Keralam

അനിശ്ചിതകാല നിരാഹാരമില്ല, ഉപവാസം മാത്രം; സമരരീതിയിലെ ബിജെപി മാറ്റം തുടരുന്നു

ശബരിമലയില്‍ ബിജെപി നടത്തിക്കൊണ്ടിരിക്കുന്ന പ്രതിഷേധ സമരങ്ങളുടെ രണ്ടാം ഘട്ടമായി സെക്രട്ടറിയേറ്റ് പടിക്കല്‍ നടത്തുന്ന അനിശ്ചിത കാല ഉപവാസസമരം ഇന്ന് തുടങ്ങും. ബിജെപി ദേശീയ ജനറല്‍ സെക്രട്ടറി സരോജ് പാണ്ഡെ സമരം ഉദ്ഘാടനം ചെയ്യും. സംസ്ഥാന ജനറല്‍ സെക്രട്ടറി എഎന്‍ രാധാകൃഷ്ണനാണ് ഉപവാസമിരിക്കുക.

പതിനഞ്ചു ദിവസം നീണ്ടു നില്‍ക്കുന്ന നിരാഹാരസമരമാണ് ബിജെപി നടത്താന്‍ പോകുന്നതെന്നും അതില്‍ ആദ്യ ഊഴമായി എഎന്‍ രാധാകൃഷ്ണന്‍ നിരാഹാരമിരിക്കുമെന്നുമാണ് സംസ്ഥാന അധ്യക്ഷന്‍ ശ്രീധരന്‍ പിള്ള വാര്‍ത്താ സമ്മേളനത്തില്‍ പറഞ്ഞിരുന്നതെങ്കിലും അനിശ്ചിതകാല ഉപവാസമെന്നാണ് ബിജെപി പുറത്തുവിട്ട പോസ്റ്ററുകളില്‍ രേഖപ്പെടുത്തിയിരിക്കുന്നത്.

പ്രതിഷേധം സെക്രട്ടേറിയറ്റുപടിക്കലേക്കു മാറ്റിയതിന്റെ പേരില്‍ പാര്‍ട്ടിയില്‍ ഭിന്നസ്വരം ഉയര്‍ന്നിരുന്നു. ജനറല്‍ സെക്രട്ടറി കെ സുരേന്ദ്രനെതിരേ സര്‍ക്കാര്‍ നീക്കങ്ങളെ പ്രതിരോധിക്കാന്‍ പാര്‍ട്ടിക്കു കഴിഞ്ഞില്ലെന്ന വിമര്‍ശനവും ഉണ്ടായിരുന്നു. ഇതിന് നടുവില്‍ നിന്നാണ് പ്രത്യക്ഷസമരവുമായി പാര്‍ട്ടി നീങ്ങുന്നത്.

ശബരിമലയില്‍ കോടതി വിധി നടപ്പാക്കുന്നതിനെതിരെ ബിജെപി തുടങ്ങിയ സമരം സെക്രട്ടറിയേറ്റിന് മുന്നിലെത്തുമ്പോള്‍ ആചാരങ്ങള്‍ സംരക്ഷിക്കുക എന്നത് സമരമുന്നയിക്കുന്ന അവസാന ആവശ്യമായും മാറി. അഞ്ച് മുദ്രാവാക്യങ്ങളുമായാണ് ബിജെപിയുടെ സമരം നടത്തുന്നതില്‍ ഇതില്‍ പ്രധാന ആവശ്യം സംഘപരിവാര്‍ സംഘടനകളും ബിജെപിയും സന്നിധാനത്ത് സംഘര്‍ഷമുണ്ടാക്കുന്നത് ചെറുക്കാന്‍ പൊലീസ് ഏര്‍പ്പെടുത്തിയ നിരോധനാജ്ഞ മാറ്റണമെന്നതാണ്.

ശബരിമലയിലെ നിരോധനാജ്ഞയും നിയന്ത്രണങ്ങളും പൂര്‍ണ്ണമായും പിന്‍വലിക്കുക, കെ സുരേന്ദ്രന്‍ ഉള്‍പ്പെടെയുളള അയ്യപ്പഭക്തര്‍ക്കെതിരെ എടുത്ത കളളക്കേസുകള്‍ പിന്‍വലിക്കുക,ശബരിമലയില്‍ അയ്യപ്പവേട്ട നടത്തിയ പോലീസ് ഉദ്യോഗസ്ഥര്‍ക്കെതിരെ നടപടിയെടുക്കുക,ശബരിമലയിലെ അയ്യപ്പഭക്തന്‍മാര്‍ക്ക് അടിസ്ഥാനസൗകര്യങ്ങള്‍ ഏര്‍പ്പെടുത്തുക,ശബരിമലയിലെ ആചാരങ്ങളും അനുഷ്ഠാനങ്ങളും സംരക്ഷിക്കുക. ഇങ്ങനെയാണ് ഉന്നയിക്കുന്ന ആവശ്യങ്ങളുടെ ക്രമം.

ശ്രീധരന്‍ പിള്ളയുടെ വ്യത്യസ്ത നിലപാടുകളിലൂടെയും പലനേതാക്കള്‍ പലരീതിയില്‍ അഭിപ്രായം പറഞ്ഞതിലൂടെയും നേരത്തെ പ്രതീക്ഷിച്ചിരുന്ന 'സുവര്‍ണാവസരം' കൈവിടുമെന്ന അവസ്ഥയിലാണ് ബിജെപി. സമരം ദീര്‍ഘകാലം നീട്ടിക്കൊണ്ടുപോകാന്‍ കഴിയില്ലെന്നതായതോടെയാണ് ശബരിമലയില്‍നിന്ന് പിന്മാറി സെക്രട്ടേറിയറ്റിലേക്ക് കൊണ്ടുവരാന്‍ തീരുമാനിച്ചത്. വേദി മാറിയതിനൊപ്പം മുദ്രാവാക്യത്തിന്റെ പ്രാധാന്യവും മാറിയെന്നതാണ് ഇപ്പോഴത്തെ പ്രത്യേകത.

FEATURED

കര്‍താര്‍പൂര്‍ ഇടനാഴി മുതല്‍ കാശ്മീര്‍ വരെ, മോഡിയുടെയും ബിജെപിയുടെയും സമീപകാല മലക്കം മറിച്ചലുകള്‍ 
Special Story

കര്‍താര്‍പൂര്‍ ഇടനാഴി മുതല്‍ കാശ്മീര്‍ വരെ, മോഡിയുടെയും ബിജെപിയുടെയും സമീപകാല മലക്കം മറിച്ചലുകള്‍ 

28 Nov, 2018
പ്രളയത്തിന് മുമ്പും ശേഷവും; അതീജീവന പോരാട്ടത്തിലൂടെ കരകയറുന്ന കുറങ്കോട്ട ദ്വീപ്
FEATURED STORIES

പ്രളയത്തിന് മുമ്പും ശേഷവും; അതീജീവന പോരാട്ടത്തിലൂടെ കരകയറുന്ന കുറങ്കോട്ട ദ്വീപ്

16 Nov, 2018
ഹീബ, ഒന്നര വയസ്സ്:  കശ്മീരിലെ സൈന്യത്തിന്റെ പെല്ലറ്റ് ആക്രമണത്തിലെ പ്രായം കുറഞ്ഞ ഇര; മുറിവ് ഉണങ്ങിയാലും കാഴ്ച നഷ്ടമാകുമെന്ന് ആശങ്ക  
Special Story

ഹീബ, ഒന്നര വയസ്സ്: കശ്മീരിലെ സൈന്യത്തിന്റെ പെല്ലറ്റ് ആക്രമണത്തിലെ പ്രായം കുറഞ്ഞ ഇര; മുറിവ് ഉണങ്ങിയാലും കാഴ്ച നഷ്ടമാകുമെന്ന് ആശങ്ക  

26 Nov, 2018
‘നിങ്ങളുടെ അമ്മയും ആക്രമിക്കപ്പെട്ടിട്ടുണ്ട്’; സ്ത്രീ പീഡനത്തെയും വംശീയ അധിക്ഷേപത്തെയും കുറിച്ച് ബോക്‌സിംങ് ചാമ്പ്യന്‍ മേരി കോം മക്കള്‍ക്ക്‌ എഴുതിയ കത്ത്   
Special Story

‘നിങ്ങളുടെ അമ്മയും ആക്രമിക്കപ്പെട്ടിട്ടുണ്ട്’; സ്ത്രീ പീഡനത്തെയും വംശീയ അധിക്ഷേപത്തെയും കുറിച്ച് ബോക്‌സിംങ് ചാമ്പ്യന്‍ മേരി കോം മക്കള്‍ക്ക്‌ എഴുതിയ കത്ത്   

25 Nov, 2018
നൂറ് പശുക്കളെ നല്‍കി ‘ഡൊണേറ്റ് എ കൗ’; ഹര്‍ഷ തുടക്കമിട്ട ആശയം; പ്രളയം തകര്‍ത്ത വയനാടന്‍ ജീവിതത്തെ വീണ്ടെടുക്കുന്ന കൂട്ടായ്മ   
Special Story

നൂറ് പശുക്കളെ നല്‍കി ‘ഡൊണേറ്റ് എ കൗ’; ഹര്‍ഷ തുടക്കമിട്ട ആശയം; പ്രളയം തകര്‍ത്ത വയനാടന്‍ ജീവിതത്തെ വീണ്ടെടുക്കുന്ന കൂട്ടായ്മ   

23 Nov, 2018
ശബരിമല സ്ത്രീപ്രവേശനം; സുപ്രീം കോടതി വിധി, സംക്ഷിപ്ത രൂപം 
Special Story

ശബരിമല സ്ത്രീപ്രവേശനം; സുപ്രീം കോടതി വിധി, സംക്ഷിപ്ത രൂപം 

10 Nov, 2018