Politics

ജമ്മു കശ്മീര്‍ നിയമസഭ ഗവര്‍ണര്‍ പിരിച്ചുവിട്ടു; നടപടി പിഡിപി, നാഷണല്‍ കോണ്‍ഫറന്‍സ്, കോണ്‍ഗ്രസ് മഹാസഖ്യം സാധ്യമായതിന് പിന്നാലെ 

ജമ്മു കശ്മീരിലെ രാഷ്ട്രീയ അനിശ്ചിതത്വത്തിന് അറുതി വരുത്തി സര്‍ക്കാര്‍ രൂപീകരിക്കാന്‍ പിഡിപിയും നാഷണല്‍ കോണ്‍ഫറന്‍സും കോണ്‍ഗ്രസും ധാരണയായതിന് തൊട്ടുപിന്നാലെ ഗര്‍വര്‍ണര്‍ സത്യപാല്‍ മാലിക് സംസ്ഥാന നിയമസഭ പിരിച്ചുവിട്ടു. പിഡിപി നേതാക്കള്‍ സര്‍ക്കാര്‍ രൂപീകരണത്തിനുള്ള അവകാശവാദമുന്നയിച്ച് ഗവര്‍ണറെ കണ്ട് ഏതാനും മണിക്കൂറുകള്‍ മാത്രം പിന്നിട്ടപ്പോഴാണ് ഗവര്‍ണറുടെ അസാധാരണ നടപടി.

സര്‍ക്കാര്‍ രൂപീകരിക്കാന്‍ ഒരുസാധ്യതയും ഇല്ലാത്ത ഘട്ടത്തിലാണ് നിയമസഭ പിരിച്ചുവിടുന്ന നടപടിയിലേക്ക് ഗവര്‍ണര്‍മാര്‍ സാധാരണ കടക്കാറ്. കശ്മീരില്‍ സര്‍ക്കാര്‍ രൂപീകരണ സാധ്യത തുറന്നപ്പോള്‍ നിയമസഭ പിരിച്ചുവിട്ടതിലൂടെ ബിജെപിയുടെ രാഷ്ട്രീയ നീക്കങ്ങളില്‍ പ്രത്യക്ഷത്തില്‍ കക്ഷിചേരുകയാണ് ഗവര്‍ണര്‍ സത്യപാല്‍ മാലിക് ചെയ്തത്. പിഡിപി, നാഷണല്‍ കോണ്‍ഫറന്‍സ്, കോണ്‍ഗ്രസ് എന്നിവ ചേര്‍ന്ന് വിശാല സഖ്യം രൂപീകരിച്ച് സര്‍ക്കാരുണ്ടാക്കാനാണ് സാധ്യത ഉരുത്തിരഞ്ഞിരുന്നത്. പിഡിപി നേതാവ് മെഹബൂബ മുഫ്തി ഗവര്‍ണറെ കണ്ടതിന് പിന്നാലെ പീപ്പിള്‍സ് കോണ്‍ഫറന്‍സ് നേതാവ് സജാദ് ലോണും ബിജെപി പിന്തുണയോടെ സര്‍ക്കാര്‍ രൂപീകരണത്തിന് അവകാശവാദമുന്നയിച്ചു. ഇത് ചൂണ്ടിക്കാട്ടിയാണ് സ്ഥിരതയുള്ള സര്‍ക്കാര്‍ ഉണ്ടാക്കാന്‍ കഴിയില്ലെന്ന് കാണിച്ച് ഗവര്‍ണര്‍ നിയമസഭ പിരിച്ചുവിടാന്‍ തീരുമാനിച്ചത്.

പിഡിപിക്ക് 29ഉം നാഷണല്‍ കോണ്‍ഫറന്‍സിന് 15ഉം കോണ്‍ഗ്രസിന് 12 ഉം എംഎല്‍എമാരാണ് ഉള്ളത്. 87 അംഗം നിയമസഭയില്‍ 56 പേരുടെ പിന്തുണയോടെ ഈ സഖ്യത്തിന് സര്‍ക്കാര്‍ രൂപീകരണത്തിനുള്ള വ്യക്തമായ ഭൂരിപക്ഷം ഇതോടെയാകും. രണ്ട് എംഎമാര്‍ മാത്രമുള്ള ലോണ്‍ 25 അംഗങ്ങളുള്ള ബിജെപിയുടെ പിന്തുണയോടെ സര്‍ക്കാര്‍ രൂപീകരിക്കാനാകുമെന്നാണ് അവകാശപ്പെട്ടത്. കേവല ഭൂരിപക്ഷത്തിന് അടുത്തെങ്ങുമെത്തുന്നതല്ല ഈ സഖ്യ.

കശ്മീരിലെ ആറുമാസം നീണ്ട ഗവര്‍ണര്‍ ഭരണം ഡിസംബര്‍ 19ന് അവസാനിക്കാനിരിക്കേയാണ് ചിരവൈരികളായ പിഡിപിയും നാഷണല്‍ കോണ്‍ഫറന്‍സും കോണ്‍ഗ്രസും ചേര്‍ന്ന് സര്‍ക്കാര്‍ രൂപിക്കാന്‍ തീരുമാനിച്ചത്. പിഡിപിയുടേയും കോണ്‍ഗ്രസിന്റെയും നാഷണല്‍ കോണ്‍ഫറന്‍സിന്റെയും നേതാക്കള്‍ ഒരുമിച്ച് ഗവര്‍ണറെ കാണാനും തീരുമാനിച്ചിരുന്നു.

പിഡിപിയുടെ മുതിര്‍ന്ന നേതാവ് അല്‍ത്താഫ് ബുഖാരിയായിരുന്നു മുഖ്യമന്ത്രിയായി സഖ്യം പരിഗണിച്ചത്.. അല്‍ത്താഫ് ബുഖാരി ഒമര്‍ അബ്ദുള്ളയെ ഇന്നലെ സന്ദര്‍ശിച്ചിരുന്നു.

സജാദ് ലോണിന്റെ പീപ്പിള്‍ കോണ്‍ഫറന്‍സിന് മുഖ്യമന്ത്രി സ്ഥാനം നല്‍കി ബിജെപി സര്‍ക്കാര്‍ രൂപീകരിക്കാനുള്ള വാദം ഉന്നയിച്ചത് മഹാസഖ്യ നീക്കത്തെ തര്‍ക്കാനായിരുന്നു. ഭൂരിപക്ഷമില്ലാത്ത മറ്റൊരു കക്ഷികൂടി ഉന്നയിച്ച് അവകാശവാദത്തിന്റെ സാധുത നിയമസഭ വിളിച്ച് ചേര്‍ത്ത് പരിശോധിക്കുന്നതിന് പകരമാണ് ഗവര്‍ണര്‍ പിരിച്ചുവിട്ട് രാഷ്ട്രീയ നീക്കം നടത്തിയത്.

FEATURED

 ഒറ്റ ക്ലിക്കില്‍ പൈനാപ്പിള്‍ ബോംബ്, പിന്നാലെ മേക്കിങ് വീഡിയോയും; സോഷ്യല്‍മീഡിയക്ക് ‘ക്ഷ’ പിടിച്ചു തിരുവനന്തപുരം സ്വദേശിയുടെ ചിത്രങ്ങള്‍ 
Special Story

ഒറ്റ ക്ലിക്കില്‍ പൈനാപ്പിള്‍ ബോംബ്, പിന്നാലെ മേക്കിങ് വീഡിയോയും; സോഷ്യല്‍മീഡിയക്ക് ‘ക്ഷ’ പിടിച്ചു തിരുവനന്തപുരം സ്വദേശിയുടെ ചിത്രങ്ങള്‍ 

26 Jan, 2019
പൗരാവകാശങ്ങള്‍ക്ക് വിലങ്ങിടുന്ന ഭരണാധികാരികള്‍; മോഡിയും റിപ്പബ്ലിക് ദിന മുഖ്യാതിഥി സിറില്‍ രാമഫോസയും തമ്മിലുളള സാമ്യങ്ങള്‍ 
Special Story

പൗരാവകാശങ്ങള്‍ക്ക് വിലങ്ങിടുന്ന ഭരണാധികാരികള്‍; മോഡിയും റിപ്പബ്ലിക് ദിന മുഖ്യാതിഥി സിറില്‍ രാമഫോസയും തമ്മിലുളള സാമ്യങ്ങള്‍ 

26 Jan, 2019
മറന്ന് കളയരുത് ഇവരെ; ഭരണഘടനാ നിർമ്മാണത്തിൽ പങ്കാളികളായ 15 സ്ത്രീകൾ
Special Story

മറന്ന് കളയരുത് ഇവരെ; ഭരണഘടനാ നിർമ്മാണത്തിൽ പങ്കാളികളായ 15 സ്ത്രീകൾ

26 Jan, 2019
സാമ്പത്തിക വളര്‍ച്ച മുതല്‍  ശബരിമല വരെ; പ്രധാനമന്ത്രി മോഡി കൊല്ലത്ത് പറഞ്ഞ വസ്തുതയ്ക്ക് നിരക്കാത്ത അഞ്ച്‌  കാര്യങ്ങള്‍ 
Politics

സാമ്പത്തിക വളര്‍ച്ച മുതല്‍ ശബരിമല വരെ; പ്രധാനമന്ത്രി മോഡി കൊല്ലത്ത് പറഞ്ഞ വസ്തുതയ്ക്ക് നിരക്കാത്ത അഞ്ച്‌ കാര്യങ്ങള്‍ 

15 Jan, 2019
2018ലെ പണംവാരിപ്പടങ്ങള്‍; ബോക്‌സ് ഓഫീസ് ടോപ് 10ല്‍ ഇവര്‍  
FILM NEWS

2018ലെ പണംവാരിപ്പടങ്ങള്‍; ബോക്‌സ് ഓഫീസ് ടോപ് 10ല്‍ ഇവര്‍  

31 Dec, 2018
ഫേസ്ബുക്കിനെയും സക്കര്‍ബര്‍ഗിനെയും വിടാതെ കഷ്ടകാലം! കുഴപ്പിച്ച വിവാദങ്ങളും സുരക്ഷാ വീഴ്ചകളും 
Special Story

ഫേസ്ബുക്കിനെയും സക്കര്‍ബര്‍ഗിനെയും വിടാതെ കഷ്ടകാലം! കുഴപ്പിച്ച വിവാദങ്ങളും സുരക്ഷാ വീഴ്ചകളും 

31 Dec, 2018