National

നീരവ് മോഡി ഇന്ത്യയിലേക്ക് വരാത്തത് ആള്‍ക്കൂട്ടത്തെ ഭയന്നെന്ന് അഭിഭാഷകന്‍; മുങ്ങി നടക്കാതെ കേസ് കൊടുക്കൂ എന്ന് എന്‍ഫോഴ്സ്മെന്റ്   

പഞ്ചാബ് നാഷണല്‍ ബാങ്ക് തട്ടിപ്പ് കേസ് പ്രതി നീരവ് മോഡി ഇന്ത്യയിലേക്ക് വരാത്തത് ആള്‍ക്കൂട്ട അക്രമണം ഭയന്നാണെന്ന് മോഡിയുടെ അഭിഭാഷകന്‍ വിജയ് അഗര്‍വാള്‍ കോടതിയില്‍. ഭീഷണി നിലനില്‍ക്കുന്നുണ്ടെങ്കില്‍ പൊലീസില്‍ പരാതി നല്‍കുകയാണ് വേണ്ടതെന്ന് എന്‍ഫോഴ്സ്മെന്റ് ഡയറക്ടേറേറ്റ് (ഇഡി) മറുപടി നല്‍കി.

സാമ്പത്തിക തട്ടിപ്പിനേത്തുടര്‍ന്ന് നാടുവിട്ടതിനാല്‍ സാമ്പത്തിക തട്ടിപ്പില്‍ രാജ്യം വിട്ടവര്‍ക്കെതിരെയുള്ള നിയമപ്രകാരം (എഫ്ഇഒ ആക്ട്) കേസെടുക്കണമെന്ന എന്‍ഫോഴ്‌സ്‌മെന്റ് ഡയറക്ടറേറ്റിന്റെ അപേക്ഷയിന്മേല്‍ പിഎംഎല്‍എ കോടതി വാദം കേള്‍ക്കുമ്പോഴാണ് മോഡിയുടെ അഭിഭാഷകന്‍ ആള്‍ക്കൂട്ട ഭീഷണിയുണ്ടെന്നറിയിച്ചത്.

ഈ കേസില്‍ സുരക്ഷ ഭീഷണിയെക്കുറിച്ച് പറയുന്നത് അടിസ്ഥാനമില്ലാത്ത കാര്യമാണെന്ന് എന്‍ഫോഴ്‌സ്‌മെന്റ് വാദിച്ചു. അന്വേഷണത്തിനായി പലവട്ടം സന്ദേശങ്ങളും സമന്‍സും അയച്ചിട്ടും അതിനോടൊന്നും മോഡി പ്രതികരിച്ചിട്ടില്ല. മോഡി് ഇന്ത്യയിലേക്ക് വരാന്‍ തയ്യാറല്ല എന്നതാണ് കാര്യമെന്നും എന്‍ഫോഴ്സ്മെന്റ് കോടതി മുമ്പാകെ വ്യക്തമാക്കി.

ഈ വര്‍ഷം ജൂലൈയിലാണ് ഇഡി, പിഎംഎല്‍എ കോടതിക്ക് മുന്‍പാകെ രണ്ട് പ്രത്യേക അപേക്ഷകള്‍ സമര്‍പ്പിച്ചത്. നീരവ് മോഡിയുടെ സ്വത്തുവകകള്‍ കണ്ടുകെട്ടുന്നതിനും എഫ്ഇഒ നിയമത്തില്‍ മെഹുല്‍ ചോക്‌സിയെ ഉള്‍പ്പെടുത്താനും വേണ്ടിയായിരുന്നു അപേക്ഷ.

നീരവ് മോഡിയെ എന്‍ഫോഴ്സ്മെന്റ് എഫ്ഇഒയില്‍ ഉള്‍പ്പെടുത്താന്‍ നോക്കുന്നത് സംശയാസ്പദമായ സാഹചര്യത്തില്‍ ഇന്ത്യ വിട്ടു എന്നുള്ളതുകൊണ്ടാണെന്ന് മോഡിയുടെ അഭിഭാഷകന്‍ വാദിച്ചു. മോഡി രാജ്യം വിടുന്ന സമയത്ത് അദ്ദേഹത്തിനെതിരെ ഒരു ക്രിമിനല്‍ കേസുപോലും രാജ്യത്തില്ല. 'സംശയാസ്പദമായ' സാഹചര്യത്തില്‍ രാജ്യം വിട്ടുവെന്നാണ് ഇഡി പറയുന്നത്. എന്താണ് 'സംശയാസ്പദമായ' സാഹചര്യമെന്ന് ഇഡി വ്യക്തമാക്കണമെന്നും അഗര്‍വാള്‍ കോടതിയില്‍ ആവശ്യപ്പെട്ടു.

പഞ്ചാബ് നാഷണല്‍ ബാങ്കില്‍ നിന്നും ബയേഴ്സ് ക്രെഡിറ്റ് മുഖേനെ 13,500 കോടിയുടെ തട്ടിപ്പ് നടത്തിയ കേസിലെ പ്രതികളാണ് രത്നാഭരണ കയറ്റുമതി വ്യവസായിയായ നീരവ് മോഡിയും അമ്മാവന്‍ മെഹുല്‍ ചോക്സിയും. തട്ടിപ്പിനെതിരെ ബാങ്ക് സിബിഐയെ സമീപിക്കുന്നതിന് മുന്‍പ് നീരവ് കുടുംബ സമേതം രാജ്യം വിടുകയായിരുന്നു.

FEATURED

 ഒറ്റ ക്ലിക്കില്‍ പൈനാപ്പിള്‍ ബോംബ്, പിന്നാലെ മേക്കിങ് വീഡിയോയും; സോഷ്യല്‍മീഡിയക്ക് ‘ക്ഷ’ പിടിച്ചു തിരുവനന്തപുരം സ്വദേശിയുടെ ചിത്രങ്ങള്‍ 
Special Story

ഒറ്റ ക്ലിക്കില്‍ പൈനാപ്പിള്‍ ബോംബ്, പിന്നാലെ മേക്കിങ് വീഡിയോയും; സോഷ്യല്‍മീഡിയക്ക് ‘ക്ഷ’ പിടിച്ചു തിരുവനന്തപുരം സ്വദേശിയുടെ ചിത്രങ്ങള്‍ 

26 Jan, 2019
പൗരാവകാശങ്ങള്‍ക്ക് വിലങ്ങിടുന്ന ഭരണാധികാരികള്‍; മോഡിയും റിപ്പബ്ലിക് ദിന മുഖ്യാതിഥി സിറില്‍ രാമഫോസയും തമ്മിലുളള സാമ്യങ്ങള്‍ 
Special Story

പൗരാവകാശങ്ങള്‍ക്ക് വിലങ്ങിടുന്ന ഭരണാധികാരികള്‍; മോഡിയും റിപ്പബ്ലിക് ദിന മുഖ്യാതിഥി സിറില്‍ രാമഫോസയും തമ്മിലുളള സാമ്യങ്ങള്‍ 

26 Jan, 2019
മറന്ന് കളയരുത് ഇവരെ; ഭരണഘടനാ നിർമ്മാണത്തിൽ പങ്കാളികളായ 15 സ്ത്രീകൾ
Special Story

മറന്ന് കളയരുത് ഇവരെ; ഭരണഘടനാ നിർമ്മാണത്തിൽ പങ്കാളികളായ 15 സ്ത്രീകൾ

26 Jan, 2019
സാമ്പത്തിക വളര്‍ച്ച മുതല്‍  ശബരിമല വരെ; പ്രധാനമന്ത്രി മോഡി കൊല്ലത്ത് പറഞ്ഞ വസ്തുതയ്ക്ക് നിരക്കാത്ത അഞ്ച്‌  കാര്യങ്ങള്‍ 
Politics

സാമ്പത്തിക വളര്‍ച്ച മുതല്‍ ശബരിമല വരെ; പ്രധാനമന്ത്രി മോഡി കൊല്ലത്ത് പറഞ്ഞ വസ്തുതയ്ക്ക് നിരക്കാത്ത അഞ്ച്‌ കാര്യങ്ങള്‍ 

15 Jan, 2019
2018ലെ പണംവാരിപ്പടങ്ങള്‍; ബോക്‌സ് ഓഫീസ് ടോപ് 10ല്‍ ഇവര്‍  
FILM NEWS

2018ലെ പണംവാരിപ്പടങ്ങള്‍; ബോക്‌സ് ഓഫീസ് ടോപ് 10ല്‍ ഇവര്‍  

31 Dec, 2018
ഫേസ്ബുക്കിനെയും സക്കര്‍ബര്‍ഗിനെയും വിടാതെ കഷ്ടകാലം! കുഴപ്പിച്ച വിവാദങ്ങളും സുരക്ഷാ വീഴ്ചകളും 
Special Story

ഫേസ്ബുക്കിനെയും സക്കര്‍ബര്‍ഗിനെയും വിടാതെ കഷ്ടകാലം! കുഴപ്പിച്ച വിവാദങ്ങളും സുരക്ഷാ വീഴ്ചകളും 

31 Dec, 2018