Keralam

ധൈര്യമുണ്ടേല്‍ ശ്രീധരന്‍പിളളയെ അറസ്റ്റ് ചെയ്യൂവെന്ന് വെല്ലുവിളിച്ച് എം.ടി രമേശ്; പിണറായിക്കും മന്ത്രിമാര്‍ക്കും പിന്നെ പുറത്തിറങ്ങാനാവില്ലെന്ന് കൃഷ്ണദാസ്

ധൈര്യമുണ്ടേല്‍ ബിജെപി സംസ്ഥാന പ്രസിഡന്റിനെ അറസ്റ്റ് ചെയ്യാന്‍ ആവശ്യപ്പെട്ടും അറസ്റ്റ് ചെയ്താല്‍ മുഖ്യമന്ത്രിക്ക് പുറത്തിറങ്ങാന്‍ കഴിയില്ലെന്ന് വെല്ലുവിളിച്ചും ബിജെപി നേതാക്കള്‍. ശ്രീധരന്‍പിളളയ്‌ക്കെതിരെ കേസെടുത്ത കസബ പൊലീസ് സ്റ്റേഷന് മുന്നിലൂടെ രഥയാത്ര കടന്നുപോകുമെന്നും ധൈര്യമുണ്ടേല്‍ അദ്ദേഹത്തെ അറസ്റ്റ് ചെയ്യുകയാണ് വേണ്ടതെന്നും ബിജെപി സംസ്ഥാന ജനറല്‍ സെക്രട്ടറി എം.ടി രമേശ് പറഞ്ഞു. നവംബര്‍ 16ന് ശബരിമല നടതുറക്കുമ്പോള്‍ സംസ്ഥാന അധ്യക്ഷന്‍ ഉള്‍പ്പെടെയുളള ബിജെപി നേതാക്കള്‍ സന്നിധാനത്ത് ഉണ്ടാകുമെന്നും രമേശ് കൂട്ടിച്ചേര്‍ത്തു.

ശ്രീധരന്‍പിളളയെ കളളക്കേസ് ചുമത്തി ജയിലില്‍ അടച്ചാല്‍ മുഖ്യമന്ത്രിക്കും മന്ത്രിമാര്‍ക്കും പുറത്തിറങ്ങാനാവാത്ത തരത്തില്‍ ജനകീയ പ്രതിഷേധമുണ്ടാകുമെന്ന് ബിജെപി ദേശീയ നിര്‍വാഹക സമിതി അംഗം പി.കെ കൃഷ്ണദാസ് ഇന്നലെ കോഴിക്കോട് പറഞ്ഞിരുന്നു.

ജനാധിപത്യത്തെ നഗ്നമായി കശാപ്പ് ചെയ്യുന്ന നടപടികളിലൂടെ കേരള സ്റ്റാലിന്‍ ആവാനാണ് പിണറായി വിജയന്‍ ശ്രമിക്കുന്നത്. അവിശ്വാസികള്‍ക്കെതിരായ പോരാട്ടത്തില്‍ വിശ്വാസികളുടെ പിന്നില്‍ ബിജെപിയുണ്ടെന്നും സര്‍ക്കാരിന് തന്റേടം ഉണ്ടെങ്കില്‍ ശ്രീധരന്‍പിളളയെ അറസ്റ്റ് ചെയ്യണമെന്നും കൃഷ്ണദാസ് പറഞ്ഞു.

ശബരിമല സംഘര്‍ഷത്തെ തുടര്‍ന്ന് നടത്തിയ വിവാദ പ്രസംഗത്തില്‍ ജാമ്യമില്ലാ വകുപ്പ് പ്രകാരം പൊലീസെടുത്ത കേസ് റദ്ദാക്കണമെന്ന് ആവശ്യപ്പെട്ട് ബിജെപി സംസ്ഥാന അധ്യക്ഷന്‍ പിഎസ് ശ്രീധരന്‍ പിള്ള ഹൈക്കോടതിയെ സമീപിച്ചിരിക്കുകയാണ്. തനിക്കെതിരായ കേസ് നിലനില്‍ക്കില്ലെന്നും കേസിന് ആസ്പദമായ കുറ്റമൊന്നും താന്‍ ചെയ്തിട്ടില്ലെന്നും ചൂണ്ടിക്കാട്ടിയാണ് ശ്രീധരന്‍ പിള്ള ഹര്‍ജി നല്‍കിയത്.

ഹര്‍ജിയില്‍ ഹൈക്കോടതി സംസ്ഥാന സര്‍ക്കാരിന്റെ വിശദീകരണം തേടിയിരിക്കുകയാണ്. കേസ് ചൊവ്വാഴ്ച പരിഗണിക്കും വരെ ശ്രീധരന്‍ പിള്ളയെ അറസ്റ്റ് ചെയ്യുന്നതടക്കം നടപടികളിലേക്ക് കടക്കില്ലെന്ന് സര്‍ക്കാര്‍ ഹൈക്കോടതിയെ അറിയിച്ചിരുന്നു.

കോഴിക്കോട് യുവമോര്‍ച്ച യോഗത്തില്‍ ശബരിമല വിഷയം ബിജെപിക്ക് കിട്ടിയ സുവര്‍ണാവസരമെന്ന് പ്രസംഗിച്ച ശ്രീധരന്‍ പിള്ളയ്‌ക്കെതിരെ കോഴിക്കോട് കസബ പൊലീസാണ് കേസെടുത്തത്. ഐപിസി 505(1)ബി പ്രകാരമാണ് കേസ് രജിസ്റ്റര്‍ ചെയ്തത്.

സമാധാന അന്തരീക്ഷം തകര്‍ക്കുംവിധം പൊതുജനങ്ങളില്‍ പ്രകോപനത്തിന് പ്രേരണ നല്‍കുന്ന തരത്തില്‍ സംസാരിച്ചതിനാണ് ഇന്ത്യന്‍ ശിക്ഷാ നിയമം 505 (1) (ബി) വകുപ്പ് പ്രകാരം കേസെടുത്തത്.

FEATURED

സാമ്പത്തിക വളര്‍ച്ച മുതല്‍  ശബരിമല വരെ; പ്രധാനമന്ത്രി മോഡി കൊല്ലത്ത് പറഞ്ഞ വസ്തുതയ്ക്ക് നിരക്കാത്ത അഞ്ച്‌  കാര്യങ്ങള്‍ 
Politics

സാമ്പത്തിക വളര്‍ച്ച മുതല്‍ ശബരിമല വരെ; പ്രധാനമന്ത്രി മോഡി കൊല്ലത്ത് പറഞ്ഞ വസ്തുതയ്ക്ക് നിരക്കാത്ത അഞ്ച്‌ കാര്യങ്ങള്‍ 

15 Jan, 2019
2018ലെ പണംവാരിപ്പടങ്ങള്‍; ബോക്‌സ് ഓഫീസ് ടോപ് 10ല്‍ ഇവര്‍  
FILM NEWS

2018ലെ പണംവാരിപ്പടങ്ങള്‍; ബോക്‌സ് ഓഫീസ് ടോപ് 10ല്‍ ഇവര്‍  

31 Dec, 2018
ഫേസ്ബുക്കിനെയും സക്കര്‍ബര്‍ഗിനെയും വിടാതെ കഷ്ടകാലം! കുഴപ്പിച്ച വിവാദങ്ങളും സുരക്ഷാ വീഴ്ചകളും 
Special Story

ഫേസ്ബുക്കിനെയും സക്കര്‍ബര്‍ഗിനെയും വിടാതെ കഷ്ടകാലം! കുഴപ്പിച്ച വിവാദങ്ങളും സുരക്ഷാ വീഴ്ചകളും 

31 Dec, 2018
ഇന്ത്യന്‍ രാഷ്ട്രീയത്തെ പിടിച്ചുകുലുക്കിയ ആറ് സമരങ്ങള്‍
Special Story

ഇന്ത്യന്‍ രാഷ്ട്രീയത്തെ പിടിച്ചുകുലുക്കിയ ആറ് സമരങ്ങള്‍

31 Dec, 2018
പൊളിഞ്ഞടുങ്ങിയ പത്ത് വ്യാജവാര്‍ത്തകള്‍
Special Story

പൊളിഞ്ഞടുങ്ങിയ പത്ത് വ്യാജവാര്‍ത്തകള്‍

31 Dec, 2018
2018 ൽ  ചരിത്രത്തിലേക്ക് നടന്നു കയറിയ അഞ്ച് മലയാളി സ്ത്രീകൾ 
Special Story

2018 ൽ ചരിത്രത്തിലേക്ക് നടന്നു കയറിയ അഞ്ച് മലയാളി സ്ത്രീകൾ 

30 Dec, 2018