PRODUCT

ജനുവരിയില്‍ നിസാന്‍ കിക്സ് എത്തും; ക്രിക്കറ്റ് വേള്‍ഡ് കപ്പിന്റെ ഔദ്യോഗിക വാഹനമായി 

റെനോ ക്യാപ്ച്ചര്‍, നിസാന്‍ ടെറാനോ തുടങ്ങിയ വാഹനങ്ങള്‍ നിര്‍മിച്ചിരിക്കുന്ന എംഒ പ്ലാറ്റ്‌ഫോമിലായിരിക്കും കിക്‌സിന്റെ നിര്‍മാണം.

ഐസിസി വേള്‍ഡ് കപ്പ് 2019ന്റെ ഔദ്യോഗിക വാഹന പദവി അലങ്കരിക്കുക നിസാന്റെ കോംപാക്ട് എസ്യുവി വാഹനമായ കിക്സ്. വേള്‍ഡ് കപ്പ് മത്സരത്തിന് മുന്നോടിയായി നടക്കുന്ന ഇന്ത്യന്‍ ട്രോഫി പര്യടനത്തില്‍ കിക്സായിരിക്കും ട്രോഫി വഹിക്കുക. നവംബര്‍ 30ന് ആരംഭിക്കുന്ന പര്യടനം ഡിസംബര്‍ 26 വരെ നീണ്ടു നില്‍ക്കും. ഇംഗ്ലണ്ടിലും വെയില്‍സിലുമായി 2019 മെയ് 30 മുതല്‍ ജൂലൈ 14 വരെയാണ് ഐസിസി. ക്രിക്കറ്റ് ലോകകപ്പ് നടക്കുക.

ഒരു കായിക മല്‍സരം എന്നതിലേറെ പ്രാധാന്യമാണ് ക്രിക്കറ്റിന് ഇന്ത്യയിലുള്ളതെന്നും രാജ്യം മുഴുവന്‍ ഒന്നിക്കുന്ന ഈ മല്‍സരത്തിന്റെ മുഖ്യ പങ്കാളിയാകുന്നതില്‍ ഏറെ സന്തോഷമാണുള്ളത്. 
തോമസ് കേഹി, നിസാന്‍ ഇന്ത്യയുടെ ഓപറേഷന്‍സ് പ്രസിഡന്റ്  

രാജ്യത്ത് എട്ട് പ്രധാന നഗരങ്ങളിലൂടെയാണ് നിസാന്‍ കിക്സ് ട്രോഫിയുമായി സഞ്ചരിക്കുന്നത്. പുണെ, അഹമ്മദാബാദ്, ബംഗളൂരു, ചെന്നൈ, കൊല്‍ക്കത്ത, ഹൈദരാബാദ്, ഡല്‍ഹി തുടങ്ങിയ നഗരങ്ങളിലൂടെയാണ് പര്യടനം നടക്കുന്നത്. സുരക്ഷയ്ക്ക് ഏറെ പ്രധാന്യം നല്‍കി നിസാനില്‍ നിന്ന് പുറത്തിറങ്ങുന്ന കോംപാക്ട് എസ്യുവിയാണ് കിക്സ്.

2019 ജനുവരിയില്‍ നിസാന്റെ പുതിയ സബ് കോംപാക്ട് എസ്‌യുവിയായ കിക്സ് വിപണിയിലെത്തും. ഇന്ത്യയില്‍ കിക്സിന്റെ ടെസ്റ്റിങ് പുരോഗമിക്കുകയാണ്. ആഗോളതലത്തില്‍ നിസാന്‍ കിക്സ് വില്‍പ്പന ആരംഭിച്ചെങ്കിലും ഏറെ പ്രത്യേകതകളുമായാണ് മോഡലിന്റെ ഇന്ത്യന്‍ പതിപ്പ് വിപണിയിലെത്തുകയെന്ന് കമ്പനി വ്യക്തമാക്കിയിട്ടുണ്ട്.

റെനോ ക്യാപ്ച്ചര്‍, നിസാന്‍ ടെറാനോ തുടങ്ങിയ വാഹനങ്ങള്‍ നിര്‍മിച്ചിരിക്കുന്ന എംഒ പ്ലാറ്റ്‌ഫോമിലായിരിക്കും കിക്‌സിന്റെ നിര്‍മാണം.

ജനുവരിയില്‍ നിസാന്‍ കിക്സ് എത്തും; ക്രിക്കറ്റ് വേള്‍ഡ് കപ്പിന്റെ ഔദ്യോഗിക വാഹനമായി 

ഫൈവ് സീറ്റര്‍ മോഡലിന്റെ പെട്രോള്‍, ഡീസല്‍ പതിപ്പുകള്‍ ഇന്ത്യയിലെത്തുമെന്നാണ് റിപ്പോര്‍ട്ട്. എല്‍ഇഡി ഡേടൈം റണ്ണിങ് ലൈറ്റുകള്‍, വിമോഷന്‍ ഗ്രില്‍, വലിയ എയര്‍ഡാമും വാഹനത്തിന്റെ മുന്‍ വശത്തിന്റെ ഭംഗി കൂട്ടുന്നു. ഒഴുകിയിറങ്ങുന്ന മേല്‍ക്കൂരയും കറുത്ത പില്ലറുകളും കിക്സിന്റെ പ്രത്യേകതയാണ്. 17 ഇഞ്ച് വലിപ്പമുള്ള അഞ്ചു സ്‌പോക്ക് അലോയ് വീലുകള്‍, വലിയ ടെയ്ല്‍ലാമ്പുകള്‍, ഉയര്‍ത്തിയ വിന്‍ഡ്ഷീല്‍ഡ്, ബൂട്ടിന് വിലങ്ങനെയുള്ള കട്ടിയേറിയ ക്രോം ലൈനിങ്ങ്, ഷാര്‍ക്ക് ഫിന്‍ ആന്റീന, സ്‌കിഡ് പ്ലേറ്റ് എന്നിവയെല്ലാം വാഹനത്തിന്റെ സവിശേഷതകളാണ്.

ജനുവരിയില്‍ നിസാന്‍ കിക്സ് എത്തും; ക്രിക്കറ്റ് വേള്‍ഡ് കപ്പിന്റെ ഔദ്യോഗിക വാഹനമായി 

നിലവിലുള്ള 1.5 ലിറ്റര്‍ പെട്രോള്‍, ഡീസല്‍ എന്‍ജിനുകളായിരിക്കും കിക്ക്‌സിന് ലഭിക്കുക. 1.5 ലിറ്റര്‍ പെട്രോള്‍ എന്‍ജിന് 104 ബിഎച്ച്പി കരുത്തും 142 എന്‍എം ടോര്‍ക്കും പരമാവധി സൃഷ്ടിക്കാനാവും. 108 ബിഎച്ച്പി കരുത്തും 240 എന്‍എം ടോര്‍ക്കും ഡീസല്‍ എന്‍ജിന്‍ ഉത്പാദിപ്പിക്കും. പെട്രോള്‍ പതിപ്പിലെ മാനുവല്‍ ഗിയര്‍ബോക്‌സ് അഞ്ചു സ്പീഡാണ്. ഡീസല്‍ പതിപ്പില്‍ ആറു സ്പീഡായിരിക്കും.

2014 സാവോപോളോ ഇന്റര്‍നാഷണല്‍ മോട്ടോര്‍ഷോയിലാണ് കിക്‌സ് എന്ന കോംപാക്റ്റ് എസ്‌യുവി കണ്‍സെപ്റ്റ് ആദ്യം പ്രദര്‍ശിപ്പിച്ചത്. കണ്‍സെപ്റ്റ് മോഡലിന്റെ പ്രൊഡക്ഷന്‍ പതിപ്പ് 2016ല്‍ ബ്രസീല്‍ വിപണിയിലെത്തിയിരുന്നു. പ്രീമിയം ഫീലുള്ള ഇന്റീരിയര്‍, ഏഴ് ഇഞ്ച് ടച്ച്‌സ്‌ക്രീന്‍ ഇന്‍ഫോടൈന്‍മെന്റ് സിസ്റ്റം, ഓട്ടമാറ്റിക്ക് ക്ലൈമറ്റ് കണ്‍ട്രോള്‍ തുടങ്ങിയ ഫീച്ചറുകള്‍ ബ്രസീല്‍ മോഡലിലുണ്ട്.

FEATURED

 ഒറ്റ ക്ലിക്കില്‍ പൈനാപ്പിള്‍ ബോംബ്, പിന്നാലെ മേക്കിങ് വീഡിയോയും; സോഷ്യല്‍മീഡിയക്ക് ‘ക്ഷ’ പിടിച്ചു തിരുവനന്തപുരം സ്വദേശിയുടെ ചിത്രങ്ങള്‍ 
Special Story

ഒറ്റ ക്ലിക്കില്‍ പൈനാപ്പിള്‍ ബോംബ്, പിന്നാലെ മേക്കിങ് വീഡിയോയും; സോഷ്യല്‍മീഡിയക്ക് ‘ക്ഷ’ പിടിച്ചു തിരുവനന്തപുരം സ്വദേശിയുടെ ചിത്രങ്ങള്‍ 

26 Jan, 2019
പൗരാവകാശങ്ങള്‍ക്ക് വിലങ്ങിടുന്ന ഭരണാധികാരികള്‍; മോഡിയും റിപ്പബ്ലിക് ദിന മുഖ്യാതിഥി സിറില്‍ രാമഫോസയും തമ്മിലുളള സാമ്യങ്ങള്‍ 
Special Story

പൗരാവകാശങ്ങള്‍ക്ക് വിലങ്ങിടുന്ന ഭരണാധികാരികള്‍; മോഡിയും റിപ്പബ്ലിക് ദിന മുഖ്യാതിഥി സിറില്‍ രാമഫോസയും തമ്മിലുളള സാമ്യങ്ങള്‍ 

26 Jan, 2019
മറന്ന് കളയരുത് ഇവരെ; ഭരണഘടനാ നിർമ്മാണത്തിൽ പങ്കാളികളായ 15 സ്ത്രീകൾ
Special Story

മറന്ന് കളയരുത് ഇവരെ; ഭരണഘടനാ നിർമ്മാണത്തിൽ പങ്കാളികളായ 15 സ്ത്രീകൾ

26 Jan, 2019
സാമ്പത്തിക വളര്‍ച്ച മുതല്‍  ശബരിമല വരെ; പ്രധാനമന്ത്രി മോഡി കൊല്ലത്ത് പറഞ്ഞ വസ്തുതയ്ക്ക് നിരക്കാത്ത അഞ്ച്‌  കാര്യങ്ങള്‍ 
Politics

സാമ്പത്തിക വളര്‍ച്ച മുതല്‍ ശബരിമല വരെ; പ്രധാനമന്ത്രി മോഡി കൊല്ലത്ത് പറഞ്ഞ വസ്തുതയ്ക്ക് നിരക്കാത്ത അഞ്ച്‌ കാര്യങ്ങള്‍ 

15 Jan, 2019
2018ലെ പണംവാരിപ്പടങ്ങള്‍; ബോക്‌സ് ഓഫീസ് ടോപ് 10ല്‍ ഇവര്‍  
FILM NEWS

2018ലെ പണംവാരിപ്പടങ്ങള്‍; ബോക്‌സ് ഓഫീസ് ടോപ് 10ല്‍ ഇവര്‍  

31 Dec, 2018
ഫേസ്ബുക്കിനെയും സക്കര്‍ബര്‍ഗിനെയും വിടാതെ കഷ്ടകാലം! കുഴപ്പിച്ച വിവാദങ്ങളും സുരക്ഷാ വീഴ്ചകളും 
Special Story

ഫേസ്ബുക്കിനെയും സക്കര്‍ബര്‍ഗിനെയും വിടാതെ കഷ്ടകാലം! കുഴപ്പിച്ച വിവാദങ്ങളും സുരക്ഷാ വീഴ്ചകളും 

31 Dec, 2018