World News

‘സ്വവര്‍ഗാനുരാഗം കത്തോലിക്കാ സഭയ്ക്ക് ചേര്‍ന്നതല്ല’; സ്വവര്‍ഗാനുരാഗികളായ പുരോഹിതര്‍ സഭാവസ്ത്രം ഉപേക്ഷിക്കണമെന്ന് ഫ്രാന്‍സിസ് മാര്‍പാപ്പ

സ്വവര്‍ഗലൈംഗിക തല്‍പരരായ പുരോഗിതര്‍ ക്രൈസ്തവ വിശ്വാസത്തിന് ചേര്‍ന്നവരല്ലെന്ന് ഫ്രാന്‍സിസ് മാര്‍പാപ്പ. ഇത്തരം ജീവിതം നയിക്കുന്നവര്‍ അവരുടെ ഇരട്ടമുഖം ഒഴിവാക്കി സഭാവസ്ത്രം ഉപേക്ഷിക്കണമെന്ന് മാര്‍പാപ്പ ആവശ്യപ്പെട്ടു.

‘ദ സ്ട്രങ്ത് ഓഫ് വോക്കേഷന്‍’ എന്ന പുതിയ പുസ്തകത്തിലാണ് മാര്‍പ്പാപ്പ നിലപാട് വ്യക്തമാക്കിയിരിക്കുന്നത്. ഒരാള്‍ പുരോഹിതനോ കന്യാസ്ത്രീയോ ആയി തുടരുന്നതിലെ വെല്ലുവിളികളെക്കുറിച്ച് വിവരിക്കുമ്പോഴായിരുന്നു പോപ്പിന്റെ പ്രസ്താവനയെന്ന് റോയിറ്റേഴ്‌സ് റിപ്പോര്‍ട്ട് ചെയ്തു.

സഭയില്‍ വര്‍ധിച്ചുവരുന്ന സ്വവര്‍ഗാനുരാഗം തന്നെ ആകുലപ്പെടുത്തുന്നുണ്ടെന്നും മാര്‍പാപ്പ പറഞ്ഞു. സ്വവര്‍ഗാനുരാഗം ഉയര്‍ത്തുന്ന ചോദ്യം വളരെ ഗൗരവമേറിയതാണ്. പരിശീലനത്തിലൂടെ വൈകാരികമായും മനുഷ്യന്‍ എന്ന നിലയിലും പാകപ്പെട്ട ആളുകളാവണം പുരോഹിതനാവുന്നത്. കന്യാസ്ത്രീയാകാന്‍ എത്തുന്നവര്‍ക്കും ഇത് ബാധകമാണ്. കത്തോലിക്ക സഭയിലെ പുരോഹിതരും കന്യാസ്ത്രീകളും സന്യാസികളും ബ്രഹ്മചര്യം അനുഷ്ടിക്കേണ്ടവരാണെന്നും അദ്ദേഹം വ്യക്തമാക്കി.

വ്യക്തികള്‍ക്ക് സ്വവര്‍ഗാനുരാഗ പ്രവണതകള്‍ ഉണ്ടാവുന്നത് പാപമല്ലെന്നാണ് സഭ പഠിപ്പിക്കുന്നത്. എന്നാല്‍ അത് പുരോഹിതര്‍ പ്രയോഗത്തില്‍ വരുത്തുന്നത് തെറ്റാണ്.

പൗരോഹിത്യ ജീവിതത്തില്‍ ലൈംഗിക ചിന്തകള്‍ക്ക് സ്ഥാനമില്ല. പൗരോഹിത്യത്തിലേക്ക് അഭിഷിക്തരായവരില്‍നിന്ന് ഇതല്ല സഭ ആഗ്രഹിക്കുന്നതെന്നും മാര്‍പാപ്പ കൂട്ടിച്ചേര്‍ത്തു. സഭയ്‌ക്കെതിരെ ആരോപണങ്ങള്‍ ഉയരാതിരിക്കാന്‍ സ്വവര്‍ഗാനുരാഗികളായ പുരോഹിതര്‍ക്കും കന്യാസ്ത്രീകള്‍ക്കും ഉത്തവവാദിത്തമുണ്ട്.

തങ്ങളുടെ ബ്രഹ്മചര്യത്തിന്റെ പരിശുദ്ധി സൂക്ഷിക്കാന്‍ കഴിയാത്തവര്‍ സഭാ വസ്ത്രം ഉപേക്ഷിക്കുന്നതാണ് നല്ലതെന്നും അദ്ദേഹം അഭിപ്രായപ്പെട്ടു.

വത്തിക്കാനില്‍ സ്വവര്‍ഗാനുരാഗികളായ പുരോഹിതരുടെ ഒരു ശൃംഖലതന്നെയുണ്ടെന്നും സെമിനാരികളില്‍നിന്നും ഉയരുന്ന ലൈംഗിക ആരോപണങ്ങളെ മാര്‍പാപ്പ അവഗണിക്കുകയാണെന്നും വത്തിക്കാനിലെ മുന്‍ അംബാസിഡര്‍ അര്‍ച്ച് ബിഷപ്പ് കാര്‍ലോ മരിയ ആരോപിച്ചിരുന്നു. ഇതിന് മറുപടിയെന്നോണമാണ് മാര്‍പാപ്പ നിലപാട് വ്യക്തമാക്കിയിരിക്കുന്നത്.

FEATURED

 ഒറ്റ ക്ലിക്കില്‍ പൈനാപ്പിള്‍ ബോംബ്, പിന്നാലെ മേക്കിങ് വീഡിയോയും; സോഷ്യല്‍മീഡിയക്ക് ‘ക്ഷ’ പിടിച്ചു തിരുവനന്തപുരം സ്വദേശിയുടെ ചിത്രങ്ങള്‍ 
Special Story

ഒറ്റ ക്ലിക്കില്‍ പൈനാപ്പിള്‍ ബോംബ്, പിന്നാലെ മേക്കിങ് വീഡിയോയും; സോഷ്യല്‍മീഡിയക്ക് ‘ക്ഷ’ പിടിച്ചു തിരുവനന്തപുരം സ്വദേശിയുടെ ചിത്രങ്ങള്‍ 

26 Jan, 2019
പൗരാവകാശങ്ങള്‍ക്ക് വിലങ്ങിടുന്ന ഭരണാധികാരികള്‍; മോഡിയും റിപ്പബ്ലിക് ദിന മുഖ്യാതിഥി സിറില്‍ രാമഫോസയും തമ്മിലുളള സാമ്യങ്ങള്‍ 
Special Story

പൗരാവകാശങ്ങള്‍ക്ക് വിലങ്ങിടുന്ന ഭരണാധികാരികള്‍; മോഡിയും റിപ്പബ്ലിക് ദിന മുഖ്യാതിഥി സിറില്‍ രാമഫോസയും തമ്മിലുളള സാമ്യങ്ങള്‍ 

26 Jan, 2019
മറന്ന് കളയരുത് ഇവരെ; ഭരണഘടനാ നിർമ്മാണത്തിൽ പങ്കാളികളായ 15 സ്ത്രീകൾ
Special Story

മറന്ന് കളയരുത് ഇവരെ; ഭരണഘടനാ നിർമ്മാണത്തിൽ പങ്കാളികളായ 15 സ്ത്രീകൾ

26 Jan, 2019
സാമ്പത്തിക വളര്‍ച്ച മുതല്‍  ശബരിമല വരെ; പ്രധാനമന്ത്രി മോഡി കൊല്ലത്ത് പറഞ്ഞ വസ്തുതയ്ക്ക് നിരക്കാത്ത അഞ്ച്‌  കാര്യങ്ങള്‍ 
Politics

സാമ്പത്തിക വളര്‍ച്ച മുതല്‍ ശബരിമല വരെ; പ്രധാനമന്ത്രി മോഡി കൊല്ലത്ത് പറഞ്ഞ വസ്തുതയ്ക്ക് നിരക്കാത്ത അഞ്ച്‌ കാര്യങ്ങള്‍ 

15 Jan, 2019
2018ലെ പണംവാരിപ്പടങ്ങള്‍; ബോക്‌സ് ഓഫീസ് ടോപ് 10ല്‍ ഇവര്‍  
FILM NEWS

2018ലെ പണംവാരിപ്പടങ്ങള്‍; ബോക്‌സ് ഓഫീസ് ടോപ് 10ല്‍ ഇവര്‍  

31 Dec, 2018
ഫേസ്ബുക്കിനെയും സക്കര്‍ബര്‍ഗിനെയും വിടാതെ കഷ്ടകാലം! കുഴപ്പിച്ച വിവാദങ്ങളും സുരക്ഷാ വീഴ്ചകളും 
Special Story

ഫേസ്ബുക്കിനെയും സക്കര്‍ബര്‍ഗിനെയും വിടാതെ കഷ്ടകാലം! കുഴപ്പിച്ച വിവാദങ്ങളും സുരക്ഷാ വീഴ്ചകളും 

31 Dec, 2018