Politics

ടോങ്ക് മണ്ഡലത്തെ ഇളക്കി മറിച്ച് സച്ചിന്‍ പൈലറ്റ്; രാജസ്ഥാന്റെ ചരിത്രത്തിലെ ഏറ്റവും മികച്ച ഭൂരിപക്ഷം നേടുമെന്ന് പ്രഖ്യാപനം  

പ്രചരണം അവസാനിക്കുന്ന ദിനം രാജസ്ഥാന്‍ കോണ്‍ഗ്രസ് അദ്ധ്യക്ഷന്‍ സച്ചിന്‍ പൈലറ്റ് തന്റെ മണ്ഡലമായിരുന്ന ടോങ്കിലായിരുന്നു. ഇന്നലെ പ്രചരണം അവസാനിക്കുന്നതിന് മുന്‍പ് 13 പ്രാദേശിക യോഗങ്ങളിലാണ് സച്ചിന്‍ പൈലറ്റ് സംസാരിച്ചത്. മണ്ഡലത്തിലെ ഗ്രാമപ്രദേശങ്ങളിലും നഗരപ്രദേശങ്ങളിലും ഒരു റൗണ്ട് പ്രചരണം പൂര്‍ത്തിയാക്കിയെന്ന് സച്ചിന്‍ പൈലറ്റ് പറഞ്ഞു.

ഇന്ന്, ഞാന്‍ ആവശ്യപ്പെട്ടത് ഭൂരിപക്ഷം വര്‍ധിപ്പിക്കാനാണ്. ടോങ്കിലെ ജനങ്ങളില്‍ നിന്ന് ലഭിക്കുന്ന പ്രതികരണത്തിന്റെയും സ്‌നേഹത്തിന്റെയും അടിസ്ഥാനത്തില്‍ ഞങ്ങള്‍ ഇപ്പോഴെ ജയിച്ചു കഴിഞ്ഞിരിക്കുന്നു. 
സച്ചിന്‍ പൈലറ്റ്. 

ഇന്നലെ രാവിലെ 10.30നാണ് സച്ചിന്‍ പൈലറ്റ് ആദ്യ യോഗം ആരംഭിച്ചത്. അന്നപൂര്‍ണ്ണ ഗണേശ ക്ഷേത്രത്തിനടുത്തായിരുന്നു പൊതുയോഗ വേദി. അഞ്ഞൂറോളം പേര്‍ യോഗത്തിനെത്തിയിരുന്നു. ഇതില്‍ ഭൂരിഭാഗവും സ്ത്രീകളാണ്. എല്ലാ പൊതുയോഗങ്ങളിലും നല്ല ജനപങ്കാളിത്തമുണ്ട്.

ഇന്നലെ, മുഖ്യമന്ത്രി ഇവിടെ വരികയും റോഡ് ഷോ നടത്തുകയും ചെയ്തു. 30 സെക്കന്‍ഡുകള്‍ മാത്രമാണ് സംസാരിച്ചത്. അവര്‍ക്കറിയാം ഒന്നും സംസാരിക്കാനില്ലെന്നും കോണ്‍ഗ്രസ് ഇവിടെ മികച്ച ഭൂരിപക്ഷത്തോടെ വിജയിക്കാന്‍ പോവുകയാണെന്നും അറിയാം, അത് കൊണ്ട് എനിക്ക് പറയാനുള്ളത് നവംബര്‍ 7ന് വോട്ട് ചെയ്യാന്‍ പോവുകയും രാജസ്ഥാന്റെ ചരിത്രത്തിലെ ഏറ്റവും മികച്ച ഭൂരിപക്ഷത്തിന്റെ കാര്യത്തില്‍ ടോങ്ക് ചരിത്രമെഴുതണമെന്നുമാണെന്ന് യോഗത്തില്‍ സച്ചിന്‍ പൈലറ്റ് പ്രസംഗിച്ചു.

വ്യക്തിപരമായ ബന്ധം ഉണ്ടാക്കാനും അത് നിലനിര്‍ത്താനും കഴിയുന്നു എന്നതാണ് സച്ചിന്‍ പൈലറ്റിന്റെ പ്രത്യേകത. അത് കൊണ്ട് തന്നെ യോഗങ്ങളില്‍ പലരെയും പേരെടുത്താണ് സച്ചിന്‍ പൈലറ്റ് വിളിക്കുന്നത്. സച്ചിന്‍ പൈലറ്റിന്റെ ഈ കഴിവിനെ മറ്റു കക്ഷികളുടെ പ്രവര്‍ത്തകര്‍ പോലും ഇഷ്ടപ്പെടുന്നു.

സച്ചിന്‍ പൈലറ്റ് ഇവിടെ മത്സരിക്കാനെത്തുന്നത് വരെ ടോങ്ക് മണ്ഡലത്തെ ആരും അറിയില്ലായിരുന്നു. അദ്ദേഹം ടോങ്കിനെ പ്രശസ്തമാക്കിയിരിക്കുന്നു. ഞാനൊരു ബിജെപി പ്രവര്‍ത്തകനാണ്. പക്ഷെ ഈ തെരഞ്ഞെടുപ്പില്‍ അടുത്ത മുഖ്യമന്ത്രിയ്ക്ക്, സച്ചിന്‍ പൈലറ്റിന് വോട്ട് ചെയ്യുമെന്ന് ബിജെപി പ്രവര്‍ത്തകനും പലചരക്ക് കടയുടമയുമായ രമേഷ് ചന്ദ്ര ഗുപ്ത പറഞ്ഞു.

പ്രചരണത്തിന്റെ അവസാന ദിവസം സച്ചിന്‍ പൈലറ്റ് മണ്ഡലത്തിലെ അംബേദ്കര്‍ കോളേജ് സന്ദര്‍ശിച്ചു. മികച്ച സ്വീകരണമാണ് ഇവിടെ ലഭിച്ചത്. കൂടുതല്‍ സമയമെടുത്ത് വിദ്യാര്‍ത്ഥികളോട് ഇവിടെ സംസാരിച്ചു. ജാതിയെ കുറിച്ചോ സമുദായത്തെ കുറിച്ചോ ചിന്തിക്കേണ്ടതില്ല. ഈ തെരഞ്ഞെടുപ്പ് നിങ്ങളെ കുറിച്ചും നിങ്ങളുടെ ഭാവിയെ കുറിച്ചുമാണ്.നിങ്ങളുടെ അനുഗ്രഹമുണ്ടെങ്കില്‍ ടോങ്കിനെ ഞാന്‍ മാറ്റിപ്പണിയുമെന്ന് വിദ്യാര്‍ത്ഥികളോട് സച്ചിന്‍ പൈലറ്റ് പറഞ്ഞു.

മുസ്ലിം ഭൂരിപക്ഷ പ്രദേശമായ ടോങ്ക് പൊതുവേ കോണ്‍ഗ്രസിനനുകൂലമായ മണ്ഡലമായാണ് വിലയിരുത്തപ്പെടുന്നത്. രാജസ്ഥാനില്‍ ബിജെപി ആകെ മത്സരിപ്പിക്കുന്ന മുസ്ലിം സ്ഥാനാര്‍ത്ഥി ഈ മണ്ഡലത്തിലാണ് മത്സരിക്കുന്നത്.

FEATURED

 ഒറ്റ ക്ലിക്കില്‍ പൈനാപ്പിള്‍ ബോംബ്, പിന്നാലെ മേക്കിങ് വീഡിയോയും; സോഷ്യല്‍മീഡിയക്ക് ‘ക്ഷ’ പിടിച്ചു തിരുവനന്തപുരം സ്വദേശിയുടെ ചിത്രങ്ങള്‍ 
Special Story

ഒറ്റ ക്ലിക്കില്‍ പൈനാപ്പിള്‍ ബോംബ്, പിന്നാലെ മേക്കിങ് വീഡിയോയും; സോഷ്യല്‍മീഡിയക്ക് ‘ക്ഷ’ പിടിച്ചു തിരുവനന്തപുരം സ്വദേശിയുടെ ചിത്രങ്ങള്‍ 

26 Jan, 2019
പൗരാവകാശങ്ങള്‍ക്ക് വിലങ്ങിടുന്ന ഭരണാധികാരികള്‍; മോഡിയും റിപ്പബ്ലിക് ദിന മുഖ്യാതിഥി സിറില്‍ രാമഫോസയും തമ്മിലുളള സാമ്യങ്ങള്‍ 
Special Story

പൗരാവകാശങ്ങള്‍ക്ക് വിലങ്ങിടുന്ന ഭരണാധികാരികള്‍; മോഡിയും റിപ്പബ്ലിക് ദിന മുഖ്യാതിഥി സിറില്‍ രാമഫോസയും തമ്മിലുളള സാമ്യങ്ങള്‍ 

26 Jan, 2019
മറന്ന് കളയരുത് ഇവരെ; ഭരണഘടനാ നിർമ്മാണത്തിൽ പങ്കാളികളായ 15 സ്ത്രീകൾ
Special Story

മറന്ന് കളയരുത് ഇവരെ; ഭരണഘടനാ നിർമ്മാണത്തിൽ പങ്കാളികളായ 15 സ്ത്രീകൾ

26 Jan, 2019
സാമ്പത്തിക വളര്‍ച്ച മുതല്‍  ശബരിമല വരെ; പ്രധാനമന്ത്രി മോഡി കൊല്ലത്ത് പറഞ്ഞ വസ്തുതയ്ക്ക് നിരക്കാത്ത അഞ്ച്‌  കാര്യങ്ങള്‍ 
Politics

സാമ്പത്തിക വളര്‍ച്ച മുതല്‍ ശബരിമല വരെ; പ്രധാനമന്ത്രി മോഡി കൊല്ലത്ത് പറഞ്ഞ വസ്തുതയ്ക്ക് നിരക്കാത്ത അഞ്ച്‌ കാര്യങ്ങള്‍ 

15 Jan, 2019
2018ലെ പണംവാരിപ്പടങ്ങള്‍; ബോക്‌സ് ഓഫീസ് ടോപ് 10ല്‍ ഇവര്‍  
FILM NEWS

2018ലെ പണംവാരിപ്പടങ്ങള്‍; ബോക്‌സ് ഓഫീസ് ടോപ് 10ല്‍ ഇവര്‍  

31 Dec, 2018
ഫേസ്ബുക്കിനെയും സക്കര്‍ബര്‍ഗിനെയും വിടാതെ കഷ്ടകാലം! കുഴപ്പിച്ച വിവാദങ്ങളും സുരക്ഷാ വീഴ്ചകളും 
Special Story

ഫേസ്ബുക്കിനെയും സക്കര്‍ബര്‍ഗിനെയും വിടാതെ കഷ്ടകാലം! കുഴപ്പിച്ച വിവാദങ്ങളും സുരക്ഷാ വീഴ്ചകളും 

31 Dec, 2018