Keralam

എസ്ബിഐ ബാങ്ക് ആക്രമണത്തില്‍ ഒടുവില്‍ നടപടി; റിമാന്‍ഡിലുള്ള രണ്ട് എന്‍ജിഒ യൂണിയന്‍ പ്രവര്‍ത്തകരെ ജോലിയില്‍ നിന്ന് സസ്‌പെന്‍ഡ് ചെയ്തു 

ദേശീയ പണിമുടക്കിനിടെ തിരുവനന്തപുരത്ത് എസ്ബിഐ ബാങ്കിന് നേരെ ആക്രമണം നടത്തിയ എന്‍ജിഒ യൂണിയന്‍ നേതാക്കളില്‍ രണ്ട് പേര്‍ക്കെതിരെ ഒടുവില്‍ നടപടി. റിമാന്‍ഡില്‍ കഴിയുന്ന രണ്ട് പേരെ വകുപ്പുകളില്‍ നിന്നും സസ്‌പെന്‍ഡ് ചെയ്തു. ട്രഷറി ഡയറക്ടറേറ്റിലെ സീനിയര്‍ അക്കൗണ്ടന്റ് അശോകനേയും സാങ്കേതിക വിദ്യാഭ്യാസ വകുപ്പിലെ അറ്റന്‍ഡര്‍ ഹരിലാലിനേയുമാണ് സസ്‌പെന്‍ഡ് ചെയ്തത്. ആക്രമണത്തില്‍ ഉള്‍പ്പെട്ട മറ്റ് എന്‍ജിഒ യൂണിയന്‍ പ്രവര്‍ത്തകരെ ഇനിയും അറസ്റ്റ് ചെയ്തിട്ടില്ല.

അറസ്റ്റ് വൈകിപ്പിക്കുകയും നടപടി വൈകിപ്പിക്കുകയും ചെയ്യുന്നതിനെതിരെ ശക്തമായ ആക്ഷേപം ഉയര്‍ന്നതോടെയാണ് റിമാന്‍ഡിലായ എന്‍ജിഒ നേതാക്കള്‍ക്കെതിരെ നടപടിയെടുത്തത്. അതേസമയം ബാങ്കിനെ അനുനയിപ്പിച്ചുകൊണ്ട് അധികൃതരുമായി സിപിഐ എം നേതാക്കള്‍ ഒത്തുതീര്‍പ്പിന് ശ്രമിക്കുന്നതായാണ് സൂചന. ബാങ്ക് ആവശ്യപ്പെടുന്ന നഷ്ടപരിഹാരം നല്‍കി കേസ് പിന്‍വലിപ്പിക്കാനാണ് നീക്കം. ഇക്കാര്യത്തില്‍ ധാരണയുണ്ടാകുന്നത് വരെ അറസ്റ്റ് വൈകിപ്പിക്കാനുള്ള ശ്രമങ്ങളും സജീവമാണ്.

ജില്ലാ ഏരിയ നേതാക്കളായ രണ്ടുപേരെ മാത്രമാണ് പൊലീസ് പിടികൂടിയതും വകുപ്പുതല നടപടിയുണ്ടായതും. ഒമ്പതംഗ സംഘത്തില്‍ ആറ് പേരെയാണ് ഇതുവരെ തിരിച്ചറിഞ്ഞത്.

എന്‍ജിഒ യൂണിയന്‍ സംസ്ഥാന സമിതി അംഗം സുരേഷ് ബാബു, ജില്ല പ്രസിഡന്റ് അനില്‍ കുമാര്‍, അജയകുമാര്‍, ശ്രീവത്സന്‍, ബിനുരാജ്, വിനുകുമാര്‍ എന്നിവരാണ് മുഖ്യ പ്രതികളെന്നാണ് പൊലീസ് പറയുന്നത്. ആറ് പേരെ പിടികൂടാന്‍ പൊലീസിന് ഇതുവരെ കഴിഞ്ഞിട്ടില്ല. ഇവരുടെ വീടുകളിലും അന്വേഷണം നടത്തിയെന്നാണ് പൊലീസ് പറയുന്നത്.

രജിസ്ട്രേഷന്‍, സിവില്‍ സപ്ലൈസ് വകുപ്പുകളിലെ ഉദ്യോഗസ്ഥരാണ് ഇവരെന്ന് പൊലീസ് പറയുന്നു. ആറുപേരും ഓഫീസിലെത്തിയാല്‍ വിവരം അറിയിക്കണമെന്നും നിര്‍ദ്ദേശമുണ്ട്.

ദേശീയ പണിമുടക്കിന്റെ രണ്ടാം ദിവസം പത്തേകാലോടെയാണ് സിപിഐഎം സര്‍വീസ് സംഘടനയായ എന്‍ജിഒ യൂണിയന്റെ സംസ്ഥാന കമ്മിറ്റി അംഗം സുരേഷ് ബാബുവിന്റെ നേതൃത്വത്തില്‍ ഒരുസംഘം സെക്രട്ടറിയേറ്റിന് സമീപത്തെ എസ്ബിഐ ട്രഷറി ബ്രാഞ്ചിന് നേരെ അക്രമം നടത്തിയത്.

ആദ്യം ഒന്നാം നിലയിലെ സിറ്റി ശാഖ ഭീഷണിപ്പെടുത്തി അടപ്പിച്ചു. മെയിന്‍ ട്രഷറി ശാഖയിലേക്കു കയറി ജീവനക്കാരെ അസഭ്യം പറഞ്ഞ ശേഷമാണ് മാനേജരുടെ കാബിനില്‍ കയറിയത്. മാനേജറുടെ ക്യാബിനിലെ ഉപകരണങ്ങള്‍ പ്രതിഷേധക്കാര്‍ തകര്‍ത്തിരുന്നു. മേശയും കമ്പ്യൂട്ടറും ഫോണും ചില്ലുകളും ആക്രമണത്തില്‍ തകര്‍ന്നു.

എസ്ബിഐയിലെ ഭൂരിപക്ഷം പേരും സമരത്തില്‍ പങ്കെടുക്കാത്തതിനാലാണ് പണിമുടക്ക് ദിവസം ബാങ്ക് തുറന്ന് പ്രവര്‍ത്തിച്ചത്. ഇതിനതെരായ രോഷപ്രകടനമായിരുന്നു ബാങ്കിന് നേരെ നടന്ന ആക്രമണം.

FEATURED

സാമ്പത്തിക വളര്‍ച്ച മുതല്‍  ശബരിമല വരെ; പ്രധാനമന്ത്രി മോഡി കൊല്ലത്ത് പറഞ്ഞ വസ്തുതയ്ക്ക് നിരക്കാത്ത അഞ്ച്‌  കാര്യങ്ങള്‍ 
Politics

സാമ്പത്തിക വളര്‍ച്ച മുതല്‍ ശബരിമല വരെ; പ്രധാനമന്ത്രി മോഡി കൊല്ലത്ത് പറഞ്ഞ വസ്തുതയ്ക്ക് നിരക്കാത്ത അഞ്ച്‌ കാര്യങ്ങള്‍ 

15 Jan, 2019
2018ലെ പണംവാരിപ്പടങ്ങള്‍; ബോക്‌സ് ഓഫീസ് ടോപ് 10ല്‍ ഇവര്‍  
FILM NEWS

2018ലെ പണംവാരിപ്പടങ്ങള്‍; ബോക്‌സ് ഓഫീസ് ടോപ് 10ല്‍ ഇവര്‍  

31 Dec, 2018
ഫേസ്ബുക്കിനെയും സക്കര്‍ബര്‍ഗിനെയും വിടാതെ കഷ്ടകാലം! കുഴപ്പിച്ച വിവാദങ്ങളും സുരക്ഷാ വീഴ്ചകളും 
Special Story

ഫേസ്ബുക്കിനെയും സക്കര്‍ബര്‍ഗിനെയും വിടാതെ കഷ്ടകാലം! കുഴപ്പിച്ച വിവാദങ്ങളും സുരക്ഷാ വീഴ്ചകളും 

31 Dec, 2018
ഇന്ത്യന്‍ രാഷ്ട്രീയത്തെ പിടിച്ചുകുലുക്കിയ ആറ് സമരങ്ങള്‍
Special Story

ഇന്ത്യന്‍ രാഷ്ട്രീയത്തെ പിടിച്ചുകുലുക്കിയ ആറ് സമരങ്ങള്‍

31 Dec, 2018
പൊളിഞ്ഞടുങ്ങിയ പത്ത് വ്യാജവാര്‍ത്തകള്‍
Special Story

പൊളിഞ്ഞടുങ്ങിയ പത്ത് വ്യാജവാര്‍ത്തകള്‍

31 Dec, 2018
2018 ൽ  ചരിത്രത്തിലേക്ക് നടന്നു കയറിയ അഞ്ച് മലയാളി സ്ത്രീകൾ 
Special Story

2018 ൽ ചരിത്രത്തിലേക്ക് നടന്നു കയറിയ അഞ്ച് മലയാളി സ്ത്രീകൾ 

30 Dec, 2018