National

ടിപ്പു ജയന്തി ആഘോഷവുമായി കര്‍ണാടക സര്‍ക്കാര്‍ മുന്നോട്ട്; ബിജെപിയുടെ എതിര്‍പ്പ് നേരിടാന്‍ ഒമ്പത് ജില്ലകളില്‍ നിരോധനാജ്ഞ 

ബിജെപി-സംഘപരിവാര്‍ എതിര്‍പ്പിനിടെയിലും കര്‍ണാടകയില്‍ ടിപ്പു ജയന്തി ആഘോഷിക്കാന്‍ സഖ്യസര്‍ക്കാര്‍. ആഘോഷങ്ങള്‍ തുടങ്ങുന്നതിനുമുമ്പേ കര്‍ണാടകയില്‍ പ്രതിഷേധം കനക്കുകയാണ്. പ്രതിഷേധമുയര്‍ന്ന സാഹചര്യത്തില്‍ കുടക്, ശ്രീരംഗപട്ടണ, ചിത്രദുര്‍ഗ എന്നിവിടങ്ങളിലടക്കം ഒമ്പത് ജില്ലകളില്‍ നിരോധനാജ്ഞ പ്രഖ്യാപിച്ചു. എംപി പ്രഹ്ലാദ് ജോഷിയുടെ നേതൃത്വത്തില്‍ ഹുബ്ലിയിലെ മിനി വിധാനത്തില്‍ പ്രതിഷേധിച്ചവരെ പൊലീസ് അറസ്റ്റ് ചെയ്ത് നീക്കി.

ടിപ്പു ജയന്തി ആഘോഷ പരിപാടികള്‍ നടക്കുന്ന മടിക്കേരിയില്‍ ഡെപ്യൂട്ടി കമ്മീഷണറുടെ ഓഫീസിന് മുമ്പില്‍ ബിജെപി പ്രവര്‍ത്തകര്‍ മുദ്രാവാക്യം വിളികളുമായെത്തി പ്രതിഷേധിച്ചു. മടിക്കേരിയില്‍ സംഘപരിവാറും അനുകൂലികളും ഹര്‍ത്താലാഹ്വാനം നടത്തിയിരിക്കുകയാണ്. ബിജെപിയുടെയും സംഘപരിവാറിന്റെയും പ്രതിഷേധം കണക്കിലെടുത്ത് വലിയ സുരക്ഷയാണ് സര്‍ക്കാര്‍ കര്‍ണാടകയില്‍ ഒരുക്കിയിരിക്കുന്നത്. ജില്ലാ ഭരണാധികാരികളുടെ നേതൃത്വത്തിലാണ് ആഘോഷങ്ങള്‍ നടത്തുന്നത്.

മുന്‍വര്‍ഷങ്ങളില്‍ ആഘോഷിച്ചിരുന്നതുപോടെതന്നെ ടിപ്പു സുല്‍ത്താന്റെ ജന്മവാര്‍ഷികം ആഘോഷിക്കുമെന്ന് മുഖ്യമന്ത്രി എച്ച് ഡി കുമാരസ്വാമി വ്യക്തമാക്കിയിരുന്നു. എന്നാല്‍, ആരോഗ്യപരമായ കാരണങ്ങളാല്‍ മുഖ്യമന്ത്രി ചടങ്ങുകളില്‍ പങ്കെടുക്കുന്നില്ല. ഉപമുഖ്യമന്ത്രി ജി പരമേശ്വരയ്യ പരിപാടികളില്‍ എത്തില്ലെന്നാണ് വിവരം. എന്നാല്‍ സര്‍ക്കാരിനുള്ളില്‍ തന്നെയുള്ള അഭിപ്രായ വ്യത്യാസങ്ങളെത്തുടര്‍ന്നാണ് കുമാരസ്വാമി വിട്ടുനില്‍ക്കുന്നതെന്നും സൂചനയുണ്ട്. മൂന്നു ദിവസത്തെ മുഖ്യമന്ത്രിയുടെ ഔദ്യോഗിക പരിപാടികള്‍ ഒഴിവാക്കിയിരിക്കുകയാണ്.

ടിപ്പു സുല്‍ത്താന്‍ സ്വാതന്ത്ര്യ സമര സേനാനിയാണെന്ന് ചൂണ്ടിക്കാട്ടി 2014 മുതലാണ് സിദ്ധരാമയ്യ മുഖ്യമന്ത്രിയായിരിക്കെ കോണ്‍ഗ്രസാണ് ടിപ്പു ജയന്തി ആഘോഷത്തിന് തുടക്കമിട്ടത്. ഇതിനെ കുമാരസ്വാമി അന്ന് അനുകൂലിച്ചിരുന്നില്ല. പിന്നീട് കോണ്‍ഗ്രസിന്റെ ആവശ്യത്തെ സഖ്യസര്‍ക്കാര്‍ അംഗീകരിക്കുകയായിരുന്നു.

പ്രതിഷേധക്കാരെ പൊലീസ് അറസ്റ്റ് ചെയ്ത് നീക്കുന്നു 
പ്രതിഷേധക്കാരെ പൊലീസ് അറസ്റ്റ് ചെയ്ത് നീക്കുന്നു 

ടിപ്പു മത പരിവര്‍ത്തകനായിരുന്നെന്നും മതം മാറാന്‍ തയ്യാറാകാതിരുന്ന ഹിന്ദുക്കളെയും ക്രിസ്ത്യാനികളെയും ക്രൂര പീഡനത്തിന് ഇരയാക്കിയ ഭരണാധികാരിയായിരുന്നെന്നുമാണ് ബിജെപിയും സംഘപരിവാറും വാദിക്കുന്നത്. ടിപ്പു മതഭ്രാന്തനാണെന്നും ബിജെപി ആരോപിക്കുന്നു. ഒരു വിഭാഗത്തെ പ്രീണിപ്പിക്കാനാണ് പൊതു ഖജനാവില്‍നിന്നും പണം ചെലവിട്ട് സര്‍ക്കാര്‍ ജയന്തി ആഘോഷത്തിന് ചുക്കാന്‍ പിടിക്കുന്നതെന്നും ബിജെപി കുറ്റപ്പെടുത്തി. ഇത് സര്‍ക്കാരിന്റെ കപട മതേതരത്വമാണെന്ന് ചൂണ്ടിക്കാട്ടിയാണ് ബിജെപി പ്രതിഷേധിക്കുന്നത്.

സംസ്ഥാനത്തെ ജനങ്ങളുടെ താല്‍പര്യം കണക്കിലെടുത്ത് ജയന്തി ആഘോഷം സര്‍ക്കാര്‍ ഉപേക്ഷിക്കണമെന്ന് ബിജെപി നേതാവ് ബിഎസ് യദ്യൂരിയപ്പ പറഞ്ഞു. ആഘോഷത്തില്‍ പങ്കെടുത്താല്‍ കുമാരസ്വാമിക്ക് അധികാരം നഷ്ടപ്പെടുമെന്നാണ് ബിജെപി നേതാക്കള്‍ ഭീഷണി മുഴക്കുന്നത്.

എന്നാല്‍ ബിജെപിയുടേത് രാഷ്ട്രീയ ഇരട്ടത്താപ്പാണെന്നും രാജ്യസ്‌നേഹികളെ അവഗണിക്കുന്നത് ബിജെപിയുടെ തന്ത്രമാണെന്നും മന്ത്രി ഡികെ ശിവകുമാര്‍ കുറ്റപ്പെടുത്തി. ആഘോ പരിപാടികള്‍ക്കായി ശിവകുമാര്‍ വിധാന സൗധത്തില്‍ എത്തി.

ടിപ്പു സുല്‍ത്താന്റെ ബാനറുകളും പോസ്റ്ററുകളും നിരോധിച്ചു. കുടകില്‍ ദ്രുത കര്‍മ സേനയടക്കം വന്‍ പൊലീസ് സന്നാഹത്തെയാണ് നിയോഗിച്ചിട്ടുണ്ട്. ആഘോത്തിന്റെ ഭാഗമായും പ്രതിഷേധിച്ചും നടത്തുന്ന ജാഥകള്‍ അനുവദിക്കില്ലെന്നും സര്‍ക്കാര്‍ അറിയിച്ചു. സംഘര്‍ഷം കണക്കിലെടുത്ത് കേരളത്തിന്റെ അതിര്‍ത്തി ജില്ലകളിലും സുരക്ഷയും വാഹനപരിശോധനയും ശക്തമാക്കിയിരിക്കുകയാണ്.

FEATURED

പ്രളയത്തിന് മുമ്പും ശേഷവും; അതീജീവന പോരാട്ടത്തിലൂടെ കരകയറുന്ന കുറങ്കോട്ട ദ്വീപ്
FEATURED STORIES

പ്രളയത്തിന് മുമ്പും ശേഷവും; അതീജീവന പോരാട്ടത്തിലൂടെ കരകയറുന്ന കുറങ്കോട്ട ദ്വീപ്

16 Nov, 2018
ശബരിമല സ്ത്രീപ്രവേശനം; സുപ്രീം കോടതി വിധി, സംക്ഷിപ്ത രൂപം 
Special Story

ശബരിമല സ്ത്രീപ്രവേശനം; സുപ്രീം കോടതി വിധി, സംക്ഷിപ്ത രൂപം 

10 Nov, 2018
ഹരണ്‍ പാണ്ഡ്യെയെ കൊലപ്പെടുത്തിയതാര്? മോഡിക്കും അമിത് ഷായ്ക്കും തലവേദന സൃഷ്ടിച്ച് കേസ് വീണ്ടും സജീവമാകുമ്പോള്‍  
Special Story

ഹരണ്‍ പാണ്ഡ്യെയെ കൊലപ്പെടുത്തിയതാര്? മോഡിക്കും അമിത് ഷായ്ക്കും തലവേദന സൃഷ്ടിച്ച് കേസ് വീണ്ടും സജീവമാകുമ്പോള്‍  

8 Nov, 2018
‘സജീവ രാഷ്ട്രീയത്തില്‍ ഇടപെടില്ല’ പ്രതിമ അനാച്ഛാദനം ചെയ്യുമ്പോള്‍ സര്‍ദാര്‍ പട്ടേലിന് നല്‍കിയ ഉറപ്പുകള്‍ മറന്നുപോയ ആര്‍ എസ് എസ്സും മോഡിയും   
Special Story

‘സജീവ രാഷ്ട്രീയത്തില്‍ ഇടപെടില്ല’ പ്രതിമ അനാച്ഛാദനം ചെയ്യുമ്പോള്‍ സര്‍ദാര്‍ പട്ടേലിന് നല്‍കിയ ഉറപ്പുകള്‍ മറന്നുപോയ ആര്‍ എസ് എസ്സും മോഡിയും   

31 Oct, 2018
നാഗേശ്വര റാവു:  ആര്‍എസ്എസിന്റെ ഇഷ്ടക്കാരന്‍;  വര്‍ഗീയ പ്രസംഗത്തിന് നടപടി നേരിട്ടയാള്‍;  സിബിഐയുടെ താല്‍കാലിക ഡയറക്ടറെ കുറിച്ച് അറിയേണ്ടതെല്ലാം 
Special Story

നാഗേശ്വര റാവു: ആര്‍എസ്എസിന്റെ ഇഷ്ടക്കാരന്‍; വര്‍ഗീയ പ്രസംഗത്തിന് നടപടി നേരിട്ടയാള്‍; സിബിഐയുടെ താല്‍കാലിക ഡയറക്ടറെ കുറിച്ച് അറിയേണ്ടതെല്ലാം 

28 Oct, 2018
 നെഹ്‌റുവിന്റെ ആരാധകന്‍, രാജീവിന്റെ ആശ്രിതന്‍, മോഡിയുടെ വിനീതന്‍ മീ ടുവില്‍ ഒതുങ്ങിയ അക്ബറിന്റെ പല പല ജീവിതങ്ങള്‍
Special Story

നെഹ്‌റുവിന്റെ ആരാധകന്‍, രാജീവിന്റെ ആശ്രിതന്‍, മോഡിയുടെ വിനീതന്‍ മീ ടുവില്‍ ഒതുങ്ങിയ അക്ബറിന്റെ പല പല ജീവിതങ്ങള്‍

14 Oct, 2018