍ ഇവരെ തിരിച്ചറിഞ്ഞു. ആദ്യ സംഘര്‍ഷത്തില്‍ അറസ്റ്റിലായിരുന്ന ഇവര്‍ ജാമ്യത്തിലിറങ്ങിയാണ് വീണ്ടും ശബരിമലയിലെത്തിയതെന്ന് പൊലീസ് പറഞ്ഞു.

കഴിഞ്ഞമാസം തുലാമാസ പൂജയ്ക്കായി നടതുറന്നപ്പോഴുണ്ടായ സംഘര്‍ഷത്തിന്റെയും അക്രമത്തിന്റെയും സിസിടിവി, വീഡിയോ ദൃശ്യങ്ങള്‍ പൊലീസ് പരിശോധിച്ച് 1500 പേരുടെ ചിത്രങ്ങള്‍ പൊലീസ് പുറത്തുവിട്ടിരുന്നു. ഇവ ഫേസ് ഡിറ്റക്ഷന്‍ ക്യാമറകളുമായി ബന്ധിപ്പിച്ചു. ഇത് ഫേസ് ഡിറ്റക്ഷന്‍ സോഫ്റ്റുവേറുകളുമായി ബന്ധപ്പെടുത്തിയാണ് അവരില്‍ 200 പേരെങ്കിലും ഇത്തവണയും ശബരിമലയില്‍ എത്തിയിരുന്നതായി പോലീസ് തിരിച്ചറിഞ്ഞത്.

കഴിഞ്ഞ വര്‍ഷം ചിത്തിര ആട്ടവിശേഷത്തിന് ആയിരത്തിനുള്ളില്‍ ആളുകള്‍ മാത്രമാണ് ശബരിമലയില്‍ ദര്‍ശനത്തിനെത്തിയത്. എന്നാല്‍ ഇത്തവണ 7500 പേരെത്തിയെന്നാണ് സ്‌പെഷല്‍ ബ്രാഞ്ചിന്റെ കണക്ക്. ഇതില്‍ നാനൂറോളംപേര്‍ നെയ്യഭിഷേകം കഴിഞ്ഞ് തിരിച്ചിറങ്ങി. ബാക്കിയുള്ളവര്‍ പകല്‍ മുഴുവന്‍ സന്നിധാനത്തുതന്നെ തമ്പടിച്ചു. കണ്ണൂര്‍, കാസര്‍ഗോഡ് ജില്ലകളില്‍നിന്നെത്തിയതാണ് മിക്കവരും. ഇവരെല്ലാവരും ആര്‍എസ്എസ്-ബിജെപി അനുഭാവികളാണെന്ന് പൊലീസ് പറഞ്ഞു.

ജാമ്യത്തിലിറങ്ങിയവര്‍ ഇരുമുടിക്കെട്ടുമായി ശബരിമലയില്‍ എത്തിയാല്‍ തടയാനാകില്ലെന്ന് പൊലീസ് അറിയിച്ചു. ഇവരെ നിരീക്ഷിക്കുന്നതില്‍ പരാജയപ്പെട്ടുവെന്നും പോലീസ് ഉദ്യോഗസ്ഥര്‍ ചൂണ്ടിക്കാട്ടുന്നു. ക്യാമറാ ദൃശ്യങ്ങളില്‍ ഉള്‍പ്പെട്ട ഇവരെ മണ്ഡലകാല നടതുറക്കുന്നതിന് മുമ്പുതന്നെ നിരീക്ഷിക്കാനും തീരുമാനമായി.

മണ്ഡലകാലത്തെ സുരക്ഷാ സംവിധാനം ചര്‍ച്ച ചെയ്യാന്‍ പന്ത്രണ്ടിന് പൊലീസ് ഉന്നതതല യോഗം ചേരും. ചിത്തിര ആട്ടത്തിന് സന്നിധാനത്ത് പൊലീസിനുണ്ടായ വീഴ്ച യോഗം ചര്‍ച്ചചെയ്യുമെന്ന് ഡിജിപി ലോക്‌നാഥ് ബെഹ്‌റ പറഞ്ഞു.

FEATURED

പ്രളയത്തിന് മുമ്പും ശേഷവും; അതീജീവന പോരാട്ടത്തിലൂടെ കരകയറുന്ന കുറങ്കോട്ട ദ്വീപ്
FEATURED STORIES

പ്രളയത്തിന് മുമ്പും ശേഷവും; അതീജീവന പോരാട്ടത്തിലൂടെ കരകയറുന്ന കുറങ്കോട്ട ദ്വീപ്

16 Nov, 2018
ശബരിമല സ്ത്രീപ്രവേശനം; സുപ്രീം കോടതി വിധി, സംക്ഷിപ്ത രൂപം 
Special Story

ശബരിമല സ്ത്രീപ്രവേശനം; സുപ്രീം കോടതി വിധി, സംക്ഷിപ്ത രൂപം 

10 Nov, 2018
ഹരണ്‍ പാണ്ഡ്യെയെ കൊലപ്പെടുത്തിയതാര്? മോഡിക്കും അമിത് ഷായ്ക്കും തലവേദന സൃഷ്ടിച്ച് കേസ് വീണ്ടും സജീവമാകുമ്പോള്‍  
Special Story

ഹരണ്‍ പാണ്ഡ്യെയെ കൊലപ്പെടുത്തിയതാര്? മോഡിക്കും അമിത് ഷായ്ക്കും തലവേദന സൃഷ്ടിച്ച് കേസ് വീണ്ടും സജീവമാകുമ്പോള്‍  

8 Nov, 2018
‘സജീവ രാഷ്ട്രീയത്തില്‍ ഇടപെടില്ല’ പ്രതിമ അനാച്ഛാദനം ചെയ്യുമ്പോള്‍ സര്‍ദാര്‍ പട്ടേലിന് നല്‍കിയ ഉറപ്പുകള്‍ മറന്നുപോയ ആര്‍ എസ് എസ്സും മോഡിയും   
Special Story

‘സജീവ രാഷ്ട്രീയത്തില്‍ ഇടപെടില്ല’ പ്രതിമ അനാച്ഛാദനം ചെയ്യുമ്പോള്‍ സര്‍ദാര്‍ പട്ടേലിന് നല്‍കിയ ഉറപ്പുകള്‍ മറന്നുപോയ ആര്‍ എസ് എസ്സും മോഡിയും   

31 Oct, 2018
നാഗേശ്വര റാവു:  ആര്‍എസ്എസിന്റെ ഇഷ്ടക്കാരന്‍;  വര്‍ഗീയ പ്രസംഗത്തിന് നടപടി നേരിട്ടയാള്‍;  സിബിഐയുടെ താല്‍കാലിക ഡയറക്ടറെ കുറിച്ച് അറിയേണ്ടതെല്ലാം 
Special Story

നാഗേശ്വര റാവു: ആര്‍എസ്എസിന്റെ ഇഷ്ടക്കാരന്‍; വര്‍ഗീയ പ്രസംഗത്തിന് നടപടി നേരിട്ടയാള്‍; സിബിഐയുടെ താല്‍കാലിക ഡയറക്ടറെ കുറിച്ച് അറിയേണ്ടതെല്ലാം 

28 Oct, 2018
 നെഹ്‌റുവിന്റെ ആരാധകന്‍, രാജീവിന്റെ ആശ്രിതന്‍, മോഡിയുടെ വിനീതന്‍ മീ ടുവില്‍ ഒതുങ്ങിയ അക്ബറിന്റെ പല പല ജീവിതങ്ങള്‍
Special Story

നെഹ്‌റുവിന്റെ ആരാധകന്‍, രാജീവിന്റെ ആശ്രിതന്‍, മോഡിയുടെ വിനീതന്‍ മീ ടുവില്‍ ഒതുങ്ങിയ അക്ബറിന്റെ പല പല ജീവിതങ്ങള്‍

14 Oct, 2018