National

‘രാജീവ് ഗാന്ധിയെ വധിച്ചത് ഞങ്ങളല്ല, ഇന്ത്യയിലെ ഒരു നേതാവിനെയും ആക്രമിക്കാന്‍ പദ്ധതിയുണ്ടായിരുന്നില്ല’; രാജീവ് ഗാന്ധി വധത്തില്‍ പങ്കില്ലെന്ന് എല്‍ടിടിഇ

മുന്‍ പ്രധാനമന്ത്രി രാജീവ് ഗാന്ധിയെ വധിച്ചതില്‍ തങ്ങള്‍ക്ക് പങ്കില്ലെന്ന് എല്‍ടിടിഇ. സംഘടനയിലെ രാഷ്ട്രീയ വിഭാഗം പ്രതിനിധി കുര്‍ബുരന്‍ ഗുരുസ്വാമി, നിയമവിഭാഗം പ്രതിനിധി ലത്തന്‍ ചന്ദ്രലിംഗം എന്നിവര്‍ ഒപ്പുവച്ച പ്രസ്താവനയിലാണ് എല്‍ടിടിഇ ഇക്കാര്യം വ്യക്തമാക്കിയിരിക്കുന്നത്.

തമിഴ് ഈഴത്തിലെ ജനങ്ങള്‍ക്കുവേണ്ടിയാണ് പ്രവര്‍ത്തിച്ചത്. രാജീവ് ഗാന്ധിയുടെ വധത്തില്‍ പങ്കില്ലെന്ന് പലപ്പോഴായി തെളിവുകള്‍ സഹിതം നിരത്തിയിരുന്നു. എന്നാല്‍ തങ്ങള്‍ക്കെതിരെ അടിസ്ഥാനരഹിതമായ ആരോപണങ്ങള്‍ ഉന്നയിക്കുകയാണെന്ന് പ്രസതാവനയില്‍ പറയുന്നു.

ഇത്തരം അപകീര്‍ത്തിപരമായ ആരോപണങ്ങള്‍മൂലം വര്‍ഷങ്ങളായി അരക്ഷിതത്വത്തിലാഴ്ന്നിരിക്കുകയാണ് തമിഴ് ജനത. നിരവധിപ്പേര്‍ക്ക് നാടുവിടേണ്ടിവന്നു. മുള്ളിവൈക്കലില്‍ കൊല്ലപ്പെട്ട ഒന്നരലക്ഷം പേര്‍ക്ക് രാജീവ് ഗാന്ധിയുടെ ജീവന്റെയത്ര വിലയില്ലെന്ന പ്രചരണമുണ്ടായെന്നും പ്രസ്താവനയില്‍ പറയുന്നു.

ഇന്ത്യയിലെ ഒരു നേതൃത്വത്തിനെതിരെയോ ഇന്ത്യയെയോ ആക്രമിക്കാന്‍ എല്‍ടിടിഇക്ക് പദ്ധതിയുണ്ടായിരുന്നില്ല. ശ്രീലങ്കക്കാരല്ലാത്ത ആര്‍ക്കുമെതിരെ തോക്കുയര്‍ത്തിയിട്ടില്ല. ശ്രീലങ്കക്കാരല്ലാത്ത ആരെയും ആക്രമിക്കാനും ഉദ്ദേശിച്ചിട്ടില്ല. ഇന്ത്യയിലെ ഒരു നേതാവിനെയും ആക്രമിക്കാന്‍ യാതൊരു നീക്കവും നടത്തിയിട്ടില്ലെന്നും എല്‍ടിടിഇ വിശദമാക്കുന്നു.

ഇന്ത്യന്‍ സര്‍ക്കാരും എല്‍ടിടിഇയും തമ്മിലുണ്ടായിരുന്ന ശക്തമായ ബന്ധം തകര്‍ക്കാന്‍ നടത്തിയ ഗൂഡാലോചനയുടെ ഫലമാണ് രാജീവ് ഗാന്ധി വധമെന്നും പ്രസ്താവനയില്‍ ആരോപിക്കുന്നു.

ഇക്കാര്യത്തില്‍ എല്‍ടിടിഇയെ പ്രതിസ്ഥാനത്തുനിര്‍ത്തുന്ന നടപടികള്‍ അവസാനിപ്പിക്കണമെന്നും തങ്ങള്‍ക്കെതിരെ അന്തര്‍ദേശീയ തലത്തില്‍ ഏര്‍പ്പെടുത്തിയിരിക്കുന്ന പ്രതിരോധങ്ങള്‍ പിന്‍വലിക്കണമെന്നും പ്രസ്താവന ആവശ്യപ്പെടുന്നു.സ്വാതന്ത്രത്തിന്റെ ജീവവായു ശ്വസിക്കാന്‍ തങ്ങളുടെ ജനങ്ങളെയും അനുവദിക്കണമെന്നും പ്രസ്താവനയില്‍ കൂട്ടിച്ചേര്‍ത്തു.

FEATURED

കര്‍താര്‍പൂര്‍ ഇടനാഴി മുതല്‍ കാശ്മീര്‍ വരെ, മോഡിയുടെയും ബിജെപിയുടെയും സമീപകാല മലക്കം മറിച്ചലുകള്‍ 
Special Story

കര്‍താര്‍പൂര്‍ ഇടനാഴി മുതല്‍ കാശ്മീര്‍ വരെ, മോഡിയുടെയും ബിജെപിയുടെയും സമീപകാല മലക്കം മറിച്ചലുകള്‍ 

28 Nov, 2018
പ്രളയത്തിന് മുമ്പും ശേഷവും; അതീജീവന പോരാട്ടത്തിലൂടെ കരകയറുന്ന കുറങ്കോട്ട ദ്വീപ്
FEATURED STORIES

പ്രളയത്തിന് മുമ്പും ശേഷവും; അതീജീവന പോരാട്ടത്തിലൂടെ കരകയറുന്ന കുറങ്കോട്ട ദ്വീപ്

16 Nov, 2018
ഹീബ, ഒന്നര വയസ്സ്:  കശ്മീരിലെ സൈന്യത്തിന്റെ പെല്ലറ്റ് ആക്രമണത്തിലെ പ്രായം കുറഞ്ഞ ഇര; മുറിവ് ഉണങ്ങിയാലും കാഴ്ച നഷ്ടമാകുമെന്ന് ആശങ്ക  
Special Story

ഹീബ, ഒന്നര വയസ്സ്: കശ്മീരിലെ സൈന്യത്തിന്റെ പെല്ലറ്റ് ആക്രമണത്തിലെ പ്രായം കുറഞ്ഞ ഇര; മുറിവ് ഉണങ്ങിയാലും കാഴ്ച നഷ്ടമാകുമെന്ന് ആശങ്ക  

26 Nov, 2018
‘നിങ്ങളുടെ അമ്മയും ആക്രമിക്കപ്പെട്ടിട്ടുണ്ട്’; സ്ത്രീ പീഡനത്തെയും വംശീയ അധിക്ഷേപത്തെയും കുറിച്ച് ബോക്‌സിംങ് ചാമ്പ്യന്‍ മേരി കോം മക്കള്‍ക്ക്‌ എഴുതിയ കത്ത്   
Special Story

‘നിങ്ങളുടെ അമ്മയും ആക്രമിക്കപ്പെട്ടിട്ടുണ്ട്’; സ്ത്രീ പീഡനത്തെയും വംശീയ അധിക്ഷേപത്തെയും കുറിച്ച് ബോക്‌സിംങ് ചാമ്പ്യന്‍ മേരി കോം മക്കള്‍ക്ക്‌ എഴുതിയ കത്ത്   

25 Nov, 2018
നൂറ് പശുക്കളെ നല്‍കി ‘ഡൊണേറ്റ് എ കൗ’; ഹര്‍ഷ തുടക്കമിട്ട ആശയം; പ്രളയം തകര്‍ത്ത വയനാടന്‍ ജീവിതത്തെ വീണ്ടെടുക്കുന്ന കൂട്ടായ്മ   
Special Story

നൂറ് പശുക്കളെ നല്‍കി ‘ഡൊണേറ്റ് എ കൗ’; ഹര്‍ഷ തുടക്കമിട്ട ആശയം; പ്രളയം തകര്‍ത്ത വയനാടന്‍ ജീവിതത്തെ വീണ്ടെടുക്കുന്ന കൂട്ടായ്മ   

23 Nov, 2018
ശബരിമല സ്ത്രീപ്രവേശനം; സുപ്രീം കോടതി വിധി, സംക്ഷിപ്ത രൂപം 
Special Story

ശബരിമല സ്ത്രീപ്രവേശനം; സുപ്രീം കോടതി വിധി, സംക്ഷിപ്ത രൂപം 

10 Nov, 2018