Keralam

ശബരിമല സുവര്‍ണാവസരം മുതലാക്കാനായില്ല; ബിജെപി നേതൃയോഗത്തില്‍ പൊട്ടിത്തെറി; ശ്രീധരന്‍ പിള്ളയുടെ നിലപാട് മാറ്റങ്ങള്‍ ദോഷം ചെയ്തു  

ശബരിമല സ്ത്രീ പ്രവേശന വിഷയത്തില്‍ ശ്രീധരന്‍ പിള്ളയുടെ മാറിമാറി വന്ന നിലപാടുകളും സമരത്തിന്റെ രീതി മാറ്റവും പാര്‍ട്ടിയുടെ ജനപിന്തുണ നഷ്ടപ്പെടുത്തിയെന്ന് ബിജെപി നേതൃയോഗത്തില്‍ വിമര്‍ശനം. സമരത്തില്‍ പാര്‍ട്ടിക്ക് പിന്തുണ ലഭിച്ചപ്പോള്‍ ഇപ്പോഴത്തെ നിലപാട് മാറ്റം രാഷ്ട്രീയ തിരിച്ചടിക്ക് കാരണമാകുമെന്നും സെക്രട്ടറിയേറ്റ് സമരം ചര്‍ച്ച ചെയ്യുന്നതിനായി കോഴിക്കോട് വിളിച്ചു അടിയന്തര നേതൃയോഗത്തില്‍ വിമര്‍ശനമുണ്ടായി.

നാമജപപ്രതിഷേധ സമരത്തിലൂടെ ആളെക്കൂട്ടാന്‍ കഴിഞ്ഞെങ്കലും ഇപ്പോഴത്തെ നിലപാട് മാറ്റം അതിന് തിരിച്ചടിയാകുമെന്ന് യോഗത്തില്‍ അഭിപ്രായം ഉയര്‍ന്നു. സംസ്ഥാന അധ്യക്ഷന്‍ ശ്രീധരന്‍പിളളയുടെ നിലപാടിനെതിരെ പാലക്കാട്, തിരുവനന്തപുരം, ജില്ലാ അദ്ധ്യക്ഷന്മാര്‍ വിമര്‍ശനം ഉന്നയിച്ചപ്പോള്‍ വി മുരളീരന്‍ എംപിയുടെ പ്രസ്താവനക്കെതിരെയും നേതൃയോഗത്തില്‍ കുറ്റപ്പെടുത്തലുണ്ടായി.

യുവമോര്‍ച്ച വേദിയിലെ പ്രസംഗം എഫ്ബിയിലൂടെ ലൈവ് നല്‍കുമെന്ന് അറിയിച്ചിട്ടും ശ്രീധരന്‍പിളളയുടെ 'സുവര്‍ണാവസര' പ്രസ്താവന പാര്‍ട്ടിയെ പ്രതിക്കൂട്ടിലാക്കി. കെ സുരേന്ദ്രന്‍ ഇപ്പോഴും ജയിലില്‍ തുടരുമ്പോള്‍ സമരം മയപ്പെടുത്തിയത് ശരിയായില്ല. തന്ത്രിക്ക് നിയമോപദേശം നല്‍കിയെന്ന് പറയുന്ന സംസ്ഥാന അധ്യക്ഷന്‍ ഒരു അഭിഭാഷകനായി പോലും സുരേന്ദ്രന് വേണ്ടി രംഗത്തിറങ്ങിയില്ലെന്നും വിമര്‍ശനമുണ്ട്. പാര്‍ട്ടിയിലെ വിഭാഗീയത പുറത്തു വരുന്ന തരത്തിലായിരുന്നു നേതൃയോഗത്തിലെ വിമര്‍ശനങ്ങള്‍.

ശബരിമല സമരത്തിന് തങ്ങള്‍ നല്‍കിയ നിര്‍ദേശങ്ങള്‍ ബിജെപി നേതാക്കള്‍ അട്ടിമറിച്ചെന്ന് ആര്‍എസ്എസ്സിനും പരാതിയുണ്ട്. മാസപൂജ, ചിത്തിര ആട്ടവിശേഷ സമയത്ത് സമരത്തില്‍ മുന്‍പന്തിയിലുണ്ടായിരുന്ന ബിജെപി ആര്‍എസ്എസ് നേതൃത്വം കെ സുരേന്ദ്രന്റെ അറസ്റ്റോടെ പിന്നോട്ട് പോയെന്നും ആക്ഷേപമുണ്ട്.

ശബരിമല സമരം ഒത്തുതീര്‍പ്പാക്കാന്‍ ആത്മാഭിമാനമുളള ഒരു ബിജപി പ്രവര്‍ത്തകനും അനുവദിക്കില്ലെന്നായിരുന്നു വി മുരളീധരന്‍ കഴിഞ്ഞ ദിവസം പ്രതികരിച്ചത്. വി മുരളീധര വിഭാഗം യോഗത്തില്‍ പങ്കെടുത്തിരുന്നില്ല.

അതിനിടെ ബിജെപി സമരം ശക്തിപെടുത്താനാണ് തീരുമാനിച്ചതെന്നും ശബരിമല വിഷയത്തില്‍ ബിജെപി നടത്തിയ എല്ലാ ഇടപെടലുകളും പൂങ്കാവനത്തിന് പുറത്തായിരുന്നുവെന്നും സംസ്ഥാന അധ്യക്ഷന്‍ പിഎസ് ശ്രീധരന്‍ പിളള പറഞ്ഞു. സമരം സെക്രട്ടേറിയറ്റിന് മുന്നിലേക്ക് മാറ്റുകയാണ് ചെയ്തതെന്നും അദ്ദേഹം പറഞ്ഞു.

ശബരിമല സുപ്രീം കോടതി വിധിക്കെതിരായ സമരം സന്നിധാനത്ത് നിന്ന് സെക്രട്ടേറിയറ്റിലേക്ക് മാറ്റുകയാണെന്നാണ് കഴിഞ്ഞ ദിവസം ശ്രീധരന്‍പിളള അറിയിച്ചത്.തിങ്കളാഴ്ച മുതല്‍ സെക്രട്ടേറിയേറ്റിന് മുന്നില്‍ നിരാഹാര സമരം തുടങ്ങും. 15 ദിവസത്തേക്കാണ് നിരാഹാര സമരം. ആദ്യ ഘട്ടത്തില്‍ എഎന്‍ രാധാകൃഷ്ണനാണ് നിരാഹാരമിരിക്കുക എന്നും ബിജെപി അറിയിച്ചിരുന്നു.

ശബരിമലയിലെ നിരോധനാജ്ഞ പിന്‍വലിക്കുക, ബിജെപി നേതാവ് കെ സുരേന്ദ്രനെതിരായ കേസ് റദ്ദാക്കുന്നത് ഉള്‍പ്പെടെ നാല് ആവശ്യങ്ങളുന്നയിച്ചാണ് സമരം. ഓരോ ദിവസത്തെയും സമരത്തിന്റെ ഉത്തരവാദിത്തം ഓരോ ജില്ലകള്‍ക്കാണ്.

FEATURED

കര്‍താര്‍പൂര്‍ ഇടനാഴി മുതല്‍ കാശ്മീര്‍ വരെ, മോഡിയുടെയും ബിജെപിയുടെയും സമീപകാല മലക്കം മറിച്ചലുകള്‍ 
Special Story

കര്‍താര്‍പൂര്‍ ഇടനാഴി മുതല്‍ കാശ്മീര്‍ വരെ, മോഡിയുടെയും ബിജെപിയുടെയും സമീപകാല മലക്കം മറിച്ചലുകള്‍ 

28 Nov, 2018
പ്രളയത്തിന് മുമ്പും ശേഷവും; അതീജീവന പോരാട്ടത്തിലൂടെ കരകയറുന്ന കുറങ്കോട്ട ദ്വീപ്
FEATURED STORIES

പ്രളയത്തിന് മുമ്പും ശേഷവും; അതീജീവന പോരാട്ടത്തിലൂടെ കരകയറുന്ന കുറങ്കോട്ട ദ്വീപ്

16 Nov, 2018
ഹീബ, ഒന്നര വയസ്സ്:  കശ്മീരിലെ സൈന്യത്തിന്റെ പെല്ലറ്റ് ആക്രമണത്തിലെ പ്രായം കുറഞ്ഞ ഇര; മുറിവ് ഉണങ്ങിയാലും കാഴ്ച നഷ്ടമാകുമെന്ന് ആശങ്ക  
Special Story

ഹീബ, ഒന്നര വയസ്സ്: കശ്മീരിലെ സൈന്യത്തിന്റെ പെല്ലറ്റ് ആക്രമണത്തിലെ പ്രായം കുറഞ്ഞ ഇര; മുറിവ് ഉണങ്ങിയാലും കാഴ്ച നഷ്ടമാകുമെന്ന് ആശങ്ക  

26 Nov, 2018
‘നിങ്ങളുടെ അമ്മയും ആക്രമിക്കപ്പെട്ടിട്ടുണ്ട്’; സ്ത്രീ പീഡനത്തെയും വംശീയ അധിക്ഷേപത്തെയും കുറിച്ച് ബോക്‌സിംങ് ചാമ്പ്യന്‍ മേരി കോം മക്കള്‍ക്ക്‌ എഴുതിയ കത്ത്   
Special Story

‘നിങ്ങളുടെ അമ്മയും ആക്രമിക്കപ്പെട്ടിട്ടുണ്ട്’; സ്ത്രീ പീഡനത്തെയും വംശീയ അധിക്ഷേപത്തെയും കുറിച്ച് ബോക്‌സിംങ് ചാമ്പ്യന്‍ മേരി കോം മക്കള്‍ക്ക്‌ എഴുതിയ കത്ത്   

25 Nov, 2018
നൂറ് പശുക്കളെ നല്‍കി ‘ഡൊണേറ്റ് എ കൗ’; ഹര്‍ഷ തുടക്കമിട്ട ആശയം; പ്രളയം തകര്‍ത്ത വയനാടന്‍ ജീവിതത്തെ വീണ്ടെടുക്കുന്ന കൂട്ടായ്മ   
Special Story

നൂറ് പശുക്കളെ നല്‍കി ‘ഡൊണേറ്റ് എ കൗ’; ഹര്‍ഷ തുടക്കമിട്ട ആശയം; പ്രളയം തകര്‍ത്ത വയനാടന്‍ ജീവിതത്തെ വീണ്ടെടുക്കുന്ന കൂട്ടായ്മ   

23 Nov, 2018
ശബരിമല സ്ത്രീപ്രവേശനം; സുപ്രീം കോടതി വിധി, സംക്ഷിപ്ത രൂപം 
Special Story

ശബരിമല സ്ത്രീപ്രവേശനം; സുപ്രീം കോടതി വിധി, സംക്ഷിപ്ത രൂപം 

10 Nov, 2018