National

വരുമാനം 1027 കോടി:  ബിജെപി രാജ്യത്തെ ഏറ്റവും വലിയ സമ്പന്ന പാര്‍ട്ടി; തെരഞ്ഞെടുപ്പ് ബോണ്ടുകളില്‍ 95 ശതമാനവും ബിജെപിക്ക് സ്വന്തം

രാജ്യത്തെ ഏറ്റവും സമ്പന്നമായ രാഷ്ട്രീയ പാര്‍ട്ടി ബിജെപിയാണെന്ന് കണക്കുകള്‍. തെരഞ്ഞെടുപ്പ് കമ്മീഷനില്‍ ബിജെപി നല്‍കിയ വാര്‍ശിക കണക്ക് പ്രകാരം കഴിഞ്ഞ സാമ്പത്തിക വര്‍ഷം പാര്‍ട്ടിയുടെ വരുമാനം 1027 കോടി രൂപയാണ്. ആകെയുള്ള 222 കോടി രൂപയുടെ തെരഞ്ഞെടുപ്പ് ബോണ്ടുകളില്‍ 95 ശതമാനവും ബിജെപിയാണ് സ്വന്തമാക്കിയിരിക്കുന്നത്. കഴിഞ്ഞ സാമ്പത്തിക വര്‍ഷവും ബിജെപിക്ക് 1000 കോടിയിലേറെ വരുമാനമുണ്ടായിരുന്നു.

കോണ്‍ഗ്രസും എന്‍സിപിയും ഇതുവരെ റിട്ടേണ്‍ സമര്‍പ്പിച്ചിട്ടില്ല. എന്നാല്‍ മായാവതിയുടെ ബിഎസ്പി. 681 കോടിരൂപയില്‍നിന്ന് വരുമാനം 717 കോടിയിലെത്തിച്ചു. മമതാ ബാനര്‍ജിയുടെ തൃണമൂല്‍ കോണ്‍ഗ്രസ് 262 കോടിയില്‍നിന്ന് 291 കോടിരൂപയായും വരുമാനം ഉയര്‍ത്തി. എന്നാല്‍ സിപിഐഎമ്മിന്റെ വരുമാനം 104 കോടി മാത്രമാണ് ബിജെപിയുടെ ആകെ വരുമാനത്തിന്റെ പത്തുശതമാനം മാത്രമാണിത്. സിപിഐയുടെ വരുമാനം 1.5 കോടിരൂപയും.

അതേ സമയം നോട്ട് നിരോധനം കൊണ്ട് തെരഞ്ഞെടുപ്പില്‍ ഒഴുകുന്ന കള്ളപ്പണം തടയാനായിട്ടില്ലെന്ന് സ്ഥാനമൊഴിഞ്ഞ മുഖ്യ തെരഞ്ഞെടുപ്പ് കമീഷണര്‍ ഒ പി റാവത്ത്‌ പറഞ്ഞു. നോട്ട് നിരോധനത്തിനുശേഷം നടന്ന തെരഞ്ഞെടുപ്പുകളില്‍ വന്‍ തുകകളാണ് തെരഞ്ഞെടുപ്പ് കമീഷന്‍ പിടിച്ചെടുത്തത്. നിയമസഭാ തെരഞ്ഞെടുപ്പ് നടക്കുന്ന അഞ്ച് സംസ്ഥാനങ്ങളില്‍നിന്ന് 200 കോടി രൂപ പിടിച്ചെടുത്തു. തെരഞ്ഞെടുപ്പിന് പണം ഒഴുക്കുന്ന അതിശക്തരായ കേന്ദ്രങ്ങളെ നോട്ട് നിരോധനം ബാധിച്ചില്ലെന്ന് ഇത് വ്യക്തമാക്കുന്നെന്ന് ‘ദി ഇന്ത്യന്‍ എക്‌സ്പ്രസിന്’ അനുവദിച്ച അഭിമുഖത്തിലാണ് റാവത്ത് വ്യക്തമാക്കിയത്.

കേന്ദ്ര സര്‍ക്കാര്‍ 2017ല്‍ ധനബില്ലായി രാഷ്ട്രീയ പാര്‍ടികള്‍ക്ക് സംഭാവന സ്വീകരിക്കുന്നതിനുള്ള തെരഞ്ഞെടുപ്പ് ബോണ്ടുകള്‍ കൊണ്ടുവന്നപ്പോള്‍ തന്നെ രാഷ്ട്രീയ പാര്‍ടികള്‍ക്കുള്ള സംഭാവന കൂടുതല്‍ ദുരൂഹമാകാനുള്ള സാഹചര്യം ചൂണ്ടിക്കാട്ടിയിരുന്നു. ചട്ടങ്ങള്‍ മറികടന്ന് പല കമ്പനികളും സംഭാവന നല്‍കാന്‍ തയ്യാറാകും. ആരാണ് നല്‍കിയതെന്ന് തിരിച്ചറിയാത്തതിനാല്‍ ആര്‍ക്കും സംഭാവന നല്‍കാനാകുമെന്നും ഇത്തരം പ്രശ്‌നങ്ങളെല്ലാം തെരഞ്ഞെടുപ്പ് കമ്മീഷന്‍ നിയമമന്ത്രാലയത്തെ അറിയിച്ചിട്ടുണ്ടെന്നും അദ്ദേഹം പറഞ്ഞു.

ഇപ്പോള്‍ ലഭിച്ചിരിക്കുന്ന തെരഞ്ഞെടുപ്പ് ബോണ്ട് സംഭാവനയുടെ റിപ്പോര്‍ട്ടും ഓഡിറ്റ് വിവരങ്ങളും പരിശോധിച്ച് മുമ്പ് ചൂണ്ടിക്കാട്ടിയ പ്രശ്‌നങ്ങള്‍ പരിഹരിക്കരിച്ചിട്ടില്ലെങ്കില്‍ അത് ഉടന്‍ ഉറപ്പാക്കണമെന്നും അദ്ദേഹം കൂട്ടിച്ചേര്‍ത്തു.

FEATURED

കര്‍താര്‍പൂര്‍ ഇടനാഴി മുതല്‍ കാശ്മീര്‍ വരെ, മോഡിയുടെയും ബിജെപിയുടെയും സമീപകാല മലക്കം മറിച്ചലുകള്‍ 
Special Story

കര്‍താര്‍പൂര്‍ ഇടനാഴി മുതല്‍ കാശ്മീര്‍ വരെ, മോഡിയുടെയും ബിജെപിയുടെയും സമീപകാല മലക്കം മറിച്ചലുകള്‍ 

28 Nov, 2018
പ്രളയത്തിന് മുമ്പും ശേഷവും; അതീജീവന പോരാട്ടത്തിലൂടെ കരകയറുന്ന കുറങ്കോട്ട ദ്വീപ്
FEATURED STORIES

പ്രളയത്തിന് മുമ്പും ശേഷവും; അതീജീവന പോരാട്ടത്തിലൂടെ കരകയറുന്ന കുറങ്കോട്ട ദ്വീപ്

16 Nov, 2018
ഹീബ, ഒന്നര വയസ്സ്:  കശ്മീരിലെ സൈന്യത്തിന്റെ പെല്ലറ്റ് ആക്രമണത്തിലെ പ്രായം കുറഞ്ഞ ഇര; മുറിവ് ഉണങ്ങിയാലും കാഴ്ച നഷ്ടമാകുമെന്ന് ആശങ്ക  
Special Story

ഹീബ, ഒന്നര വയസ്സ്: കശ്മീരിലെ സൈന്യത്തിന്റെ പെല്ലറ്റ് ആക്രമണത്തിലെ പ്രായം കുറഞ്ഞ ഇര; മുറിവ് ഉണങ്ങിയാലും കാഴ്ച നഷ്ടമാകുമെന്ന് ആശങ്ക  

26 Nov, 2018
‘നിങ്ങളുടെ അമ്മയും ആക്രമിക്കപ്പെട്ടിട്ടുണ്ട്’; സ്ത്രീ പീഡനത്തെയും വംശീയ അധിക്ഷേപത്തെയും കുറിച്ച് ബോക്‌സിംങ് ചാമ്പ്യന്‍ മേരി കോം മക്കള്‍ക്ക്‌ എഴുതിയ കത്ത്   
Special Story

‘നിങ്ങളുടെ അമ്മയും ആക്രമിക്കപ്പെട്ടിട്ടുണ്ട്’; സ്ത്രീ പീഡനത്തെയും വംശീയ അധിക്ഷേപത്തെയും കുറിച്ച് ബോക്‌സിംങ് ചാമ്പ്യന്‍ മേരി കോം മക്കള്‍ക്ക്‌ എഴുതിയ കത്ത്   

25 Nov, 2018
നൂറ് പശുക്കളെ നല്‍കി ‘ഡൊണേറ്റ് എ കൗ’; ഹര്‍ഷ തുടക്കമിട്ട ആശയം; പ്രളയം തകര്‍ത്ത വയനാടന്‍ ജീവിതത്തെ വീണ്ടെടുക്കുന്ന കൂട്ടായ്മ   
Special Story

നൂറ് പശുക്കളെ നല്‍കി ‘ഡൊണേറ്റ് എ കൗ’; ഹര്‍ഷ തുടക്കമിട്ട ആശയം; പ്രളയം തകര്‍ത്ത വയനാടന്‍ ജീവിതത്തെ വീണ്ടെടുക്കുന്ന കൂട്ടായ്മ   

23 Nov, 2018
ശബരിമല സ്ത്രീപ്രവേശനം; സുപ്രീം കോടതി വിധി, സംക്ഷിപ്ത രൂപം 
Special Story

ശബരിമല സ്ത്രീപ്രവേശനം; സുപ്രീം കോടതി വിധി, സംക്ഷിപ്ത രൂപം 

10 Nov, 2018