National

സെലക്ഷന്‍ സമിതിയുടെ അനുമതിയില്ലാതെ സിബിഐ ഡയറക്ടറെ മാറ്റാനാകില്ല; കേന്ദ്രസര്‍ക്കാര്‍ വാദങ്ങള്‍ ഖണ്ഡിച്ച് അലോക് വര്‍മയുടെ അഭിഭാഷകന്‍ 

സെലക്ഷൻ സമിതിയുടെ അനുമതി ഇല്ലാതെ സര്‍ക്കാരിന് സിബിഐ ഡയറക്ടറെ ചുമതലയില്‍ നിന്ന് മാറ്റാന്‍ കഴിയില്ലെന്ന് അലോക് വര്‍മ്മയുടെ അഭിഭാഷകന്‍ ഫാലി നരിമാന്‍ സുപ്രിം കോടതിയെ അറിയിച്ചു.

കമ്മറ്റിയുടെ യോഗം വിളിച്ച് കൂട്ടാതെ എങ്ങനെ അലോക് വര്‍മ്മയെ മാറ്റിയെന്നും ഇത് അനുവദിക്കുകയാണെങ്കില്‍ എങ്ങനെ സിബിഐയുടെ സ്വയംഭരണവും സ്വാതന്ത്ര്യവും നിലനില്‍ക്കുമെന്നും നരിമാന്‍ ചോദിച്ചു. ചീഫ് ജസ്റ്റിസ് രഞ്ജന്‍ ഗോഗോയി നയിക്കുന്ന ബെഞ്ചാണ് കേസില്‍ വാദം കേള്‍ക്കുന്നത്.

സിബിഐ മേധാവി കൈക്കൂലി വാങ്ങിയെന്ന് കരുതുക അപ്പോള്‍ എന്തുചെയ്യും എന്ന ജസ്റ്റിസ് കെഎം ജോസഫിന്റെ ചോദ്യത്തിന് ആ അവസരത്തില്‍ കമ്മറ്റിയെ വിശ്വാസത്തിലെടുക്കുക അല്ലെങ്കില്‍ കോടതിയെ സമീപിക്കുകയാണ് സര്‍ക്കാര്‍ ചെയ്യേണ്ടതെന്നും നരിമാന്‍ മറുപടി നല്‍കി.

സിബിഐയിലെ രണ്ട് മുതിര്‍ന്ന ഓഫീസര്‍മാരായ അലോക് കുമാര്‍ വര്‍മ്മ, രാകേഷ് അസ്താന എന്നിവര്‍ പരസ്പരം ഉയര്‍ത്തിയ അഴിമതി ആരോപണത്തെ തുടര്‍ന്നാണ് വര്‍മ്മയെ ചുമതലയില്‍ നിന്ന് മാറ്റിയത്. സര്‍ക്കാര്‍ നടപടി തെറ്റാണെന്ന് ചൂണ്ടികാണിച്ച് സുപ്രീം കോടതിക്കുമുന്നില്‍ വര്‍മ്മ ഹര്‍ജി നല്‍കിയിരുന്നു. എന്നാല്‍ കേന്ദ്ര വിജിലന്‍സ് കമ്മീഷന്‍ വര്‍മ്മയ്‌ക്കെതിരെയുള്ള അഴിമതി ആരോപണത്തില്‍ കോടതിക്ക് മുന്‍പാകെ റിപ്പോര്‍ട്ട് സമര്‍പ്പിച്ചിട്ടുണ്ട്.

വിജിലന്‍സ് റിപ്പോര്‍ട്ട് സിബിഐ മേധാവിക്കെതിരെ ഉയര്‍ന്ന ആരോപണത്തില്‍ നിന്ന് പൂര്‍ണ്ണമായും മുക്തമാക്കുന്നതല്ല എന്നു നിരീക്ഷിച്ച കോടതി ചില കാര്യങ്ങളില്‍ ആശ്വസിക്കാവുന്നതാണെങ്കിലും ചില കാര്യങ്ങളില്‍ അങ്ങനെയല്ലായെന്നും വര്‍മ്മയോട് പറഞ്ഞു.

സിബിഐയുടെ അന്വേഷണം നേരിടുന്ന ഹൈദരാബാദ് കേന്ദ്രമാക്കിയുള്ള ഒരു കമ്പനിയില്‍ നിന്ന് കൈക്കൂലി വാങ്ങിയെന്നായിരുന്നു വര്‍മ്മയ്‌ക്കെതിരെ അസ്താന നല്‍കിയ പരാതി. വര്‍മ്മ ഇതേ ആരോപണം അസ്താനയ്‌ക്കെതിരെയും നല്‍കിയിരുന്നു. സിബിഐ ഉന്നത മേധാവികളുടെ തര്‍ക്കം കാരണമാണ് വര്‍മ്മയ്‌ക്കെതിരായ നടപടിയെന്നായിരുന്നു സര്‍ക്കാര്‍ വാദം. എന്നാല്‍ അലോക് കുമാര്‍ വര്‍മ്മയെ സിബിഐ ഡയറക്ടര്‍ ചുമതലയില്‍നിന്ന് മാറ്റിയതിന് പിന്നില്‍ രാഷ്ട്രീയ ഒത്തുകളിയാണെന്ന് ആരോപണമുയര്‍ന്നിരുന്നു.

പ്രധാനമന്ത്രി നരേന്ദ്ര മോഡിയുടെ വിശ്വസ്തനും സിബിഐയിലെ രണ്ടാമനുമായ രാകേഷ് അസ്താനയെ പ്രതിചേര്‍ത്ത് കേസെടുത്തതിന് പിന്നാലെയാണ് അലോക് വര്‍മ്മയെ നീക്കിയത്. റഫേല്‍ അഴിമതിയില്‍ സിബിഐ നടത്തുന്ന അന്വേഷണവുമായി ബന്ധപ്പെട്ടാണ് അലോക് കുമാറിനെ നീക്കിയതെന്നുമായിരുന്നു ആരോപണം.

FEATURED

കര്‍താര്‍പൂര്‍ ഇടനാഴി മുതല്‍ കാശ്മീര്‍ വരെ, മോഡിയുടെയും ബിജെപിയുടെയും സമീപകാല മലക്കം മറിച്ചലുകള്‍ 
Special Story

കര്‍താര്‍പൂര്‍ ഇടനാഴി മുതല്‍ കാശ്മീര്‍ വരെ, മോഡിയുടെയും ബിജെപിയുടെയും സമീപകാല മലക്കം മറിച്ചലുകള്‍ 

28 Nov, 2018
പ്രളയത്തിന് മുമ്പും ശേഷവും; അതീജീവന പോരാട്ടത്തിലൂടെ കരകയറുന്ന കുറങ്കോട്ട ദ്വീപ്
FEATURED STORIES

പ്രളയത്തിന് മുമ്പും ശേഷവും; അതീജീവന പോരാട്ടത്തിലൂടെ കരകയറുന്ന കുറങ്കോട്ട ദ്വീപ്

16 Nov, 2018
ഹീബ, ഒന്നര വയസ്സ്:  കശ്മീരിലെ സൈന്യത്തിന്റെ പെല്ലറ്റ് ആക്രമണത്തിലെ പ്രായം കുറഞ്ഞ ഇര; മുറിവ് ഉണങ്ങിയാലും കാഴ്ച നഷ്ടമാകുമെന്ന് ആശങ്ക  
Special Story

ഹീബ, ഒന്നര വയസ്സ്: കശ്മീരിലെ സൈന്യത്തിന്റെ പെല്ലറ്റ് ആക്രമണത്തിലെ പ്രായം കുറഞ്ഞ ഇര; മുറിവ് ഉണങ്ങിയാലും കാഴ്ച നഷ്ടമാകുമെന്ന് ആശങ്ക  

26 Nov, 2018
‘നിങ്ങളുടെ അമ്മയും ആക്രമിക്കപ്പെട്ടിട്ടുണ്ട്’; സ്ത്രീ പീഡനത്തെയും വംശീയ അധിക്ഷേപത്തെയും കുറിച്ച് ബോക്‌സിംങ് ചാമ്പ്യന്‍ മേരി കോം മക്കള്‍ക്ക്‌ എഴുതിയ കത്ത്   
Special Story

‘നിങ്ങളുടെ അമ്മയും ആക്രമിക്കപ്പെട്ടിട്ടുണ്ട്’; സ്ത്രീ പീഡനത്തെയും വംശീയ അധിക്ഷേപത്തെയും കുറിച്ച് ബോക്‌സിംങ് ചാമ്പ്യന്‍ മേരി കോം മക്കള്‍ക്ക്‌ എഴുതിയ കത്ത്   

25 Nov, 2018
നൂറ് പശുക്കളെ നല്‍കി ‘ഡൊണേറ്റ് എ കൗ’; ഹര്‍ഷ തുടക്കമിട്ട ആശയം; പ്രളയം തകര്‍ത്ത വയനാടന്‍ ജീവിതത്തെ വീണ്ടെടുക്കുന്ന കൂട്ടായ്മ   
Special Story

നൂറ് പശുക്കളെ നല്‍കി ‘ഡൊണേറ്റ് എ കൗ’; ഹര്‍ഷ തുടക്കമിട്ട ആശയം; പ്രളയം തകര്‍ത്ത വയനാടന്‍ ജീവിതത്തെ വീണ്ടെടുക്കുന്ന കൂട്ടായ്മ   

23 Nov, 2018
ശബരിമല സ്ത്രീപ്രവേശനം; സുപ്രീം കോടതി വിധി, സംക്ഷിപ്ത രൂപം 
Special Story

ശബരിമല സ്ത്രീപ്രവേശനം; സുപ്രീം കോടതി വിധി, സംക്ഷിപ്ത രൂപം 

10 Nov, 2018