Politics

ഗണപതി സ്ഥാനമൊഴിഞ്ഞു; സിപിഐ മാവോയിസ്റ്റിന് ഇനി പുതിയ ജനറല്‍ സെക്രട്ടറി   

ഗണപതി സ്ഥാനമൊഴിഞ്ഞു, ബസവരാജ് എന്ന് അറിയപ്പെടുന്ന നമ്പല്ല കേശവ റാവു പുതിയ ജനറല്‍ സെക്രട്ടറി
ഗണപതി സ്ഥാനമൊഴിഞ്ഞു, ബസവരാജ് എന്ന് അറിയപ്പെടുന്ന നമ്പല്ല കേശവ റാവു പുതിയ ജനറല്‍ സെക്രട്ടറി

ഇന്ത്യയിലെ കമ്യൂണിസ്റ്റ് വിപ്ലവപ്രസ്ഥാനമായ സിപിഐ മാവോയിസ്റ്റിന്റെ ജനറല്‍ സെക്രട്ടറി സ്ഥാനം ഗണപതി ഒഴിഞ്ഞു. പുതിയ തലമുറയ്ക്ക് നേതൃത്വം കൈമാറുകയെന്ന ഉദ്ദേശ്യത്തോടെയാണ് 71 കാരനായ ഗണപതി എന്ന മുപ്പല ലക്ഷ്മണ റാവു സ്ഥാനമൊഴിയുന്നത്. ബസവരാജ് എന്ന് അറിയപ്പെടുന്ന നമ്പല്ല കേശവ റാവു ആണ് പുതിയ ജനറല്‍ സെക്രട്ടറി. ഗണപതിയെ പോലെ 63 കാരനായ ബസവരാജും തെലഗുഭാഷാ മേഖലയില്‍നിന്നുള്ള നേതാവാണ്. തെലങ്കാനയിലെ ബീര്‍പൂര്‍ ആണ് ഗണപതിയുടെ നാട്. ബസവരാജ് ആന്ധ്രപ്രദേശിലെ ശ്രീകാകുളും ജില്ലയിലും.

പാര്‍ട്ടിയില്‍ നേതൃമാറ്റം ഉണ്ടാകുമെന്ന സൂചന കഴിഞ്ഞ വര്‍ഷം ഫെബ്രുവരിയില്‍ നടന്ന കേന്ദ്രകമ്മിറ്റി യോഗത്തില്‍ തന്നെയുണ്ടായിരുന്നു. മുതിര്‍ന്ന നേതാക്കള്‍ യുവത്വത്തിന് വഴിമാറാന്‍ സ്വയം സന്നദ്ധരാകണമെന്ന് കേന്ദ്രകമ്മിറ്റി യോഗം നിര്‍ദേശിച്ചിരുന്നു. സ്ഥാനമൊഴിയുന്ന മുതിര്‍ന്ന നേതാക്കള്‍ക്ക് സുരക്ഷയൊരുക്കുന്നതിന് പ്രത്യേക വിഭാഗത്തെ നിയോഗിക്കും. ഇവര്‍ക്ക് വനത്തിനുള്ളില്‍ മതിയായ സുരക്ഷ ഒരുക്കുക ബുദ്ധിമുട്ടാണെങ്കില്‍ നഗരപ്രദേശങ്ങളിലെ സുരക്ഷിത താവളങ്ങളിലേക്ക് താമസം മാറ്റാനും തീരുമാനിച്ചിട്ടുണ്ട്. ഛത്തീസ്ഗഡില്‍ അടുത്തിടെ കീഴടങ്ങിയ മുതിര്‍ന്ന നക്‌സലൈറ്റ് നേതാവ് നേതൃമാറ്റം സംബന്ധിച്ച വിവരങ്ങള്‍ പൊലീസിന് നല്‍കിയിരുന്നു.

സ്‌ഫോടക വസ്തുക്കള്‍ കൈകാര്യം ചെയ്യുന്നതിലും ഗറില്ലാ യുദ്ധമുറിയിലും വിദഗ്ധനാണ് പുതിയ ജനറല്‍ സെക്രട്ടറി നമ്പല്ല കേശവ റാവു. 28 വര്‍ഷമായി ഒളിവില്‍പ്രവര്‍ത്തിക്കുന്ന നേതാവാണ്. വാറങ്കല്‍ റീജിയണല്‍ എഞ്ചിനീയറിങ് കോളെജില്‍നിന്ന് ബിരുദം നേടിയ ശേഷമാണ് നക്‌സൈലൈറ്റ് പ്രസ്ഥാനവുമായി ബന്ധപ്പെട്ട് പ്രവര്‍ത്തിക്കാന് തുടങ്ങിയത്. സിപിഐഎംഎല്‍ പീപ്പിള്‍സ് വാര്‍ ഗ്രൂപ്പിന്റെ വിദ്യാര്‍ത്ഥി വിഭാഗമായ റാഡിക്കല്‍ സ്റ്റുഡന്റ് യൂണിയനില്‍ (ആര്‍എസ യു) വില്‍ പ്രവര്‍ത്തിക്കുന്ന കാലത്ത് ആര്‍എസ്എസുമായി ബന്ധപ്പെട്ടുണ്ടായ സംഘര്‍ഷത്തില്‍ 1980 ജനുവരി ഒന്നിന് കേശവ റാവുവിനെ പൊലീസ് അറസ്റ്റ് ചെയ്തിരുന്നു. പിന്നീട് ഒരിക്കലും പൊലീസിന് കേശവ റാവുവിനെ പിടികൂടാനായിട്ടില്ല.

സിപിഐ മാവോയിസ്റ്റ് നേതൃത്വത്തിലെ ഈ മാറ്റം സംഘടനയുടെ പ്രവര്‍ത്തന രീതിയില്‍ എന്ത് മാറ്റമാണ് ഉണ്ടാക്കുകയെന്ന് നിരീക്ഷിക്കുകയാണ് പൊലീസ്.

FEATURED

പ്രളയത്തിന് മുമ്പും ശേഷവും; അതീജീവന പോരാട്ടത്തിലൂടെ കരകയറുന്ന കുറങ്കോട്ട ദ്വീപ്
FEATURED STORIES

പ്രളയത്തിന് മുമ്പും ശേഷവും; അതീജീവന പോരാട്ടത്തിലൂടെ കരകയറുന്ന കുറങ്കോട്ട ദ്വീപ്

16 Nov, 2018
ശബരിമല സ്ത്രീപ്രവേശനം; സുപ്രീം കോടതി വിധി, സംക്ഷിപ്ത രൂപം 
Special Story

ശബരിമല സ്ത്രീപ്രവേശനം; സുപ്രീം കോടതി വിധി, സംക്ഷിപ്ത രൂപം 

10 Nov, 2018
ഹരണ്‍ പാണ്ഡ്യെയെ കൊലപ്പെടുത്തിയതാര്? മോഡിക്കും അമിത് ഷായ്ക്കും തലവേദന സൃഷ്ടിച്ച് കേസ് വീണ്ടും സജീവമാകുമ്പോള്‍  
Special Story

ഹരണ്‍ പാണ്ഡ്യെയെ കൊലപ്പെടുത്തിയതാര്? മോഡിക്കും അമിത് ഷായ്ക്കും തലവേദന സൃഷ്ടിച്ച് കേസ് വീണ്ടും സജീവമാകുമ്പോള്‍  

8 Nov, 2018
‘സജീവ രാഷ്ട്രീയത്തില്‍ ഇടപെടില്ല’ പ്രതിമ അനാച്ഛാദനം ചെയ്യുമ്പോള്‍ സര്‍ദാര്‍ പട്ടേലിന് നല്‍കിയ ഉറപ്പുകള്‍ മറന്നുപോയ ആര്‍ എസ് എസ്സും മോഡിയും   
Special Story

‘സജീവ രാഷ്ട്രീയത്തില്‍ ഇടപെടില്ല’ പ്രതിമ അനാച്ഛാദനം ചെയ്യുമ്പോള്‍ സര്‍ദാര്‍ പട്ടേലിന് നല്‍കിയ ഉറപ്പുകള്‍ മറന്നുപോയ ആര്‍ എസ് എസ്സും മോഡിയും   

31 Oct, 2018
നാഗേശ്വര റാവു:  ആര്‍എസ്എസിന്റെ ഇഷ്ടക്കാരന്‍;  വര്‍ഗീയ പ്രസംഗത്തിന് നടപടി നേരിട്ടയാള്‍;  സിബിഐയുടെ താല്‍കാലിക ഡയറക്ടറെ കുറിച്ച് അറിയേണ്ടതെല്ലാം 
Special Story

നാഗേശ്വര റാവു: ആര്‍എസ്എസിന്റെ ഇഷ്ടക്കാരന്‍; വര്‍ഗീയ പ്രസംഗത്തിന് നടപടി നേരിട്ടയാള്‍; സിബിഐയുടെ താല്‍കാലിക ഡയറക്ടറെ കുറിച്ച് അറിയേണ്ടതെല്ലാം 

28 Oct, 2018
 നെഹ്‌റുവിന്റെ ആരാധകന്‍, രാജീവിന്റെ ആശ്രിതന്‍, മോഡിയുടെ വിനീതന്‍ മീ ടുവില്‍ ഒതുങ്ങിയ അക്ബറിന്റെ പല പല ജീവിതങ്ങള്‍
Special Story

നെഹ്‌റുവിന്റെ ആരാധകന്‍, രാജീവിന്റെ ആശ്രിതന്‍, മോഡിയുടെ വിനീതന്‍ മീ ടുവില്‍ ഒതുങ്ങിയ അക്ബറിന്റെ പല പല ജീവിതങ്ങള്‍

14 Oct, 2018