Keralam

സര്‍ക്കാര്‍ നിശ്ചയിച്ച ടാക്‌സി ചാര്‍ജ് നല്‍കണം; ഊബര്‍-ഓല കമ്പനികള്‍ക്കെതിരെ ടാക്‌സി ഡ്രൈവര്‍മാര്‍ അനിശ്ചിതകാല പണിമുടക്ക് തുടങ്ങി

കൊച്ചി നഗരത്തില്‍ ഓണ്‍ലൈന്‍ ടാക്‌സികള്‍ നടത്തുന്ന അനിശ്ചിത കാല പണിമുടക്കാരംഭിച്ചു. സര്‍ക്കാര്‍ നിശ്ചയിച്ച ടാക്‌സി ചാര്‍ജ്ജ് ഉറപ്പാക്കണമെന്നതുള്‍പ്പടെ വിവിധ ആവശ്യങ്ങള്‍ ഉന്നയിച്ചാണ് സമരം.

ഊബര്‍, ഓല തുടങ്ങിയ ഓണ്‍ലൈന്‍ ആപ്പുകള്‍ പ്രവര്‍ത്തിപ്പിക്കില്ലെന്ന നിലപാടില്‍ ഒന്‍പത് തൊഴിലാളി സംഘടനകളുടെ നേതൃത്വത്തിലുള്ള സംയുക്ത സമരസമിതി ഉറച്ചു നില്‍ക്കുന്നതോടെ കൊച്ചിയിലെ നാലായിരത്തിലധികം ഓണ്‍ലൈന്‍ ടാക്‌സികളുടെ സര്‍വീസുകള്‍ മുടങ്ങും.

സര്‍ക്കാര്‍ നിശ്ചയിച്ച ടാക്‌സി ചാര്‍ജ്ജ് ലഭിക്കുന്നില്ലെന്നും ഓണ്‍ലൈന്‍ കമ്പനികള്‍ ഡ്രൈവര്‍മാരില്‍ നിന്ന് അമിത കമ്മീഷന്‍ ഈടാക്കുന്നുവെന്നുമുന്നയിച്ച് തൊഴിലാളികള്‍ കഴിഞ്ഞ അനിശ്ചിതകാല നിരാഹാര സമരമാരംഭിച്ചിരുന്നു. നിരാഹാരമിരുന്ന തൊഴിലാളി നേതാവിനെ പൊലീസെത്തി അറസ്റ്റ് ചെയ്ത് നീക്കിയതോടെയാണ് സമരം കടുപ്പിക്കാന്‍ സംഘടനകള്‍ തീരുമാനിച്ചത്.

മുന്‍പ് രണ്ട് തവണകളായി ട്രാന്‍സ്‌പോര്‍ട്ട് കമ്മീഷണറുടെയും, ഗതാഗതമന്ത്രിയുടെയും സാന്നിധ്യത്തില്‍ പ്രശ്‌നപരിഹാരത്തിന് ചര്‍ച്ച നടത്തിയിരുന്നുവെങ്കിലും ഫലമുണ്ടാകാത്തതിനെ തുടര്‍ന്നായിരുന്നു സമരത്തിലേക്ക് നീങ്ങിയത്.

26 ശതമാനം കമ്മീഷന്‍ ആണ് നിലവില്‍ കമ്പനി ഈടാക്കുന്നത്. ഇതിന് പുറമെ ടാക്സ്, ഇന്ധന വില വര്‍ധന എല്ലാം കൂടിയാകുമ്പോള്‍ പിടിച്ചു നില്‍ക്കാന്‍ കഴിയുന്നില്ല എന്ന് തൊഴിലാളികള്‍ പറയുന്നു. ബാങ്കില്‍ നിന്നും വായ്പയെടുത്തും ഓട്ടോ പോലുള്ള ചെറിയ ടാക്സി വാഹനങ്ങള്‍ വിറ്റുമാണ് പലരും ഓണ്‍ലൈന്‍ ടാക്സിക്കായി കാര്‍ വാങ്ങിച്ചത്.

ആദ്യഘട്ടത്തില്‍ എറണാകുളം ജില്ലയിലാണ് സര്‍വീസ് ആരംഭിച്ചത്. എന്നാല്‍ പിന്നീട് കമ്പനികള്‍ കമ്മീഷന്‍ ചാര്‍ജ് വര്‍ധിപ്പിക്കാന്‍ തുടങ്ങി. ഇതിനെ തുടര്‍ന്ന് കഴിഞ്ഞ 12 ന് തൊഴിലാളികള്‍ സൂചന പണിമുടക്കും നടത്തിയിരുന്നു.

സംസ്ഥാനത്ത് ഓണ്‍ലൈന്‍ ടാക്‌സി കമ്പനികളെ നിയന്ത്രിക്കുന്നതിന് നിയമമില്ല. ഇത് സംബന്ധിച്ച നയം രൂപീകരിക്കുന്നതിനുള്ള നടപടികള്‍ ആലോചനയിലാണെന്നാണ് ട്രാന്‍സ്‌പോര്‍ട്ട് കമ്മീഷണറുടെ പ്രതികരണം. നിലവിലെ തൊഴിലാളികളില്‍ ഭൂരിഭാഗം പേരും സമരം തുടങ്ങിയതോടെ അപേക്ഷ നല്‍കി കാത്ത് നില്‍ക്കുന്ന മറ്റ് ഡ്രൈവര്‍മാരെ ഒപ്പം ചേര്‍ത്ത് സമരം നേരിടാനായിരിക്കും ഓണ്‍ലൈന്‍ ടാക്‌സി കമ്പനികള്‍ ശ്രമിക്കുകയെന്നാണ് സൂചന.

FEATURED

കര്‍താര്‍പൂര്‍ ഇടനാഴി മുതല്‍ കാശ്മീര്‍ വരെ, മോഡിയുടെയും ബിജെപിയുടെയും സമീപകാല മലക്കം മറിച്ചലുകള്‍ 
Special Story

കര്‍താര്‍പൂര്‍ ഇടനാഴി മുതല്‍ കാശ്മീര്‍ വരെ, മോഡിയുടെയും ബിജെപിയുടെയും സമീപകാല മലക്കം മറിച്ചലുകള്‍ 

28 Nov, 2018
പ്രളയത്തിന് മുമ്പും ശേഷവും; അതീജീവന പോരാട്ടത്തിലൂടെ കരകയറുന്ന കുറങ്കോട്ട ദ്വീപ്
FEATURED STORIES

പ്രളയത്തിന് മുമ്പും ശേഷവും; അതീജീവന പോരാട്ടത്തിലൂടെ കരകയറുന്ന കുറങ്കോട്ട ദ്വീപ്

16 Nov, 2018
ഹീബ, ഒന്നര വയസ്സ്:  കശ്മീരിലെ സൈന്യത്തിന്റെ പെല്ലറ്റ് ആക്രമണത്തിലെ പ്രായം കുറഞ്ഞ ഇര; മുറിവ് ഉണങ്ങിയാലും കാഴ്ച നഷ്ടമാകുമെന്ന് ആശങ്ക  
Special Story

ഹീബ, ഒന്നര വയസ്സ്: കശ്മീരിലെ സൈന്യത്തിന്റെ പെല്ലറ്റ് ആക്രമണത്തിലെ പ്രായം കുറഞ്ഞ ഇര; മുറിവ് ഉണങ്ങിയാലും കാഴ്ച നഷ്ടമാകുമെന്ന് ആശങ്ക  

26 Nov, 2018
‘നിങ്ങളുടെ അമ്മയും ആക്രമിക്കപ്പെട്ടിട്ടുണ്ട്’; സ്ത്രീ പീഡനത്തെയും വംശീയ അധിക്ഷേപത്തെയും കുറിച്ച് ബോക്‌സിംങ് ചാമ്പ്യന്‍ മേരി കോം മക്കള്‍ക്ക്‌ എഴുതിയ കത്ത്   
Special Story

‘നിങ്ങളുടെ അമ്മയും ആക്രമിക്കപ്പെട്ടിട്ടുണ്ട്’; സ്ത്രീ പീഡനത്തെയും വംശീയ അധിക്ഷേപത്തെയും കുറിച്ച് ബോക്‌സിംങ് ചാമ്പ്യന്‍ മേരി കോം മക്കള്‍ക്ക്‌ എഴുതിയ കത്ത്   

25 Nov, 2018
നൂറ് പശുക്കളെ നല്‍കി ‘ഡൊണേറ്റ് എ കൗ’; ഹര്‍ഷ തുടക്കമിട്ട ആശയം; പ്രളയം തകര്‍ത്ത വയനാടന്‍ ജീവിതത്തെ വീണ്ടെടുക്കുന്ന കൂട്ടായ്മ   
Special Story

നൂറ് പശുക്കളെ നല്‍കി ‘ഡൊണേറ്റ് എ കൗ’; ഹര്‍ഷ തുടക്കമിട്ട ആശയം; പ്രളയം തകര്‍ത്ത വയനാടന്‍ ജീവിതത്തെ വീണ്ടെടുക്കുന്ന കൂട്ടായ്മ   

23 Nov, 2018
ശബരിമല സ്ത്രീപ്രവേശനം; സുപ്രീം കോടതി വിധി, സംക്ഷിപ്ത രൂപം 
Special Story

ശബരിമല സ്ത്രീപ്രവേശനം; സുപ്രീം കോടതി വിധി, സംക്ഷിപ്ത രൂപം 

10 Nov, 2018