National

ദുരൂഹതയില്‍ ബുലന്ദ്സര്‍ കൊലപാതകം: ഗോവധമെന്ന് പരാതി നല്‍കിയത് ഒന്നാം പ്രതിയായ ബജ്‌റംഗ്ദള്‍ നേതാവ്; നാല് പേര്‍ കസ്റ്റഡിയില്‍  

കൊല്ലപ്പെട്ട സുബോദ്കുമാര്‍ 
കൊല്ലപ്പെട്ട സുബോദ്കുമാര്‍ 
സംഘര്‍ഷം തടുക്കാനായി എത്തിയ സുബോധ്കുമാറിനെ കല്ലെറിഞ്ഞു കൊലപ്പെടുത്തിയെന്നാണ് ആദ്യം പുറത്തുവന്ന വിവരമെങ്കിലും പിന്നീട് വെടിയേറ്റുമരിച്ചു എന്ന് പോസ്റ്റ്‌മോര്‍ട്ടം റിപ്പോര്‍ട്ടില്‍ വ്യക്തമായി.

ഉത്തര്‍പ്രദേശിലെ ബുലന്ദ്‌സറില്‍ പൊലീസ് ഉദ്യോഗസ്ഥന്‍ സുബോദ്കുമാര്‍ കൊലപ്പെട്ട കേസില്‍ നാല് പേര്‍ അറസ്റ്റില്‍. ഒന്നാം പ്രതിയായ യോഗേഷ് രാജ് ബജ്‌റംഗദള്‍ ജില്ലാ നേതാവാണ്. ഇയാള്‍ തന്നെയാണ് പശുക്കളെ കശാപ്പ് ചെയ്യുന്നത് കണ്ടുവെന്ന പരാതിയും പൊലീസിന് നല്‍കിയത്. ഇയാള്‍ക്ക് പുറമേ എഫ്‌ഐആറില്‍ ഉള്‍പ്പെടുത്തിയ 28 പേരും ബിജെപി, വിഎച്ച്പി, ബജ്‌റംഗദള്‍ പ്രവര്‍ത്തകരാണ്.

തിരിച്ചറിയാത്ത 60 പേരെയും എഫ്‌ഐആറില്‍ പ്രതി ചേര്‍ത്തിട്ടുണ്ട്.

തിങ്കളാഴ്ച രാവിലെ ആറ് പേര്‍ പശുവിനെ അറക്കുന്നത് കണ്ടുവെന്നും തങ്ങള്‍ ഓടിയെത്തിയപ്പോഴേക്കും ഇവര്‍ രക്ഷപ്പെട്ടുവെന്നാണ് യോഗേഷ് പരാതിയില്‍ പറയുന്നത്. എന്നാല്‍ കരിമ്പുപാടത്ത് കെട്ടിത്തൂക്കിയ നിലയിലായിരുന്നു പശുക്കളുടെ അവശിഷ്ടങ്ങളെന്ന് സംഭവസ്ഥലത്ത് ആദ്യമെത്തിയ തഹസില്‍ദാര്‍ രാജ്കുമാര്‍ പറഞ്ഞു. രാവിലെ 11 മണിയോടെയാണ് സംഭവമറിഞ്ഞതെന്നും അദ്ദേഹം പറഞ്ഞു.

സംസ്ഥാനത്തെ നിലവിലെ സാഹചര്യമനുസരിച്ച് കശാപ്പുകാരോ നാട്ടുകാരോ ഇങ്ങനെ ചെയ്യില്ലെന്നും ദൂരെ നിന്നുപോലും കാണാവുന്ന സ്ഥലമാണിതെന്നും തഹസില്‍ദാര്‍ പറയുന്നു. തലേദിവസം രാത്രി വരെ ഇങ്ങനെയൊന്നും ശ്രദ്ധയില്‍പ്പെട്ടില്ലെന്ന് സ്ഥലവാസികളും സ്ഥിരീകരിച്ചു.

സംഭവത്തിന് ശേഷം തടിച്ചുകൂടിയ ഹിന്ദു യുവവാഹിനി, ബജ്‌റംഗ്ദള്‍, വിഎച്ച്പി പ്രവര്‍ത്തകര്‍ ഈ അവശിഷ്ടങ്ങള്‍ ട്രാക്റ്ററില്‍ കയറ്റി ബുലന്ദ്‌സറില്‍ ദേശീയപാത ഉപരോധിക്കുകയായിരുന്നു. പ്രതിഷേധക്കാര്‍ തമ്പടിച്ചതിനോട് ചേര്‍ന്ന് മുസ്ലീം പളളിയുണ്ടെന്നതും ദുരൂഹത വര്‍ധിപ്പിക്കുന്നു. പത്ത് ലക്ഷത്തോളം ആളുകള്‍ പങ്കെടുക്കുന്ന 'ഇജ്‌തെമാഅ' നടക്കുന്ന സാഹചര്യത്തിലാണ് പ്രതിഷേധമുണ്ടായത്.

സംഘര്‍ഷം തടുക്കാനായി എത്തിയ സുബോധ്കുമാറിനെ കല്ലെറിഞ്ഞു കൊലപ്പെടുത്തിയെന്നാണ് ആദ്യം പുറത്തുവന്ന വിവരമെങ്കിലും പിന്നീട് വെടിയേറ്റുമരിച്ചു എന്ന് പോസ്റ്റ്‌മോര്‍ട്ടം റിപ്പോര്‍ട്ടില്‍ വ്യക്തമായി. ഇടത് പുരികത്തിന് സമീപം തുളച്ചുകയറിയ വെടിയുണ്ടയില്‍ തലയോട്ടി തകര്‍ന്ന് മരിച്ചുവെന്നാണ് പോസ്റ്റ്‌മോര്‍ട്ടത്തില്‍ പറയുന്നത്. വെടിവെച്ചത് റിട്ടയേര്‍ഡ് ആര്‍മി ഉദ്യോഗസ്ഥനെന്നാണ് റിപ്പോര്‍ട്ട്.

സംഘര്‍ഷമുണ്ടായപ്പോള്‍ സുബോധ് കുമാര്‍ മറ്റ് പൊലീസുകാരില്‍ നിന്ന് എങ്ങനെ ഒറ്റപ്പെട്ടുവെന്ന് അന്വേഷിക്കാന്‍ പ്രത്യേക സംഘത്തെ നിയോഗിച്ചു.

ബീഫ് കൈവശം വെച്ചാന്നാരോപിച്ച് ദാദ്രിയില്‍ സംഘ്പരിവാര്‍ പ്രവര്‍ത്തകര്‍ കൊലപ്പെടുത്തിയ മുഹമ്മദ് അഖ്‌ലാഖിന്റെ കൊലപാതകം ആദ്യം അന്വേഷിച്ചത് ഇദ്ദേഹമായിരുന്നു. അഖ്‌ലാഖിന്റെ വീട്ടില്‍ നിന്ന് കണ്ടെടുത്ത മാംസത്തിന്റെ സാമ്പിളുകള്‍ ലാബില്‍ എത്തിച്ചതും സുബോധ് കുമാറായിരുന്നു. ഇദ്ദേഹത്തിന്റെ അന്വേഷണത്തിലായിരുന്നു വീട്ടിലുണ്ടായിരുന്നത് ആടിന്റെ മാംസമാണെന്ന് കണ്ടെത്തിയത്. അന്വേഷണം പുരോഗമിക്കവെ, സുബോധ് കുമാറിനെ വരാണസിയിലേക്ക് സ്ഥലം മാറ്റുകയായിരുന്നു

FEATURED

 ഒറ്റ ക്ലിക്കില്‍ പൈനാപ്പിള്‍ ബോംബ്, പിന്നാലെ മേക്കിങ് വീഡിയോയും; സോഷ്യല്‍മീഡിയക്ക് ‘ക്ഷ’ പിടിച്ചു തിരുവനന്തപുരം സ്വദേശിയുടെ ചിത്രങ്ങള്‍ 
Special Story

ഒറ്റ ക്ലിക്കില്‍ പൈനാപ്പിള്‍ ബോംബ്, പിന്നാലെ മേക്കിങ് വീഡിയോയും; സോഷ്യല്‍മീഡിയക്ക് ‘ക്ഷ’ പിടിച്ചു തിരുവനന്തപുരം സ്വദേശിയുടെ ചിത്രങ്ങള്‍ 

26 Jan, 2019
പൗരാവകാശങ്ങള്‍ക്ക് വിലങ്ങിടുന്ന ഭരണാധികാരികള്‍; മോഡിയും റിപ്പബ്ലിക് ദിന മുഖ്യാതിഥി സിറില്‍ രാമഫോസയും തമ്മിലുളള സാമ്യങ്ങള്‍ 
Special Story

പൗരാവകാശങ്ങള്‍ക്ക് വിലങ്ങിടുന്ന ഭരണാധികാരികള്‍; മോഡിയും റിപ്പബ്ലിക് ദിന മുഖ്യാതിഥി സിറില്‍ രാമഫോസയും തമ്മിലുളള സാമ്യങ്ങള്‍ 

26 Jan, 2019
മറന്ന് കളയരുത് ഇവരെ; ഭരണഘടനാ നിർമ്മാണത്തിൽ പങ്കാളികളായ 15 സ്ത്രീകൾ
Special Story

മറന്ന് കളയരുത് ഇവരെ; ഭരണഘടനാ നിർമ്മാണത്തിൽ പങ്കാളികളായ 15 സ്ത്രീകൾ

26 Jan, 2019
സാമ്പത്തിക വളര്‍ച്ച മുതല്‍  ശബരിമല വരെ; പ്രധാനമന്ത്രി മോഡി കൊല്ലത്ത് പറഞ്ഞ വസ്തുതയ്ക്ക് നിരക്കാത്ത അഞ്ച്‌  കാര്യങ്ങള്‍ 
Politics

സാമ്പത്തിക വളര്‍ച്ച മുതല്‍ ശബരിമല വരെ; പ്രധാനമന്ത്രി മോഡി കൊല്ലത്ത് പറഞ്ഞ വസ്തുതയ്ക്ക് നിരക്കാത്ത അഞ്ച്‌ കാര്യങ്ങള്‍ 

15 Jan, 2019
2018ലെ പണംവാരിപ്പടങ്ങള്‍; ബോക്‌സ് ഓഫീസ് ടോപ് 10ല്‍ ഇവര്‍  
FILM NEWS

2018ലെ പണംവാരിപ്പടങ്ങള്‍; ബോക്‌സ് ഓഫീസ് ടോപ് 10ല്‍ ഇവര്‍  

31 Dec, 2018
ഫേസ്ബുക്കിനെയും സക്കര്‍ബര്‍ഗിനെയും വിടാതെ കഷ്ടകാലം! കുഴപ്പിച്ച വിവാദങ്ങളും സുരക്ഷാ വീഴ്ചകളും 
Special Story

ഫേസ്ബുക്കിനെയും സക്കര്‍ബര്‍ഗിനെയും വിടാതെ കഷ്ടകാലം! കുഴപ്പിച്ച വിവാദങ്ങളും സുരക്ഷാ വീഴ്ചകളും 

31 Dec, 2018