Keralam

മണ്‍വിള പ്ലാസ്റ്റിക്ക് ഫാക്ടറിക്ക് തീയിട്ടത് ജീവനക്കാര്‍; ശമ്പളം വെട്ടിക്കുറച്ചതിലെ പ്രതിഷേധമെന്ന് രണ്ടുപേരുടെ കുറ്റസമ്മതം 

തിരുവനന്തപുരം മണ്‍വിള വ്യവസായ എസ്റ്റേറ്റിലെ ഫാമിലി പ്ലാസ്റ്റിക് ഫാക്ടറിക്ക് തീ വച്ചത് കമ്പനിയിലെ രണ്ട് ജീവനക്കാരാണെന്ന് പൊലീസ്. ശമ്പളം വെട്ടിക്കുറച്ചതിന്റെ ദേഷ്യത്തിലാണ് കമ്പനിക്ക് തീയിട്ടതെന്ന് പൊലീസ് കസ്റ്റഡിയിലെടുത്ത രണ്ട് ജീവനക്കാര്‍ കുറ്റസമ്മതം നടത്തി.

കേസില്‍ പ്രതികളായി പൊലീസ് കസ്റ്റഡിയിലെടുത്ത ചിറയിന്‍കീഴ് സ്വദേശി ബിമല്‍, കഴക്കൂട്ടം സ്വദേശി ബിനു എന്നിവര്‍ കുറ്റം സമ്മതിച്ചെന്ന് പൊലീസ് വ്യക്തമാക്കി.

ഇരുപത്തിയെട്ടാം തീയതി കമ്പനിയില്‍ ഷോര്‍ട്ട് സര്‍ക്യൂട്ട് മൂലം തീപിടുത്തമുണ്ടായിരുന്നു. വീണ്ടും തീയിട്ടാലും കാരണം അതു തന്നെയായിരിക്കുമെന്ന് കരുതിയാണ് പ്രതികള്‍ കൃത്യം നടത്തിയതെന്നും പൊലീസ് പറയുന്നു.

ബിമല്‍ തീയിടുകയും ബിനു സഹായം നല്‍കുകയുമായിരുന്നെന്ന് പൊലീസ് പറഞ്ഞു. ബിമലിന്റെയും ബിനുവിന്റെയും ശമ്പളം ഏതാനും മാസങ്ങള്‍ക്ക് മുമ്പ് വെട്ടിക്കുറച്ചിരുന്നു. തുടര്‍ന്ന് രണ്ടുപേരും ഇതിനെതിരെ പ്രതിഷേധവുമായി രംഗത്തെത്തിയിരുന്നു. സിസിടിവി ദൃശ്യങ്ങള്‍ പരിശോധിക്കവെയാണ് ഇവര്‍ക്കെതിരെ നിര്‍ണായക തെളിവ് ലഭിച്ചത്. തുടര്‍ന്ന് ചോദ്യം ചെയ്യവെ പ്രതികള്‍ കുറ്റം സമ്മതിക്കുകയായിരുന്നു. ഫാക്ടറിയിലെ എക്കണോമിക്സ് സ്റ്റോറില്‍ സഹായികളായാണ് ഇരുവരും ജോലി ചെയ്യുന്നത്. ഇരുവരുടെയും അറസ്റ്റ് രേഖപ്പെടുത്തും.

ഉത്പന്നങ്ങള്‍ പാക്ക് ചെയ്യാന്‍ ഉപയോഗിക്കുന്ന പ്ലാസ്റ്റിക്കിന് ലൈറ്റര്‍ ഉപയോഗിച്ച് തീവച്ചതാണ് അപകടത്തിന് കാരണമായത്. ബിമലാണ് ലൈറ്റര്‍ കൊണ്ട് തീകൊളുത്തിയതെന്ന് പൊലീസ് പറഞ്ഞു. വൈകീട്ട് ജോലി കഴിഞ്ഞ് ലൈറ്റ് അണച്ച ശേഷം ഇരുവരും സ്റ്റോര്‍ റൂമിന് സമീപത്തെത്തി തീകൊളുത്തുകയായിരുന്നു. പ്രതികളില്‍ ഒരാള്‍ക്ക് മാനസിക അസ്വാസ്ഥ്യമുണ്ടെന്നും പൊലീസ് അറിയിച്ചു.

കഴിഞ്ഞ മാസം 31 നാണ് സംഭവം നടന്നത്. തീപിടിത്തത്തില്‍ 40 കോടി രൂപയിലധികം നഷ്ടമുണ്ടായെന്നാണ് കണക്കാക്കുന്നത്. ഫാക്ടറിയുടെ മുകള്‍നിലയിലെ സ്റ്റോര്‍ മുറിയില്‍നിന്നായിരുന്നു തീപിടിത്തമുണ്ടായത്. ഷോര്‍ട്ട് സര്‍ക്യൂട്ടാകാം അപകടകാരണമെന്നായിരുന്നു പ്രാഥമിക നിഗമനം. എന്നാല്‍ സ്ഥാപനത്തിലെ സിസിടിവി ക്യാമറയില്‍ ലഭിച്ച ജീവനക്കാരുടേതടെ ദൃശ്യങ്ങള്‍ അന്വേഷണത്തില്‍ സംശയമുണ്ടാക്കിയിരുന്നു. ഇത്രവലിയ തീപിടിത്തമുണ്ടാവുമെന്ന് വിചാരിക്കാതെയാണ് പ്രതികള്‍ തീ വച്ചതെന്നാണ് പൊലീസ് പറയുന്നത്.

FEATURED

 ഒറ്റ ക്ലിക്കില്‍ പൈനാപ്പിള്‍ ബോംബ്, പിന്നാലെ മേക്കിങ് വീഡിയോയും; സോഷ്യല്‍മീഡിയക്ക് ‘ക്ഷ’ പിടിച്ചു തിരുവനന്തപുരം സ്വദേശിയുടെ ചിത്രങ്ങള്‍ 
Special Story

ഒറ്റ ക്ലിക്കില്‍ പൈനാപ്പിള്‍ ബോംബ്, പിന്നാലെ മേക്കിങ് വീഡിയോയും; സോഷ്യല്‍മീഡിയക്ക് ‘ക്ഷ’ പിടിച്ചു തിരുവനന്തപുരം സ്വദേശിയുടെ ചിത്രങ്ങള്‍ 

26 Jan, 2019
പൗരാവകാശങ്ങള്‍ക്ക് വിലങ്ങിടുന്ന ഭരണാധികാരികള്‍; മോഡിയും റിപ്പബ്ലിക് ദിന മുഖ്യാതിഥി സിറില്‍ രാമഫോസയും തമ്മിലുളള സാമ്യങ്ങള്‍ 
Special Story

പൗരാവകാശങ്ങള്‍ക്ക് വിലങ്ങിടുന്ന ഭരണാധികാരികള്‍; മോഡിയും റിപ്പബ്ലിക് ദിന മുഖ്യാതിഥി സിറില്‍ രാമഫോസയും തമ്മിലുളള സാമ്യങ്ങള്‍ 

26 Jan, 2019
മറന്ന് കളയരുത് ഇവരെ; ഭരണഘടനാ നിർമ്മാണത്തിൽ പങ്കാളികളായ 15 സ്ത്രീകൾ
Special Story

മറന്ന് കളയരുത് ഇവരെ; ഭരണഘടനാ നിർമ്മാണത്തിൽ പങ്കാളികളായ 15 സ്ത്രീകൾ

26 Jan, 2019
സാമ്പത്തിക വളര്‍ച്ച മുതല്‍  ശബരിമല വരെ; പ്രധാനമന്ത്രി മോഡി കൊല്ലത്ത് പറഞ്ഞ വസ്തുതയ്ക്ക് നിരക്കാത്ത അഞ്ച്‌  കാര്യങ്ങള്‍ 
Politics

സാമ്പത്തിക വളര്‍ച്ച മുതല്‍ ശബരിമല വരെ; പ്രധാനമന്ത്രി മോഡി കൊല്ലത്ത് പറഞ്ഞ വസ്തുതയ്ക്ക് നിരക്കാത്ത അഞ്ച്‌ കാര്യങ്ങള്‍ 

15 Jan, 2019
2018ലെ പണംവാരിപ്പടങ്ങള്‍; ബോക്‌സ് ഓഫീസ് ടോപ് 10ല്‍ ഇവര്‍  
FILM NEWS

2018ലെ പണംവാരിപ്പടങ്ങള്‍; ബോക്‌സ് ഓഫീസ് ടോപ് 10ല്‍ ഇവര്‍  

31 Dec, 2018
ഫേസ്ബുക്കിനെയും സക്കര്‍ബര്‍ഗിനെയും വിടാതെ കഷ്ടകാലം! കുഴപ്പിച്ച വിവാദങ്ങളും സുരക്ഷാ വീഴ്ചകളും 
Special Story

ഫേസ്ബുക്കിനെയും സക്കര്‍ബര്‍ഗിനെയും വിടാതെ കഷ്ടകാലം! കുഴപ്പിച്ച വിവാദങ്ങളും സുരക്ഷാ വീഴ്ചകളും 

31 Dec, 2018