Politics

കോണ്‍ഗ്രസ് തിരിച്ചു വരുന്നോ?; എക്‌സിറ്റ് പോളുകളില്‍ പ്രതീക്ഷ കണ്ടെത്തി രാഹുല്‍ ഗാന്ധിയും പാര്‍ട്ടിയും 

അഞ്ച് സംസ്ഥാനങ്ങളിലെ നിയമസഭ തെരഞ്ഞെടുപ്പ് പൂര്‍ത്തിയായപ്പോള്‍ വിവിധ മാധ്യമങ്ങളും ഏജന്‍സികളും ചേര്‍ന്ന് നടത്തിയ എക്‌സിറ്റ് പോളുകളുടെ ഫലം പുറത്ത് വിട്ടപ്പോള്‍ പ്രതീക്ഷയോടെ കോണ്‍ഗ്രസ്. ഹിന്ദി ഹൃദയഭൂമികളായ രാജസ്ഥാനിലും മധ്യപ്രദേശിലും ചത്തീസ്ഗഡിലും കോണ്‍ഗ്രസ് അധികാരത്തിലെത്തിയേക്കാം എന്ന പ്രവചനങ്ങളാണ് കോണ്‍ഗ്രസിന് ആവേശമായിരിക്കുന്നത്. അടുത്ത വര്‍ഷം നടക്കാന്‍ പോകുന്ന ലോക്‌സഭ തെരഞ്ഞെടുപ്പിന് മുമ്പെ നടക്കുന്ന സെമിഫൈനലായാണ് ഈ തെരഞ്ഞെടുപ്പുകള്‍ വിശേഷിപ്പിക്കപ്പെടുന്നത്.

രാജസ്ഥാനില്‍ എല്ലാ സര്‍വ്വേകളും കോണ്‍ഗ്രസിന് അധികാരം ഉറപ്പാണെന്ന് പ്രവചിക്കുന്നു. മധ്യപ്രദേശിലും ചത്തീസ്ഗഡിലും കോണ്‍ഗ്രസ് അധികാരത്തിലെത്തുമെന്ന് ചില സര്‍വ്വേകള്‍ പ്രവചിക്കുമ്പോള്‍ ചിലര്‍ ബിജെപി തന്നെ അധികാരത്തിലെത്തുമെന്ന് പ്രവചിക്കുന്നു. എന്നാല്‍ ബിജെപി അധികാരത്തിലെത്തുമെന്ന് പ്രവചിക്കുന്ന സര്‍വ്വേകള്‍ പോലും ബിജെപിക്ക് നേരിയ ഭൂരിപക്ഷമാണ് പറയുന്നത്. ഇത് മാറി മറിഞ്ഞേക്കാമെന്നാണ് കോണ്‍ഗ്രസ് നേതാക്കള്‍ പ്രതീക്ഷിക്കുന്നത്.

അറുപത്തിയഞ്ച് ലോക്‌സഭ സീറ്റുകളുണ്ട് ഈ മൂന്ന് പ്രധാന സംസ്ഥാനങ്ങളില്‍ നിന്നായി. ഇവിടെ ജയിച്ചു കയറി അധികാരത്തിലെത്തുന്ന പാര്‍ട്ടിയോടൊപ്പം ലോക്‌സഭ തെരഞ്ഞെടുപ്പ് ഫലം നില്‍ക്കുവാന്‍ സാധ്യതയേറെയാണ്. അത് കൊണ്ട് തന്നെ കേന്ദ്രത്തില്‍ അധികാരം നിലനില്‍ത്താന്‍ ശ്രമിക്കുന്ന ബിജെപിക്കും അധികാരത്തിലെത്താന്‍ ശ്രമിച്ചു കൊണ്ടിരിക്കുന്ന കോണ്‍ഗ്രസിനും വളരെയെറെ പ്രധാനമാണ് ഡിസംബര്‍ 11ന് വരാനിരിക്കുന്ന ഫലങ്ങള്‍.

ഈ മൂന്ന് സംസ്ഥാനങ്ങളിലും അധികാരത്തിലെത്താവുന്ന അവസ്ഥയിലേക്ക് കോണ്‍ഗ്രസ് മാറിയതിനെ വലിയ പ്രതീക്ഷയോടെയാണ് മുതിര്‍ന്ന നേതാക്കള്‍ കാണുന്നത്. 2014ന് ശേഷം 22 സംസ്ഥാനങ്ങളിലേക്ക് നടന്ന തെരഞ്ഞെടുപ്പുകളില്‍ രണ്ടെണ്ണത്തില്‍ മാത്രമാണ് കോണ്‍ഗ്രസ് അധികാരത്തില്‍ എത്തിയത്. പഞ്ചാബിലും പുതുശ്ശേരിയിലും. കര്‍ണാടകത്തില്‍ ജനതാദളിനോടൊപ്പം പിന്നീട് സര്‍ക്കാര്‍ രൂപീകരിക്കാനായി. മോഡി പ്രഭാവത്തെ മറികടന്ന് സംസ്ഥാനങ്ങളില്‍ കോണ്‍ഗ്രസ് അധികാരത്തിലെത്തും എന്ന പ്രവചനങ്ങള്‍ രാഹുല്‍ ഗാന്ധിയെന്ന നേതാവിനെ സംഘടനക്കകത്ത് ഉറപ്പിക്കുന്ന ഒന്നുകൂടിയായി മാറും.

തെലങ്കാനയില്‍ മഹാസഖ്യം രൂപീകരിച്ച് തെരഞ്ഞെടുപ്പിനെ നേരിടുന്ന കോണ്‍ഗ്രസിന്റെ നീക്കം ഫലിക്കില്ലെന്നാണ് എക്‌സിറ്റ് പോളുകള്‍ പറയുന്നത്. നിലവില്‍ അധികാരമുള്ള മിസോറാമും കോണ്‍ഗ്രസിന് നഷ്ടപ്പെടുമെന്നാണ് പോളുകള്‍ പറയുന്നത്.

FEATURED

കര്‍താര്‍പൂര്‍ ഇടനാഴി മുതല്‍ കാശ്മീര്‍ വരെ, മോഡിയുടെയും ബിജെപിയുടെയും സമീപകാല മലക്കം മറിച്ചലുകള്‍ 
Special Story

കര്‍താര്‍പൂര്‍ ഇടനാഴി മുതല്‍ കാശ്മീര്‍ വരെ, മോഡിയുടെയും ബിജെപിയുടെയും സമീപകാല മലക്കം മറിച്ചലുകള്‍ 

28 Nov, 2018
പ്രളയത്തിന് മുമ്പും ശേഷവും; അതീജീവന പോരാട്ടത്തിലൂടെ കരകയറുന്ന കുറങ്കോട്ട ദ്വീപ്
FEATURED STORIES

പ്രളയത്തിന് മുമ്പും ശേഷവും; അതീജീവന പോരാട്ടത്തിലൂടെ കരകയറുന്ന കുറങ്കോട്ട ദ്വീപ്

16 Nov, 2018
ഹീബ, ഒന്നര വയസ്സ്:  കശ്മീരിലെ സൈന്യത്തിന്റെ പെല്ലറ്റ് ആക്രമണത്തിലെ പ്രായം കുറഞ്ഞ ഇര; മുറിവ് ഉണങ്ങിയാലും കാഴ്ച നഷ്ടമാകുമെന്ന് ആശങ്ക  
Special Story

ഹീബ, ഒന്നര വയസ്സ്: കശ്മീരിലെ സൈന്യത്തിന്റെ പെല്ലറ്റ് ആക്രമണത്തിലെ പ്രായം കുറഞ്ഞ ഇര; മുറിവ് ഉണങ്ങിയാലും കാഴ്ച നഷ്ടമാകുമെന്ന് ആശങ്ക  

26 Nov, 2018
‘നിങ്ങളുടെ അമ്മയും ആക്രമിക്കപ്പെട്ടിട്ടുണ്ട്’; സ്ത്രീ പീഡനത്തെയും വംശീയ അധിക്ഷേപത്തെയും കുറിച്ച് ബോക്‌സിംങ് ചാമ്പ്യന്‍ മേരി കോം മക്കള്‍ക്ക്‌ എഴുതിയ കത്ത്   
Special Story

‘നിങ്ങളുടെ അമ്മയും ആക്രമിക്കപ്പെട്ടിട്ടുണ്ട്’; സ്ത്രീ പീഡനത്തെയും വംശീയ അധിക്ഷേപത്തെയും കുറിച്ച് ബോക്‌സിംങ് ചാമ്പ്യന്‍ മേരി കോം മക്കള്‍ക്ക്‌ എഴുതിയ കത്ത്   

25 Nov, 2018
നൂറ് പശുക്കളെ നല്‍കി ‘ഡൊണേറ്റ് എ കൗ’; ഹര്‍ഷ തുടക്കമിട്ട ആശയം; പ്രളയം തകര്‍ത്ത വയനാടന്‍ ജീവിതത്തെ വീണ്ടെടുക്കുന്ന കൂട്ടായ്മ   
Special Story

നൂറ് പശുക്കളെ നല്‍കി ‘ഡൊണേറ്റ് എ കൗ’; ഹര്‍ഷ തുടക്കമിട്ട ആശയം; പ്രളയം തകര്‍ത്ത വയനാടന്‍ ജീവിതത്തെ വീണ്ടെടുക്കുന്ന കൂട്ടായ്മ   

23 Nov, 2018
ശബരിമല സ്ത്രീപ്രവേശനം; സുപ്രീം കോടതി വിധി, സംക്ഷിപ്ത രൂപം 
Special Story

ശബരിമല സ്ത്രീപ്രവേശനം; സുപ്രീം കോടതി വിധി, സംക്ഷിപ്ത രൂപം 

10 Nov, 2018