National

പൈതൃക നഗരത്തേയും കാവി പുതപ്പിക്കുന്നു; അഹമ്മദാബാദിനെ കര്‍ണാവതിയാക്കുമെന്ന് ഗുജറാത്ത് സര്‍ക്കാര്‍

ഫൈസാബാദിനെ അയോധ്യയാക്കിയതിന് പിന്നാലെ അഹമ്മദാബാദിനെ കര്‍ണാവതിയാക്കാനൊരുങ്ങി ഗുജറാത്ത് സര്‍ക്കാര്‍. ഗുജറാത്ത് ഉപമുഖ്യമന്ത്രി നിതിന്‍ പട്ടേലാണ് അഹമ്മദാബാദിന്റെ പേരുമാറ്റുമെന്ന കാര്യം വ്യക്തമാക്കിയത്.

ലോക പൈതൃക പദവിയുള്ള ഇന്ത്യയിലെ ഏക നഗരമാണ് അഹമ്മദാബാദ്. 2017ലാണ് യുനസ്‌കോ അഹമ്മദാബാദിനെ പൈതൃക നഗരമായി പ്രഖ്യാപിച്ചത്.

അഹമ്മദാബാദിനെ കര്‍ണാവതിയായി കാണാനാണ് ജനങ്ങള്‍ ആഗ്രഹിക്കുന്നത്. നിയമ തടസങ്ങളില്ലെങ്കില്‍ എപ്പോള്‍ വേണമെങ്കിലും പേരുമാറ്റാന്‍ ഞങ്ങള്‍ തയ്യാറാണ്.അനുയോജ്യമായ സമയമെത്തുമ്പോള്‍ പേരുമാറ്റും.
നിതിന്‍ പട്ടേല്‍, ഗുജറാത്ത് ഉപമുഖ്യമന്ത്രി  

ഗുജറാത്തില്‍ രാഷ്ട്രീയ ഗിമ്മിക്ക് കാണിക്കാനാണ് അഹമ്മദാബാദിന്റെ പേരുമാറ്റാനുള്ള ബിജെപി ശ്രമമെന്ന് ഗുജറാത്ത് കോണ്‍ഗ്രസ് വക്താവ് മനീഷ് ദോഷി പറഞ്ഞു.രാമക്ഷേത്ര നിര്‍മ്മാണം പോലെ ഹിന്ദുവോട്ട് ബാങ്ക് ലക്ഷ്യമിട്ട് ബിജെപിയുടെ നീക്കമെന്നും അദ്ദേഹം പറഞ്ഞു.

അസാവല്‍ എന്നായിരുന്നു മുമ്പ് അഹമ്മദാബാദ് അറിയപ്പെട്ടിരുന്നത്. പിന്നീട് അസാവല്‍ രാജാവിനെ യുദ്ധത്തില്‍ പാരജയപ്പെടുത്തിയ ചാലൂക്യ രാജാവ് കര്‍ണ സബര്‍മതി നദിയുടെ തീരത്ത് കര്‍ണാവതി നഗരം സ്ഥാപിച്ചു. 1411ല്‍ കര്‍ണാവതിക്ക് സമീപം സുല്‍ത്താന്‍ അഹമ്മദ് ഷാ മറ്റൊരു നഗരം സ്ഥാപിച്ച് ഈ നഗരത്തിന് അഹമ്മദാബാദ് എന്ന പേര് നല്‍കുകയായിരുന്നു.

ദീപാവലിദിനത്തില്‍ ഉത്തര്‍പ്രദേശ് മുഖ്യമന്ത്രി യോഗി ആദിത്യനാഥ് ഫൈസാബാദ് നഗരത്തിന്റെ പേര് അയോധ്യ എന്നാക്കി മാറ്റുന്നെന്ന് പ്രഖ്യാപിച്ചിരുന്നു.അയോധ്യ രാജ്യത്തിന്റെ അഭിമാനത്തിന്റെയും പ്രതാപത്തിന്റെയും അടയാളമാണെന്നും അത് ഭഗവാന്‍ ശ്രീരാമന്റെ പേരിലാണ് അറിയപ്പെടേണ്ടതെന്നുമാണ് പ്രഖ്യാപനം നടത്തികൊണ്ട് യോഗി ആദിത്യനാഥ് പറഞ്ഞത്.

മുമ്പ് യുപി സര്‍ക്കാര്‍ ചരിത്രനഗരമായ അലഹബാദിന്റെ പേരും മാറ്റി പ്രയാഗ് രാജ് എന്നാക്കിയിരുന്നു. ചരിത്രപ്രാധാന്യമുള്ള മുഗള്‍സറായ് റെയില്‍വേ സ്റ്റേഷന്റെ പേര് ദീന്‍ദയാല്‍ ഉപാധ്യായ ജങ്ഷന്‍ എന്ന് മാറ്റിയതിന് പിന്നാലെയായിരുന്നു ഇത്.

FEATURED

 ഒറ്റ ക്ലിക്കില്‍ പൈനാപ്പിള്‍ ബോംബ്, പിന്നാലെ മേക്കിങ് വീഡിയോയും; സോഷ്യല്‍മീഡിയക്ക് ‘ക്ഷ’ പിടിച്ചു തിരുവനന്തപുരം സ്വദേശിയുടെ ചിത്രങ്ങള്‍ 
Special Story

ഒറ്റ ക്ലിക്കില്‍ പൈനാപ്പിള്‍ ബോംബ്, പിന്നാലെ മേക്കിങ് വീഡിയോയും; സോഷ്യല്‍മീഡിയക്ക് ‘ക്ഷ’ പിടിച്ചു തിരുവനന്തപുരം സ്വദേശിയുടെ ചിത്രങ്ങള്‍ 

26 Jan, 2019
പൗരാവകാശങ്ങള്‍ക്ക് വിലങ്ങിടുന്ന ഭരണാധികാരികള്‍; മോഡിയും റിപ്പബ്ലിക് ദിന മുഖ്യാതിഥി സിറില്‍ രാമഫോസയും തമ്മിലുളള സാമ്യങ്ങള്‍ 
Special Story

പൗരാവകാശങ്ങള്‍ക്ക് വിലങ്ങിടുന്ന ഭരണാധികാരികള്‍; മോഡിയും റിപ്പബ്ലിക് ദിന മുഖ്യാതിഥി സിറില്‍ രാമഫോസയും തമ്മിലുളള സാമ്യങ്ങള്‍ 

26 Jan, 2019
മറന്ന് കളയരുത് ഇവരെ; ഭരണഘടനാ നിർമ്മാണത്തിൽ പങ്കാളികളായ 15 സ്ത്രീകൾ
Special Story

മറന്ന് കളയരുത് ഇവരെ; ഭരണഘടനാ നിർമ്മാണത്തിൽ പങ്കാളികളായ 15 സ്ത്രീകൾ

26 Jan, 2019
സാമ്പത്തിക വളര്‍ച്ച മുതല്‍  ശബരിമല വരെ; പ്രധാനമന്ത്രി മോഡി കൊല്ലത്ത് പറഞ്ഞ വസ്തുതയ്ക്ക് നിരക്കാത്ത അഞ്ച്‌  കാര്യങ്ങള്‍ 
Politics

സാമ്പത്തിക വളര്‍ച്ച മുതല്‍ ശബരിമല വരെ; പ്രധാനമന്ത്രി മോഡി കൊല്ലത്ത് പറഞ്ഞ വസ്തുതയ്ക്ക് നിരക്കാത്ത അഞ്ച്‌ കാര്യങ്ങള്‍ 

15 Jan, 2019
2018ലെ പണംവാരിപ്പടങ്ങള്‍; ബോക്‌സ് ഓഫീസ് ടോപ് 10ല്‍ ഇവര്‍  
FILM NEWS

2018ലെ പണംവാരിപ്പടങ്ങള്‍; ബോക്‌സ് ഓഫീസ് ടോപ് 10ല്‍ ഇവര്‍  

31 Dec, 2018
ഫേസ്ബുക്കിനെയും സക്കര്‍ബര്‍ഗിനെയും വിടാതെ കഷ്ടകാലം! കുഴപ്പിച്ച വിവാദങ്ങളും സുരക്ഷാ വീഴ്ചകളും 
Special Story

ഫേസ്ബുക്കിനെയും സക്കര്‍ബര്‍ഗിനെയും വിടാതെ കഷ്ടകാലം! കുഴപ്പിച്ച വിവാദങ്ങളും സുരക്ഷാ വീഴ്ചകളും 

31 Dec, 2018