Keralam

കന്യാസ്ത്രീകളുടെ സ്ഥലംമാറ്റം റദ്ദാക്കില്ലെന്ന് ആവര്‍ത്തിച്ച് ജലന്ധര്‍ രൂപത; അഡ്മിനിസ്‌ട്രേറ്ററുടേത് വ്യക്തിപരമായ സന്ദേശമെന്ന് വിശദീകരണം 

ബിഷപ്പ് ഫ്രാങ്കോ മുളയ്ക്കലിനെതിരെ സമരം നയിച്ച കന്യാസ്ത്രീകളുടെ സ്ഥലംമാറ്റ ഉത്തരവ് റദ്ദാക്കില്ലെന്ന് ആവര്‍ത്തിച്ച് ജലന്ധര്‍ രൂപത. ഉത്തരവ് അംഗീകരിക്കണോ വേണ്ടയോ എന്ന് കന്യാസ്ത്രീകള്‍ക്ക് തീരുമാനിക്കാമെന്നും അഡ്മിനിസ്ട്രേറ്റര്‍ ബിഷപ്പ് ആഗ്‌നലോ ഗ്രേഷ്യസിന്റെ അറിവോടെയാണ് വാര്‍ത്താക്കുറിപ്പിറക്കിയതെന്നും സഭാ വക്താവ് അറിയിച്ചു.

അഡ്മിനിട്രേറ്റര്‍ കന്യാസ്ത്രീകളോട് സ്ഥലം മാറ്റമില്ലെന്നറിയിച്ച് കൊണ്ട് അയച്ചത് വ്യക്തിപരമായ സന്ദേശം മാത്രമാണെന്നും പിആര്‍ഒ പീറ്റര്‍ കാവുംപുറത്തിന് സ്വന്തമായി വാര്‍ത്താക്കുറിപ്പ് അയക്കാനാവില്ലെന്നും സഭാ വക്താവ് പ്രതികരിച്ചു.

എന്നാല്‍ സ്ഥലം മാറ്റമംഗീകരിക്കില്ലെന്നും കുറവിലങ്ങാട് മഠത്തില്‍ത്തന്നെ തുടരുമെന്നും സിസ്റ്റര്‍ അനുപമ വ്യക്തമാക്കി. ബിഷപ്പ് ഫ്രാങ്കോയുടെ വലംകയ്യാണ് പീറ്റര്‍ കാവുംപുറം. ഒരു ബിഷപ്പിന്റെ ഉത്തരവിനെ തള്ളിയുള്ള പിആര്‍ഒയുടെ പ്രസ്താവനയെ അംഗീകരിക്കില്ല. ഒരു പുരോഹിതന്‍ ബിഷപ്പിനെ തിരുത്തുന്നത് സഭയില്‍ പതിവില്ലാത്തതാണെന്നും ഫ്രാങ്കോ ഇപ്പോഴും ശക്തനാണ് എന്നതിന്റെ തെളിവാണിതെന്നും അനുപമ കൂട്ടിച്ചേര്‍ത്തു,

ശനിയാഴ്ചയാണ് ജലന്ധര്‍ രൂപതയുടെ അഡ്മിനിസ്ട്രേറ്റര്‍ ബിഷപ്പ് ആഗ്‌നലോ ഗ്രേഷ്യസ് കന്യാസ്ത്രീകളോട് സ്ഥലം മാറണ്ട എന്നറിയിച്ചത്. കേസ് അവസാനിക്കുന്നതുവരെ കുറുവിലങ്ങാട് മഠത്തില്‍തന്നെ തുടരാന്‍ ആവശ്യപ്പെട്ട് ബിഷപ്പ് കന്യാസ്ത്രീമാര്‍ക്ക് ഇമെയില്‍ സന്ദേശം അയക്കുകയായിരുന്നു. മഠത്തില്‍ തുടരാമെന്ന് അറിയിച്ച് ജലന്ധര്‍ രൂപതയുടെ ചുമതലയുളള ബിഷപ്പ് തങ്ങള്‍ക്ക് കത്ത് അയച്ചെന്ന് സിസ്റ്റര്‍ അനുപമയും വ്യക്തമാക്കിയിരുന്നു.

പിന്നീടാണ് സഭയ്ക്കുള്ളിലെ ഭിന്നത വ്യക്തമാക്കി കന്യാസ്ത്രീകളുടെ സ്ഥലംമാറ്റം റദ്ദാക്കിയിട്ടില്ലെന്ന പ്രസ്താവനയുമായി ജലന്ധര്‍ രൂപതാ പിആര്‍ഒ രംഗത്തെത്തിയത്. കന്യാസ്ത്രീ സമൂഹത്തിന്റെ ആഭ്യന്തര വിഷയങ്ങളില്‍ സാധാരണ രൂപത അദ്ധ്യക്ഷന്‍ ഇടപെടാറില്ലെന്നും രൂപത ഇപ്പോഴും ഫ്രാങ്കോ മുളയ്ക്കലിന്റെ നിയന്ത്രണത്തിലാണെന്നുമായിരുന്നു പിആര്‍ഒ പീറ്റര്‍ കാവുംപുറത്തിന്റെ വാദം

ഇക്കാര്യത്തില്‍ അന്തിമ തീരുമാനം മദര്‍ ജനറലിന്റേതാണ്. കന്യാസ്ത്രീകള്‍ക്ക് സ്ഥലംമാറ്റം നല്‍കുകയല്ല ചെയ്തത്. ഇവരോട് മഠങ്ങളിലേക്ക് തിരികെ പോകാന്‍ ക്ഷണിക്കുകയാണ് ചെയ്തതെന്നും പിആര്‍ഒ അവകാശപ്പെട്ടു.

FEATURED

 ഒറ്റ ക്ലിക്കില്‍ പൈനാപ്പിള്‍ ബോംബ്, പിന്നാലെ മേക്കിങ് വീഡിയോയും; സോഷ്യല്‍മീഡിയക്ക് ‘ക്ഷ’ പിടിച്ചു തിരുവനന്തപുരം സ്വദേശിയുടെ ചിത്രങ്ങള്‍ 
Special Story

ഒറ്റ ക്ലിക്കില്‍ പൈനാപ്പിള്‍ ബോംബ്, പിന്നാലെ മേക്കിങ് വീഡിയോയും; സോഷ്യല്‍മീഡിയക്ക് ‘ക്ഷ’ പിടിച്ചു തിരുവനന്തപുരം സ്വദേശിയുടെ ചിത്രങ്ങള്‍ 

26 Jan, 2019
പൗരാവകാശങ്ങള്‍ക്ക് വിലങ്ങിടുന്ന ഭരണാധികാരികള്‍; മോഡിയും റിപ്പബ്ലിക് ദിന മുഖ്യാതിഥി സിറില്‍ രാമഫോസയും തമ്മിലുളള സാമ്യങ്ങള്‍ 
Special Story

പൗരാവകാശങ്ങള്‍ക്ക് വിലങ്ങിടുന്ന ഭരണാധികാരികള്‍; മോഡിയും റിപ്പബ്ലിക് ദിന മുഖ്യാതിഥി സിറില്‍ രാമഫോസയും തമ്മിലുളള സാമ്യങ്ങള്‍ 

26 Jan, 2019
മറന്ന് കളയരുത് ഇവരെ; ഭരണഘടനാ നിർമ്മാണത്തിൽ പങ്കാളികളായ 15 സ്ത്രീകൾ
Special Story

മറന്ന് കളയരുത് ഇവരെ; ഭരണഘടനാ നിർമ്മാണത്തിൽ പങ്കാളികളായ 15 സ്ത്രീകൾ

26 Jan, 2019
സാമ്പത്തിക വളര്‍ച്ച മുതല്‍  ശബരിമല വരെ; പ്രധാനമന്ത്രി മോഡി കൊല്ലത്ത് പറഞ്ഞ വസ്തുതയ്ക്ക് നിരക്കാത്ത അഞ്ച്‌  കാര്യങ്ങള്‍ 
Politics

സാമ്പത്തിക വളര്‍ച്ച മുതല്‍ ശബരിമല വരെ; പ്രധാനമന്ത്രി മോഡി കൊല്ലത്ത് പറഞ്ഞ വസ്തുതയ്ക്ക് നിരക്കാത്ത അഞ്ച്‌ കാര്യങ്ങള്‍ 

15 Jan, 2019
2018ലെ പണംവാരിപ്പടങ്ങള്‍; ബോക്‌സ് ഓഫീസ് ടോപ് 10ല്‍ ഇവര്‍  
FILM NEWS

2018ലെ പണംവാരിപ്പടങ്ങള്‍; ബോക്‌സ് ഓഫീസ് ടോപ് 10ല്‍ ഇവര്‍  

31 Dec, 2018
ഫേസ്ബുക്കിനെയും സക്കര്‍ബര്‍ഗിനെയും വിടാതെ കഷ്ടകാലം! കുഴപ്പിച്ച വിവാദങ്ങളും സുരക്ഷാ വീഴ്ചകളും 
Special Story

ഫേസ്ബുക്കിനെയും സക്കര്‍ബര്‍ഗിനെയും വിടാതെ കഷ്ടകാലം! കുഴപ്പിച്ച വിവാദങ്ങളും സുരക്ഷാ വീഴ്ചകളും 

31 Dec, 2018