Politics

ബിജെപിക്കെതിരെ കിങ് മേക്കറുടെ നീക്കങ്ങള്‍ തകൃതി; ദേവെ ഗൗഡയുമായി ചന്ദ്രബാബു നായിഡുവിന്റെ കൂടിക്കാഴ്ച; വിശാലസഖ്യത്തിന് സാധ്യതയേറുന്നു 

അടുത്ത ലോക്‌സഭാ തെരഞ്ഞെടുപ്പില്‍ നരേന്ദ്രമോഡിയുടെ നേതൃത്വത്തിലുള്ള എന്‍ഡിഎയ്‌ക്കെതിരെ വിശാല സഖ്യം രൂപീകരിക്കാനുള്ള നീക്കങ്ങള്‍ ഊര്‍ജിതമായി. ആന്ധ്രപ്രദേശ് മുഖ്യമന്ത്രി ചന്ദ്രബാബു നായിഡു ബംഗളൂരുവിലെത്തി ജെഡിഎസ് ദേശീയ അധ്യക്ഷന്‍ എച്ച് ഡി ദേവെ ഗൗഡയുമായി കൂടിക്കാഴ്ച നടത്തി. 2019ലെ തെരഞ്ഞെടുപ്പില്‍ വിശാല ഐക്യം രൂപീകരിക്കുന്നതിന്റെ ഭാഗമായിരുന്നു ചര്‍ച്ച. കൂടിക്കാഴ്ചയില്‍ ദേവെഗൗഡയ്‌ക്കൊപ്പം കര്‍ണാടക മുഖ്യമന്ത്രി എച്ച് ഡി കുമാരസ്വാമിയും പങ്കെടുത്തു.

എന്‍ഡിഎ സംഖ്യ ഏതാനും നാളുകള്‍ക്ക് മുമ്പ് ഉപേക്ഷിച്ച ശേഷം തനിച്ച് നിന്ന ചന്ദ്രബാബു നായിഡു അടുത്തിടെ കോണ്‍ഗ്രസ് അധ്യക്ഷന്‍ രാഹുല്‍ഗാന്ധിയെ സന്ദര്‍ശിച്ച് രാഷ്ട്രീയ എതിരാളികളെ അമ്പരപ്പിച്ചിരുന്നു. ആന്ധ്രയിലെ തെലുഗുദേശം-കോണ്‍ഗ്രസ് ധാരണയ്ക്കപ്പുറം ദേശീയ തലത്തില്‍ വിശാല മതേതര ഐക്യത്തിനുള്ള നീക്കങ്ങള്‍ ഇതോടെ ശക്തമാവുകയും ചെയ്തു. നേരത്തെ ബംഗാള്‍ മുഖ്യമന്ത്രി മമതാ ബാനര്‍ജിയെ കേന്ദ്രീകരിച്ച് ഇത്തരം നീക്കങ്ങള്‍ നടന്നിരുന്നെങ്കിലും ഫലപ്രദമായിരുന്നില്ല. ചന്ദ്രബാബു നായിഡു വന്നതോടെ ഇത് കുറേക്കൂടി ചടുലമായിട്ടുണ്ട്.

കര്‍ണാടകത്തില്‍ കഴിഞ്ഞ ദിവസം നടന്ന ഉപതെരഞ്ഞെടുപ്പില്‍ കോണ്‍ഗ്രസ്-ജെഡിഎസ് സംഖ്യം ബിജെപിയെ നിഷ്പ്രഭമാക്കിയത് പ്രതിപക്ഷ ഐക്യനിരയെന്ന ആശയത്തിന് ശക്തിപര്‍കന്നിട്ടുണ്ട്. തെരഞ്ഞെടുപ്പിലെ ജയം എന്നതിലുപരി ബിജെപിയുടെ വോട്ട് ബാങ്കില്‍ അതിശക്തമായ വിള്ളല്‍ വീഴ്ത്താന്‍ കര്‍ണാടകത്തിലെ മതേതര ശക്തിക്കായിട്ടുണ്ട്. ഈ മാതൃകയില്‍ മറ്റ് സംസ്ഥാനങ്ങളിലും ഐക്യം സാധ്യമാക്കുകയാണ് പ്രതിപക്ഷ പാര്‍ട്ടികളുടെ ലക്ഷ്യം. ഓരോ സംസ്ഥാനത്തെയും രാഷ്ട്രീയ സാഹചര്യം പരിശോധിച്ച് പ്രതിപക്ഷ പാര്‍ട്ടികളിലെ ഭിന്നിപ്പ് ലഘൂകരിക്കാനും ശ്രമം നടക്കുന്നുണ്ട്. നേരത്തെ കോണ്‍ഗ്രസുനും ബിജെപിക്കും എതിരായി ദേശീയ തലത്തില്‍ രൂപംകൊണ്ട് ഐക്യമുന്നണിയുടെ കണ്‍വീനറായിരുന്നു ചന്ദ്രബാബു നായിഡു. രാഷ്ട്രീയ നീക്കുപോക്കുകളില്‍ ചന്ദ്രബാബു നായിഡുവിന്റെ ചുവടുകള്‍ എല്ലാഘട്ടത്തിലും നിര്‍ണായകമാകാറുണ്ട്.

FEATURED

സാമ്പത്തിക വളര്‍ച്ച മുതല്‍  ശബരിമല വരെ; പ്രധാനമന്ത്രി മോഡി കൊല്ലത്ത് പറഞ്ഞ വസ്തുതയ്ക്ക് നിരക്കാത്ത അഞ്ച്‌  കാര്യങ്ങള്‍ 
Politics

സാമ്പത്തിക വളര്‍ച്ച മുതല്‍ ശബരിമല വരെ; പ്രധാനമന്ത്രി മോഡി കൊല്ലത്ത് പറഞ്ഞ വസ്തുതയ്ക്ക് നിരക്കാത്ത അഞ്ച്‌ കാര്യങ്ങള്‍ 

15 Jan, 2019
2018ലെ പണംവാരിപ്പടങ്ങള്‍; ബോക്‌സ് ഓഫീസ് ടോപ് 10ല്‍ ഇവര്‍  
FILM NEWS

2018ലെ പണംവാരിപ്പടങ്ങള്‍; ബോക്‌സ് ഓഫീസ് ടോപ് 10ല്‍ ഇവര്‍  

31 Dec, 2018
ഫേസ്ബുക്കിനെയും സക്കര്‍ബര്‍ഗിനെയും വിടാതെ കഷ്ടകാലം! കുഴപ്പിച്ച വിവാദങ്ങളും സുരക്ഷാ വീഴ്ചകളും 
Special Story

ഫേസ്ബുക്കിനെയും സക്കര്‍ബര്‍ഗിനെയും വിടാതെ കഷ്ടകാലം! കുഴപ്പിച്ച വിവാദങ്ങളും സുരക്ഷാ വീഴ്ചകളും 

31 Dec, 2018
ഇന്ത്യന്‍ രാഷ്ട്രീയത്തെ പിടിച്ചുകുലുക്കിയ ആറ് സമരങ്ങള്‍
Special Story

ഇന്ത്യന്‍ രാഷ്ട്രീയത്തെ പിടിച്ചുകുലുക്കിയ ആറ് സമരങ്ങള്‍

31 Dec, 2018
പൊളിഞ്ഞടുങ്ങിയ പത്ത് വ്യാജവാര്‍ത്തകള്‍
Special Story

പൊളിഞ്ഞടുങ്ങിയ പത്ത് വ്യാജവാര്‍ത്തകള്‍

31 Dec, 2018
2018 ൽ  ചരിത്രത്തിലേക്ക് നടന്നു കയറിയ അഞ്ച് മലയാളി സ്ത്രീകൾ 
Special Story

2018 ൽ ചരിത്രത്തിലേക്ക് നടന്നു കയറിയ അഞ്ച് മലയാളി സ്ത്രീകൾ 

30 Dec, 2018