Keralam

കഥയുടെ പേരില്‍ പ്രമോദ് രാമന് ടെലഫോണ്‍ ഭീഷണി; ‘ഇന്ത്യാ പസില്‍’ ദേശസ്‌നേഹത്തെ മുറിവേല്‍പ്പിക്കുന്നുവെന്ന് സംഘപരിവാര്‍ പ്രവര്‍ത്തകന്‍ 

എഴുത്തുകാരനും മുതിര്‍ന്ന ടെലിവിഷന്‍ അവതാരകനുമായ പ്രമോദ് രാമന് സംഘപരിവാര്‍ അനുകൂലികളുടെ ഭീഷണി. സമകാലിക മലയാളം ആഴ്ചപതിപ്പില്‍ പ്രസിദ്ധീകരിച്ച 'ഇന്ത്യാ പസില്‍' എന്ന ചെറുകഥ വന്നതിന് ശേഷമാണ് ഭീഷണി.

ദേശസ്‌നേഹത്തെ മുറിവേല്‍പ്പിക്കുന്നതാണ് കഥയെന്ന് പറഞ്ഞ് ഒരു സംഘ്പരിവാര്‍ പ്രവര്‍ത്തകന്‍ ഫോണ്‍ വിളിച്ച് ഭീഷണിപ്പെടുത്തുകയായിരുന്നുവെന്ന് പ്രമോദ് രാമന്‍ ന്യൂസ്‌റപ്റ്റിനോട് പറഞ്ഞു.

ഇന്ത്യയുടെ ഭൂപടത്തെ നടി വിദ്യാബാലന്റെ ശരീരത്തോട് കഥാപാത്രമായ കുഞ്ഞു ഉപമിക്കുന്നത് എടുത്തുപറഞ്ഞായിരുന്നു ഭീഷണിയെന്നും പ്രമോദ് രാമന്‍ വ്യക്തമാക്കി.

സമകാലിക ഇന്ത്യന്‍ അവസ്ഥയില്‍ സര്‍ക്കാരിനെ, സംഘ്പരിവാര്‍ രാഷ്ട്രീയത്തെ വിമര്‍ശനാത്മകമായി സമീപിക്കുന്നതാണ് പ്രമോദ് രാമന്റെ ഇന്ത്യാ പസില്‍ എന്ന കഥ. നിരവധി രാഷ്ട്രീയ വായനകള്‍ക്ക് സാധ്യതയുളള കഥാപരിസരവും കഥാപാത്രങ്ങളെയുമാണ് ഇന്ത്യാ പസിലിലൂടെ പ്രമോദ് രാമന്‍ ചിത്രീകരിച്ചിരിക്കുന്നത്.

കഥയിലെ പ്രധാന കഥാപാത്രങ്ങള്‍ മുസ്ലിം സ്വത്വത്തില്‍ പെടുന്നവരാണ്. ഇന്ത്യന്‍ ഭൂപടത്തിന്റെ മാതൃകയിലുളള പസില്‍ വെച്ച് കളിക്കുന്ന കുഞ്ഞു എന്ന് വിളിക്കുന്ന (കുഞ്ഞുമുഹമ്മദ്) മള്‍ട്ടിപ്പിള്‍ ഡിസോര്‍ഡറായ 17 വയസുളള കുട്ടി, കുഞ്ഞുവിനെ ശുശ്രൂഷിക്കാനായി നില്‍ക്കുന്ന ശോശ എന്ന യുവതി, കുഞ്ഞുവിന്റെ മാതാപിതാക്കളായ അമ്മു എന്നുവിളിപ്പേരുളള അസ്മാബി, കുട്ടികളുടെ ഡോക്ടറായ പിതാവ് ഡോ.കഫീല്‍ എന്നിവരിലൂടെ വികസിക്കുന്ന കഥ മോഡികാലത്തെ ഇന്ത്യയുടെ അവസ്ഥയെ വിമര്‍ശനാത്മകമായി സമീപിക്കുകയാണ്.

ഉത്തര്‍പ്രദേശിലെ ഗോരഖ്പൂര്‍ ബിആര്‍ഡി ആശുപത്രിയിലെ ശിശുരോഗ വിദഗ്ധനായിരുന്ന ഡോ.കഫീല്‍ഖാന്റെ പേരിനോട് സാമ്യമുളളതാണ് കഥയിലെ ഡോ. കഫീല്‍. ഇന്ത്യയുടെ ഭൂപടത്തെ നടി വിദ്യാബാലന്റെ ശരീരത്തോട് കഥാപാത്രമായ കുഞ്ഞു ഉപമിക്കുന്നുണ്ട്. ഇതിനെതിരെയാണ് സംഘപരിവാര്‍ പ്രവര്‍ത്തകന്റെ ഭീഷണി രൂപത്തിലുളള ഫോണ്‍വിളി എത്തിയത്.

ഇന്ത്യയുടെ മാപ്പ് ഒരു നടിയുടെ ശരീരം പോലെ സങ്കല്‍പ്പിക്കുന്നത് ഞങ്ങളുടെ ദേശസ്‌നേഹത്തെയും ദേശാഭിമാനത്തെ ചോദ്യം ചെയ്യുന്നതാണെന്നാണ് ഫോണ്‍ വിളിച്ച വ്യക്തി പറഞ്ഞത്. കഥയല്ലേ, കഥാപാത്രങ്ങളുടെ തോന്നലില്‍ അങ്ങനെ ഉണ്ടാകാമല്ലോ എന്ന് മറുപടിയും പറഞ്ഞു. സംഘപരിവാര്‍ പ്രവര്‍ത്തകനാണ് വിളിച്ചതെന്നാണ് വ്യക്തമായത്. കഥയുടെ നിരവധിയായ രാഷ്ട്രീയ വായനകളൊന്നും എഴുതുന്നേരം ആലോചിച്ചിരുന്നില്ല. സംഘ്പരിവാറുകാര്‍ക്ക് എന്തും ചെയ്യാമല്ലോ.
പ്രമോദ് രാമന്‍

മാതൃഭൂമി ആഴ്ചപതിപ്പില്‍ പ്രസിദ്ധീകരിച്ച എസ് ഹരീഷിന്റെ മീശ എന്ന നോവലിനെതിരെയും എഴുത്തുകാരനെതിരെയും സംഘപരിവാര്‍ സംഘടനകള്‍ ഭീഷണി ഉയര്‍ത്തിയത് സമീപകാലത്തായിരുന്നു. അമ്പലത്തില്‍ പോകുന്ന സ്ത്രീകളെ അപമാനിച്ചുവെന്ന് ആരോപിച്ചാണ് സംഘപരിവാര്‍ സംഘടനകള്‍ എഴുത്തുകാരന്‍ എസ് ഹരീഷിനെതിരെ രംഗത്ത് വന്നത്.

കേട്ടാല്‍ അറയ്ക്കുന്ന പദപ്രയോഗങ്ങളാണ് ഹരീഷിനും കുടുംബത്തിനും അവരെ പിന്തുണയ്ക്കുന്ന സ്ത്രീകള്‍ ഉള്‍പ്പെടെയുള്ളവര്‍ക്കും സംഘപരിവാര്‍ അനുകൂലികള്‍ നടത്തിയിരുന്നത്. തുടര്‍ന്ന് മൂന്ന് ലക്കം പ്രസിദ്ധീകരിച്ച നോവല്‍ എസ് ഹരീഷ് ആഴ്ചപതിപ്പില്‍ നിന്നും പിന്‍വലിച്ചിരുന്നു.

സംഘപരിവാര്‍ സംഘടനകളുടെ ഭീഷണിയെ തുടര്‍ന്നാണ് നോവല്‍ പിന്‍വലിക്കുന്നതെന്നും അഞ്ച് വര്‍ഷത്തെ പരിശ്രമമാണ് മീശയെന്നും രാജ്യം ഭരിക്കുന്നവര്‍ക്കെതിരെ പോരാടാനുള്ള കരുത്തില്ലെന്നും എസ്. ഹരീഷ് വ്യക്തമാക്കിയിരുന്നു.

ഇതിന് പിന്നാലെ അടുത്തിടെ സംഘപരിവാര്‍ സംഘടനകളുടെ ഭീഷണിക്ക് വഴങ്ങി മാതൃഭൂമി മാനെജ്‌മെന്റ് അസിസ്റ്റന്റ് എഡിറ്റര്‍ കമല്‍റാം സജീവിനെ ആഴ്ചപതിപ്പിന്റെ ചുമതലയില്‍ നിന്നും നീക്കി. തുടര്‍ന്ന് കമല്‍ റാം സജീവ് മാതൃഭൂമിയില്‍ നിന്നും രാജിവെക്കുകയും ചെയ്തു.

FEATURED

 ഒറ്റ ക്ലിക്കില്‍ പൈനാപ്പിള്‍ ബോംബ്, പിന്നാലെ മേക്കിങ് വീഡിയോയും; സോഷ്യല്‍മീഡിയക്ക് ‘ക്ഷ’ പിടിച്ചു തിരുവനന്തപുരം സ്വദേശിയുടെ ചിത്രങ്ങള്‍ 
Special Story

ഒറ്റ ക്ലിക്കില്‍ പൈനാപ്പിള്‍ ബോംബ്, പിന്നാലെ മേക്കിങ് വീഡിയോയും; സോഷ്യല്‍മീഡിയക്ക് ‘ക്ഷ’ പിടിച്ചു തിരുവനന്തപുരം സ്വദേശിയുടെ ചിത്രങ്ങള്‍ 

26 Jan, 2019
പൗരാവകാശങ്ങള്‍ക്ക് വിലങ്ങിടുന്ന ഭരണാധികാരികള്‍; മോഡിയും റിപ്പബ്ലിക് ദിന മുഖ്യാതിഥി സിറില്‍ രാമഫോസയും തമ്മിലുളള സാമ്യങ്ങള്‍ 
Special Story

പൗരാവകാശങ്ങള്‍ക്ക് വിലങ്ങിടുന്ന ഭരണാധികാരികള്‍; മോഡിയും റിപ്പബ്ലിക് ദിന മുഖ്യാതിഥി സിറില്‍ രാമഫോസയും തമ്മിലുളള സാമ്യങ്ങള്‍ 

26 Jan, 2019
മറന്ന് കളയരുത് ഇവരെ; ഭരണഘടനാ നിർമ്മാണത്തിൽ പങ്കാളികളായ 15 സ്ത്രീകൾ
Special Story

മറന്ന് കളയരുത് ഇവരെ; ഭരണഘടനാ നിർമ്മാണത്തിൽ പങ്കാളികളായ 15 സ്ത്രീകൾ

26 Jan, 2019
സാമ്പത്തിക വളര്‍ച്ച മുതല്‍  ശബരിമല വരെ; പ്രധാനമന്ത്രി മോഡി കൊല്ലത്ത് പറഞ്ഞ വസ്തുതയ്ക്ക് നിരക്കാത്ത അഞ്ച്‌  കാര്യങ്ങള്‍ 
Politics

സാമ്പത്തിക വളര്‍ച്ച മുതല്‍ ശബരിമല വരെ; പ്രധാനമന്ത്രി മോഡി കൊല്ലത്ത് പറഞ്ഞ വസ്തുതയ്ക്ക് നിരക്കാത്ത അഞ്ച്‌ കാര്യങ്ങള്‍ 

15 Jan, 2019
2018ലെ പണംവാരിപ്പടങ്ങള്‍; ബോക്‌സ് ഓഫീസ് ടോപ് 10ല്‍ ഇവര്‍  
FILM NEWS

2018ലെ പണംവാരിപ്പടങ്ങള്‍; ബോക്‌സ് ഓഫീസ് ടോപ് 10ല്‍ ഇവര്‍  

31 Dec, 2018
ഫേസ്ബുക്കിനെയും സക്കര്‍ബര്‍ഗിനെയും വിടാതെ കഷ്ടകാലം! കുഴപ്പിച്ച വിവാദങ്ങളും സുരക്ഷാ വീഴ്ചകളും 
Special Story

ഫേസ്ബുക്കിനെയും സക്കര്‍ബര്‍ഗിനെയും വിടാതെ കഷ്ടകാലം! കുഴപ്പിച്ച വിവാദങ്ങളും സുരക്ഷാ വീഴ്ചകളും 

31 Dec, 2018