Keralam

മണ്‍വിളയില്‍ 500 കോടിയുടെ നാശനഷ്ടത്തിനിടയാക്കിയ തീപിടിത്തം അട്ടിമറി? ജീവനക്കാര്‍ കസ്റ്റഡിയില്‍, ശമ്പളം വെട്ടിക്കുറച്ചതാണ് പ്രകോപനത്തിന് കാരണമെന്ന് പൊലീസ്

തിരുവനന്തപുരം മണ്‍വിളയിലെ ഫാമിലി പ്ലാസ്റ്റിക്കിലുണ്ടായ തീപിടിത്തം അട്ടിമറിയെന്ന് സൂചന. സ്ഥാപനത്തിലെ ജീവനക്കാരായ രണ്ടുപേരെ പൊലീസ് കസ്റ്റഡിയില്‍ എടുത്തു. ചിറയിന്‍കീഴ്, കഴക്കൂട്ടം സ്വദേശികളായ രണ്ടുപേരെയാണ് പൊലീസ് പിടികൂടിയത്. ഇവരിലൊരാള്‍ ലൈറ്റര്‍ വാങ്ങിയതായി പൊലീസിന് സൂചന ലഭിച്ചു.

ലൈറ്റര്‍ ഉപയോഗിച്ച് പാക്കിങ്ങിനുളള പ്ലാസ്റ്റിക്കില്‍ തീകൊളുത്തിയതായിട്ടാണ് അനുമാനം. ഇലക്ട്രിക് വിഭാഗത്തിന്റെ സ്ഥിരീകരണത്തിന് ശേഷമെ ഇവരെ അറസ്റ്റ് ചെയ്യുകയുളളൂ എന്ന് പൊലീസ് അറിയിച്ചു. പിടിയിലായ ജീവനക്കാരുടെ ശമ്പളം വെട്ടിക്കുറച്ചതാണ് ഇവരുടെ പ്രകോപനത്തിനുളള കാരണമെന്നാണ് പൊലീസ് പറയുന്നത്.

ഒക്ടോബര്‍ 31ന് രാത്രിയിലാണ് തിരുവനന്തപുരത്തെ നടുക്കിയ തീപിടിത്തം ഉണ്ടായത്. മണ്‍വിളയിലെ ഫാമിലി പ്ലാസ്റ്റിക്കില്‍ ഉണ്ടായ വന്‍ തീപിടിത്തത്തില്‍ രണ്ട് ഗോഡൗണും നിര്‍മ്മാണ യൂണിറ്റുകളില്‍ ഒന്നും പൂര്‍ണമായി കത്തിനശിച്ചിരുന്നു. 500കോടിയോളം രൂപയുടെ നാശനഷ്ടമാണെന്നാണ് പ്രാഥമിക വിലയിരുത്തല്‍.

കോടിക്കണക്കിന് രൂപ വിലവരുന്ന പ്ലാസ്റ്റിക് ഉത്പന്നങ്ങളും നിര്‍മ്മാണ സാമഗ്രികളുമാണ് കത്തിനശിച്ചത്. 12 മണിക്കൂറോളം എടുത്താണ് തീ പൂര്‍ണമായും അണച്ചത്.പ്ലാസ്റ്റിക് ഫാക്ടറി കത്തിയ സാഹചര്യത്തില്‍ ഒരു കിലോമീറ്റര്‍ ചുറ്റളവില്‍ ഓക്സിജന്റെ അളവ് കുറയാന്‍ സാധ്യതയുളളതിനാല്‍ ജാഗ്രത പാലിക്കണമെന്ന് നിര്‍ദേശം നല്‍കിയിരുന്നു.

തിരുവനന്തപുരം,കൊല്ലം ജില്ലകളിലെയും തമിഴ്നാട്ടില്‍ നിന്നെത്തിയതും ഉള്‍പ്പെടെ അമ്പതോളം ഫയര്‍ എഞ്ചിനുകളാണ് സ്ഥലത്തെത്തിയത്. വിമാനത്താവളത്തില്‍ നിന്നുളള പ്രത്യേക ഫയര്‍ എന്‍ജിനായ പാന്തറും തീയണയ്ക്കുന്നതിന് ശ്രമിച്ചിരുന്നു.

ആദ്യ മണിക്കൂറുകളില്‍ ഫയര്‍ എഞ്ചിനുകള്‍ മണിക്കൂറുകള്‍ ശ്രമിച്ചിട്ടും തീ നിയന്ത്രിക്കാനായില്ല. പ്ലാസ്റ്റിക് കെമിക്കല്‍ വസ്തുക്കള്‍ കത്തുന്നത് അണയ്ക്കാന്‍ കഴിയാത്തതാണ് പ്രശ്നമായത്.തുടര്‍ന്ന് സമീപവാസികളെ അടക്കം സുരക്ഷിത സ്ഥാനത്തേക്ക് മാറ്റിയാണ് മണിക്കൂറുകള്‍ക്ക് ഒടുവില്‍ തീയണച്ചത്.

FEATURED

പ്രളയത്തിന് മുമ്പും ശേഷവും; അതീജീവന പോരാട്ടത്തിലൂടെ കരകയറുന്ന കുറങ്കോട്ട ദ്വീപ്
FEATURED STORIES

പ്രളയത്തിന് മുമ്പും ശേഷവും; അതീജീവന പോരാട്ടത്തിലൂടെ കരകയറുന്ന കുറങ്കോട്ട ദ്വീപ്

16 Nov, 2018
ശബരിമല സ്ത്രീപ്രവേശനം; സുപ്രീം കോടതി വിധി, സംക്ഷിപ്ത രൂപം 
Special Story

ശബരിമല സ്ത്രീപ്രവേശനം; സുപ്രീം കോടതി വിധി, സംക്ഷിപ്ത രൂപം 

10 Nov, 2018
ഹരണ്‍ പാണ്ഡ്യെയെ കൊലപ്പെടുത്തിയതാര്? മോഡിക്കും അമിത് ഷായ്ക്കും തലവേദന സൃഷ്ടിച്ച് കേസ് വീണ്ടും സജീവമാകുമ്പോള്‍  
Special Story

ഹരണ്‍ പാണ്ഡ്യെയെ കൊലപ്പെടുത്തിയതാര്? മോഡിക്കും അമിത് ഷായ്ക്കും തലവേദന സൃഷ്ടിച്ച് കേസ് വീണ്ടും സജീവമാകുമ്പോള്‍  

8 Nov, 2018
‘സജീവ രാഷ്ട്രീയത്തില്‍ ഇടപെടില്ല’ പ്രതിമ അനാച്ഛാദനം ചെയ്യുമ്പോള്‍ സര്‍ദാര്‍ പട്ടേലിന് നല്‍കിയ ഉറപ്പുകള്‍ മറന്നുപോയ ആര്‍ എസ് എസ്സും മോഡിയും   
Special Story

‘സജീവ രാഷ്ട്രീയത്തില്‍ ഇടപെടില്ല’ പ്രതിമ അനാച്ഛാദനം ചെയ്യുമ്പോള്‍ സര്‍ദാര്‍ പട്ടേലിന് നല്‍കിയ ഉറപ്പുകള്‍ മറന്നുപോയ ആര്‍ എസ് എസ്സും മോഡിയും   

31 Oct, 2018
നാഗേശ്വര റാവു:  ആര്‍എസ്എസിന്റെ ഇഷ്ടക്കാരന്‍;  വര്‍ഗീയ പ്രസംഗത്തിന് നടപടി നേരിട്ടയാള്‍;  സിബിഐയുടെ താല്‍കാലിക ഡയറക്ടറെ കുറിച്ച് അറിയേണ്ടതെല്ലാം 
Special Story

നാഗേശ്വര റാവു: ആര്‍എസ്എസിന്റെ ഇഷ്ടക്കാരന്‍; വര്‍ഗീയ പ്രസംഗത്തിന് നടപടി നേരിട്ടയാള്‍; സിബിഐയുടെ താല്‍കാലിക ഡയറക്ടറെ കുറിച്ച് അറിയേണ്ടതെല്ലാം 

28 Oct, 2018
 നെഹ്‌റുവിന്റെ ആരാധകന്‍, രാജീവിന്റെ ആശ്രിതന്‍, മോഡിയുടെ വിനീതന്‍ മീ ടുവില്‍ ഒതുങ്ങിയ അക്ബറിന്റെ പല പല ജീവിതങ്ങള്‍
Special Story

നെഹ്‌റുവിന്റെ ആരാധകന്‍, രാജീവിന്റെ ആശ്രിതന്‍, മോഡിയുടെ വിനീതന്‍ മീ ടുവില്‍ ഒതുങ്ങിയ അക്ബറിന്റെ പല പല ജീവിതങ്ങള്‍

14 Oct, 2018