Keralam

അത് എന്റെ നിലപാടല്ല, ബിജെപി കേന്ദ്രങ്ങള്‍ പ്രചരിപ്പിച്ച പ്രസ്താവനയില്‍ ഒപ്പിട്ടിട്ടില്ലെന്ന് എഴുത്തുകാരന്‍ വി.ആര്‍ സുധീഷ്, പിന്നില്‍ ദുരുദ്ദേശം 

സന്നിധാനത്ത് സ്ത്രീയെ ആക്രമിച്ച കേസില്‍ റിമാന്‍ഡില്‍ കഴിയുന്ന ബിജെപി സംസ്ഥാന ജനറല്‍ സെക്രട്ടറി കെ.സുരേന്ദ്രനെ വിട്ടയക്കണമെന്ന പേരില്‍ പുറത്തിറങ്ങിയ പ്രസ്താവനയില്‍ താന്‍ ഒപ്പിട്ടിട്ടില്ലെന്ന് വ്യക്തമാക്കി എഴുത്തുകാരനും കോളെജ് അധ്യാപകനുമായ വി.ആര്‍ സുധീഷ്.

ഇന്നലെ ബിജെപി കേന്ദ്രങ്ങള്‍ വഴി പുറത്തിറങ്ങിയ പ്രസ്താവനയിലാണ് വി.ആര്‍ സുധീഷും ചരിത്രകാരന്‍ എംജിഎസ് നാരായണന്‍ അടക്കമുളളവരും ഒപ്പിട്ടെന്ന് വ്യക്തമാക്കിയിരുന്നത്. മാതൃഭൂമി ദിനപത്രത്തില്‍ വന്ന വാര്‍ത്ത ചൂണ്ടിക്കാട്ടിയാണ് സുധീഷ് താനിതില്‍ ഒപ്പിട്ടിരുന്നില്ലെന്ന് വ്യക്തമാക്കുന്നത്. വാര്‍ത്തയില്‍ പറയുന്നത് തന്റെ നിലപാടല്ലെന്നും ഇത് ദുരുദ്ദേശപരമാണെന്നും സുധീഷ് പറയുന്നു.

ഞാന്‍ ഈ പ്രസ്താവനയില്‍ ഒപ്പിട്ടില്ല. അത് എന്റെ നിലപാടല്ല. ഇത് ദുരുദ്ദേശപരമാണ്. 
വി.ആര്‍ സുധീഷ്

ശബരിമലയിലെ നിയന്ത്രണങ്ങള്‍ നീക്കണമെന്നും 52 കാരിയെ തടഞ്ഞകേസില്‍ റിമാന്‍ഡില്‍ കഴിയുന്ന ബിജെപി ജനറല്‍ സെക്രട്ടറി കെ സുരേന്ദ്രനെ വിട്ടയക്കണമെന്നും ആവശ്യപ്പെട്ടാണ് നിരവധി എഴുത്തുകാരുടെ സംയുക്ത പ്രസ്താവന ഇന്നലെ വൈകിട്ട് പുറത്തിറങ്ങിയത്.

അയ്യപ്പഭക്തര്‍ക്കെതിരെ മനുഷ്യവകാശ ലംഘനം നടക്കുന്നു, സംസ്ഥാനത്ത് നിലവിലുള്ള പ്രത്യേകസ്ഥിതി വിശേഷം കണക്കിലെടുക്കുക എന്നി കാര്യങ്ങള്‍ ഉയര്‍ത്തിയായിരുന്നു പ്രസ്താവന. ഡോ.കെ.എസ് രാധാകൃഷ്ണന്‍, മുതിര്‍ന്ന ആര്‍എസ്എസ് സൈദ്ധാന്തികനും ഭാരതിവിചാരകേന്ദ്രം ഡയറക്ടറുമായ പി പരമേശ്വരന്‍, സുരേഷ് ഗോപി എംപി, എസ് രമേശന്‍ നായര്‍, മാടമ്പ് കുഞ്ഞുകുട്ടന്‍, ഷാജി കൈലാസ്, ശത്രുഘ്‌നന്‍, യു.കെ കുമാരന്‍ , തായാട്ട് ബാലന്‍, ആര്‍.കെ ദാമോദരന്‍, ശ്രീകുമാരി രാമചന്ദ്രന്‍, സജി നാരായണന്‍ എന്നിവരും പ്രസ്താവനയില്‍ ഒപ്പുവെച്ചിട്ടുണ്ട്.

ഇരുമുടിക്കെട്ടുമായി വരുന്നവരെ പൊലീസ് തടയുക, അവരെ അറസ്റ്റ് ചെയ്യുക നാസ്തികര്‍ക്കും ആക്ടിവിസ്റ്റുകള്‍ക്കും കനത്ത സുരക്ഷയൊരുക്കി ആചാര ലംഘനത്തിന് സഹായിക്കുക തുടങ്ങിയ നടപടികള്‍ ഭക്തരില്‍ ആശങ്ക ഉണര്‍ത്തുന്നതായി പ്രസ്താവന പറയുന്നു. സുധീഷിന് പിന്നാലെ പ്രസ്താവനയില്‍ ഒപ്പുവെച്ച മറ്റുള്ളവര്‍ ഇവരാണ്.

ടി.പി സുധാകരന്‍,ചിത്ര ഷാജി (ആനി),കൊച്ചുപ്രേമന്‍ ,സോനാ നായര്‍ ,രാജസേനന്‍ ,തുളസിദാസ് ,ടി.എസ് സുരേഷ് ബാബു, പി.ആര്‍ നാഥന്‍ ,ഉള്ളൂര്‍ എം.പരമേശ്വരന്‍, ഡോ.എന്‍.ആര്‍ മധു, ശ്രീശൈലം ഉണ്ണികൃഷ്ണന്‍ ,ആര്‍ട്ടിസ്റ്റ് നീലകണ്ഠന്‍ ,പി.ബാലകൃഷ്ണന്‍ ,രജനി സുരേഷ് ,യു.പി സന്തോഷ് ,മജീഷ്യന്‍ നന്ദന്‍ കടലുണ്ടി ,ആര്‍ട്ടിസ്റ്റ് വിനോദ് പട്ടിണിപ്പാറ ,വി.എം വിനു ,സജി നാരായണന്‍ ,എം.കെ രാമചന്ദ്രന്‍ ,വിജി തമ്പി ,ഉദയന്‍ അമ്പാടി ,മുന്‍ഷി ഹരീന്ദ്ര കുമാര്‍ ,ജി.സുരേഷ്‌കുമാര്‍ ,മേനകാ സുരേഷ് ,പ്രൊഫ.സി.ജി രാജഗോപാല്‍ ,ടി.എ രാജഗോപാല്‍ ,പറവൂര്‍ രമേശ് പൈ ,പി.ഐ ശങ്കര നാരായണന്‍ ,ഡോ. മണ്ണടി ഹരി ,കെ.വി തോമസ്.

സന്നിധാനത്ത് സ്ത്രീയെ ആക്രമിച്ച കേസില്‍ ഹൈക്കോടതി ഇന്ന് സുരേന്ദ്രന് ജാമ്യം അനുവദിച്ചിരുന്നു. പത്തനംതിട്ട ജില്ലയില്‍ പ്രവേശിക്കരുതെന്ന കര്‍ശന ഉപാധി അടക്കമാണ് ഹൈക്കോടതി സുരേന്ദ്രന് ജാമ്യം അനുവദിച്ചത്. രണ്ടുപേരുടെ ആള്‍ ജാമ്യം വേണമെന്നും രണ്ടുലക്ഷം രൂപ കെട്ടിവയ്ക്കണമെന്നും നിര്‍ദേശിച്ചിട്ടുണ്ട്. സുരേന്ദ്രനെ എത്രകാലം ജയിലില്‍ ഇടുമെന്ന് ജാമ്യാപേക്ഷ പരിഗണിക്കുന്നതിനിടെ ഇന്നലെ ഹൈക്കോടതി ചോദിച്ചിരുന്നു. സുരേന്ദ്രന് ജാമ്യം അനുവദിക്കുന്നതിനെതിരെ സര്‍ക്കാര്‍ ആദ്യം മുതല്‍ എതിര്‍ത്തിരുന്നു. ഇതോടെ 21 ദിവസത്തിന് ശേഷം സുരേന്ദ്രന്‍ ജയില്‍ മോചിതനാകുമെന്നാണ് വിവരം.

FEATURED

 ഒറ്റ ക്ലിക്കില്‍ പൈനാപ്പിള്‍ ബോംബ്, പിന്നാലെ മേക്കിങ് വീഡിയോയും; സോഷ്യല്‍മീഡിയക്ക് ‘ക്ഷ’ പിടിച്ചു തിരുവനന്തപുരം സ്വദേശിയുടെ ചിത്രങ്ങള്‍ 
Special Story

ഒറ്റ ക്ലിക്കില്‍ പൈനാപ്പിള്‍ ബോംബ്, പിന്നാലെ മേക്കിങ് വീഡിയോയും; സോഷ്യല്‍മീഡിയക്ക് ‘ക്ഷ’ പിടിച്ചു തിരുവനന്തപുരം സ്വദേശിയുടെ ചിത്രങ്ങള്‍ 

26 Jan, 2019
പൗരാവകാശങ്ങള്‍ക്ക് വിലങ്ങിടുന്ന ഭരണാധികാരികള്‍; മോഡിയും റിപ്പബ്ലിക് ദിന മുഖ്യാതിഥി സിറില്‍ രാമഫോസയും തമ്മിലുളള സാമ്യങ്ങള്‍ 
Special Story

പൗരാവകാശങ്ങള്‍ക്ക് വിലങ്ങിടുന്ന ഭരണാധികാരികള്‍; മോഡിയും റിപ്പബ്ലിക് ദിന മുഖ്യാതിഥി സിറില്‍ രാമഫോസയും തമ്മിലുളള സാമ്യങ്ങള്‍ 

26 Jan, 2019
മറന്ന് കളയരുത് ഇവരെ; ഭരണഘടനാ നിർമ്മാണത്തിൽ പങ്കാളികളായ 15 സ്ത്രീകൾ
Special Story

മറന്ന് കളയരുത് ഇവരെ; ഭരണഘടനാ നിർമ്മാണത്തിൽ പങ്കാളികളായ 15 സ്ത്രീകൾ

26 Jan, 2019
സാമ്പത്തിക വളര്‍ച്ച മുതല്‍  ശബരിമല വരെ; പ്രധാനമന്ത്രി മോഡി കൊല്ലത്ത് പറഞ്ഞ വസ്തുതയ്ക്ക് നിരക്കാത്ത അഞ്ച്‌  കാര്യങ്ങള്‍ 
Politics

സാമ്പത്തിക വളര്‍ച്ച മുതല്‍ ശബരിമല വരെ; പ്രധാനമന്ത്രി മോഡി കൊല്ലത്ത് പറഞ്ഞ വസ്തുതയ്ക്ക് നിരക്കാത്ത അഞ്ച്‌ കാര്യങ്ങള്‍ 

15 Jan, 2019
2018ലെ പണംവാരിപ്പടങ്ങള്‍; ബോക്‌സ് ഓഫീസ് ടോപ് 10ല്‍ ഇവര്‍  
FILM NEWS

2018ലെ പണംവാരിപ്പടങ്ങള്‍; ബോക്‌സ് ഓഫീസ് ടോപ് 10ല്‍ ഇവര്‍  

31 Dec, 2018
ഫേസ്ബുക്കിനെയും സക്കര്‍ബര്‍ഗിനെയും വിടാതെ കഷ്ടകാലം! കുഴപ്പിച്ച വിവാദങ്ങളും സുരക്ഷാ വീഴ്ചകളും 
Special Story

ഫേസ്ബുക്കിനെയും സക്കര്‍ബര്‍ഗിനെയും വിടാതെ കഷ്ടകാലം! കുഴപ്പിച്ച വിവാദങ്ങളും സുരക്ഷാ വീഴ്ചകളും 

31 Dec, 2018